10 April 2014      ANGEL     Views 1 448    
Category: Charity / Georgians



თბილისის ზოოპარკის გამწვანების აქცია

ჩვენო გულშემატკივრებო და ერთგულო მეგობრებო!
ა.წ 26 აპრილს, შაბათს, ზოოპარკში გამწვანების აქცია იგეგმება.

თბილისის ზოოპარკის გამწვანების აქცია
თბილისის ზოოპარკი პატარა მწვანე კუნძულია მჭიდროდ განაშენიანებული ქალაქის შუაგულში, სადაც ბავშვებთან ერთად დასვენება და თავისუფალი დროის გატარებაა შესაძლებელი. როგორც იცით, ზოოპარკს მისი მოსაზღვრე ავტომაგისტრალისგან მხოლოდ დაბალი, რკინის ბადე ჰყოფს. სწორედ ამიტომ, დიდი სურვილი გვაქვს, ტერიტორია მაგისტრალისგან ცოცხალი ღობით გავმიჯნოთ და გზის გაყოლებაზე ტუიას წიწვოვანი ბუჩქები დავრგოთ, რაც ლამაზიც იქნება და გარკვეულწილად ცხოველების ვოლიერებსაც დაიცავს მტვრისაგან. ზოოპარკის სიმწვანის შენარჩუნება და გაუმჯობესება ნამდვილად სასარგებლო საქმეა. ამასთან, აქციაში მონაწილეობით, გამწვანებასთან ერთად, ჩვენი ბინადრებისთვის უკეთესი პირობების შექმნაშიც დაგვეხმარებით.

თბილისის ზოოპარკის გამწვანების აქციაში მონაწილეობა ნებისმიერ მსურველს შეუძლია,
როგორც ორგანიზაციას, ისე ფიზიკურ პირს.



აქციაში მონაწილეობის პროცედურა:

განსაზღვრეთ, თუ რა თანხის გამოყოფა შეგიძლიათ ნერგების საყიდლად;
გაიარეთ რეგისტრაცია 2-დან 16 აპრილის ჩათვლით: დარეკეთ ტელეფონის ნომერზე: 233 29 01, ან დაგვიკავშირდით ელფოსტაზე: [email protected] და მიიღეთ ინფორმაცია ნერგების შეძენის პროცედურასთან დაკავშირებით. ნერგების მოტანას და დასარგავი ადგილების მომზადებას ზოოპარკი გაუწევს ორგანიზებას;
26 აპრილს, 12:00 საათზე, სურვილისამებრ, თავად მიიღეთ მონაწილეობა ნერგების დარგვაში.
თბილისის ზოოპარკი თითოეული ჩვენგანის, ჩვენი და ჩვენი შვილების ზოოპარკია, მისი ბინადრები კი ჩვენი მეგობრები არიან.




შემოგვიერთდით და ჩაერთეთ გამწვანების აქციაში!
ერთად გავაკეთოთ კეთილი საქმე!
ერთად გავამწვანოთ ჩვენი ზოოპარკი!



თბილისის ზოოპარკი
მ. კოსტავას ქ. #64, 0171, თბილისი, საქართველო
ტელ.: (+995 32) 2332901
ფაქსი: (+995 32) 2213050
მობ.: (+995) 595 33 35 72
[email protected]
www.zoo.ge
www.facebook.com/TbilisiZoo


Category: Charity / Georgians
Tags:

Share it
Comments
Back to Top