21 April 2014      ANGEL     Views 12 590    
Category: Fashion / Georgians / for ANGEL.ge / Stars

კრისტი BUON VIAGGIO -სთვის, სტუმარი ნანკა კალატოზიშვილი

BUON VIAGGIO-ში კრისტის სტუმარი ნანკა კალატოზიშვილია. საუბარი შედგა ნანკას სტილსა და გემოვნებაზე. როგორია პატარა დანის(შვილის) სტილი,ჩანთები ნანკას ცხოვრებაში და სამომავლოგეგმები. ინტერვიუს ენჯელ.ჯი წარმოგიდნენთ:


BuonViaggioMilanoGeorgia; პეკინის 27
ჟურნალისტი: ტატა ნაკანი
ფოტოგრაფი: თაკო რეხვიაშვილი




„ცალ-ცალი ფეხსაცმლით აღარ დავდივარ. ისე ნამდვილად არ შეცვლილა ჩემი სტილი.
მოდას ვერ მივყვები. კომფორტზე ვარ ორიენტირებული.“


მახსოვს, პატარაობიდანვე ორიგინალური იყავი. შეიცვალა ბავშვობის მერე ნანკას სტილი?

ცალ-ცალი ფეხსაცმლით აღარ დავდივარ. ისე ნამდვილად არ შეცვლილა. მოდას ვერ მივყვები. კომფორტზე ვარ ორიენტირებული. თუმცა, როდესაც მოდურ ადამიანებს ვუყურებ, მაგალითად შენ, კრისტი, ძალიან მომწონს. ძალიან მშურს იმ ადამიანების, რომლებიც მაღალქუსლიანი ფეხსაცმლებით თავისუფლად მოძრაობენ. მე კეტებს ვერ გავცდი.

შენს გარდერობში საერთოდ არ არის მაღალქუსლიანი ფეხსაცმელი?

რეალურად მაქვს. უცბად აღმოვაჩინე, რომ როცა მჭირდებოდა არ მქონდა. წავედი საყიდლად და მაინც კეტებით დავბრუნდი. მინდა თუ არ მინდა მაინც ვყიდულობ. აღმოვაჩინე რომ შავი ფერის საერთოდ არ მაქვს, უფრო მწვანე, წითელი, ჭრელი ფერები ჭარბობს.

კაბებს რა ადილი უკავია შენს გარდერობში?

კაბების სერიოზული დეფიციტი მაქვს. ერთხელ გადაღებიდან ჩემს სახლში მოვედით და კაბა უნდა აგვერჩია გადასაღებად, აღმოვაჩინე, რომ ფიზიკურად არ მქონდა. მაქვს მხოლოდ ბალახონივით ფართხუნა კაბები. მემგონი უკვე იმ ასაკში ვარ, რომ გარდერობში უნდა მქონდეს კაბები.



„მემგონი უკვე იმ ასაკში ვარ, რომ გარდერობში უნდა მქონდეს კაბები.“

აქსესუარებს ხმარობ ყოველდღიურად?რომელი გიყვარს გამორჩეულად?

საყურეები მიყვარს ძალიან. ყელზე ვერაფერს ვერ ვხმარობ. დიდი საყურეები, დიდი ბეჭდები და დიდი საყურეები მიყვარს.
ოქრო არ მიყვარდა არასდროს. ნელ-ნელა ვიკეთებ უკვე. რუჯზე ძალიან მომწონს ოქრო. ყოველთვის უფრო მასიური რაღაცები მიყვარდა. ტყავის სამაჯურები, ბიჭური რაღაცები უფრო მომწონს.

„ცეკვავენ ვარსკვლავებში“ დიზაინერები გაცმევდნენ. ერეოდი სამოსის შექმნის პროცესში?

მე ხომ ვიცი ეკრანზე დაახლოებით როგორ იღებენ და როგორი ვჩანვარ კადრში. ამიტომ ერთადერთი თხოვნა მქონდა ყოველთვის, რომ მუხლამდე კაბა არ მცმოდა.
ერთი ორჯერ ჩამაცვეს და ეკრანზე გაუგებარი სიგრძე ჩანდა,რომელიც მე არ მიხდებოდა. ზუსტად ვიცოდი, რომ ეს სიგრძე ეკრანზე კარგად არ გამოჩნდებოდა. მაშინ წონაში მომატებული და ახალ ნამშობიარები ვიყავი. ვურჩევდი, რომ უფრო ტანს გაყოლოდნენ, ვიდრე დაეფარათ რაღაცები. თავიდან ასეც ვცადეთ და არ მომიხდა. დისკომფორტი მქონდა სხვა წონის გამო, რომელიც ჩემთვის უცხო იყო. თუმცა ვერ გავაკეთე დიეტა, პარალელურად სერიალს ვიღებდით და ფიზიკურად ვერ შევძლებდი.



„ყოველთვის უფრო მასიური რაღაცები მიყვარდა.
ტყავის სამაჯურები, ბიჭური რაღაცები უფრო მომწონს.“


ქართველი დიზაინერებიდან ვისთან თანამშრომლობ ყველაზე ხშირად?

გიორგი ამირეჯიბი ჩემი ბავშვობის მეგობარია. როცა ჩამოდის გამოვდივარ მის ჩვენებებზე.
ტანსაცმელიც მომწონს. ადრე გამოვდიოდი დათუნა სულიკაშვილის ჩვენებაზეც. მეგობარი როცა მთხოვს, რატომაც არა, ყოველთვის ვეხმარები.

ვარცხნილობას არასდროს არ იცვლი.არ გიფიქრია ცვლილებაზე?

სულ გაშლილი მაქვს. ძალიან მინდოდა მოკლედ თმის შეჭრა.
თხელი თმა მაქვს და რომ შევიჭრა, მერე სულ დასაყენებელი მექნება. დაყენება მეზარება, ძირითადად აწეული ან გაშლილი მაქვს სულ.

შენ ხარ ტყუპისცალი. შენს ძმას რაღაცით გავხარ. ერთნაირად თუ გაცმევდნენ ბავშვობაში?

მახსოვს, ერთნაირი თეთრი სვიტერები გვქონდა. მანდ დამთავრდა.
ქურთუკებიც გვქონდა, ოღონდ სხვადასხვა ფერის.



„არ მიყვარს ბავშვებს პიჯაკებს რომ აცმევენ, თავისი ჰალსტუხებით.
უფროსებზე არ მიყვარს და ბავშვს რატომ უნდა ჩავაცვა.“




ხასიათებით გავხართ ერთმანეთს?

ის სულ სხვაა. უფრო დინჯი იყო ყოველთვის. გარდატეხის ასაკიდან სულ კითხულობდა, სულ რაღაცით დაინტერესებული იყო.
ბავშვობაში ის სულ რაღაცას აფუჭებდა, მე ენის მიტანა მასწავლეს, რადგან ის რასაც აფუჭებდა ჩუმად, ამას ვერავინ ვერ იგებდა. მერე მომეწონა ეს პროცესი და ყველაფერს ვყვებოდი ხოლმე. ის სხვა სფეროშიც არის. ყველაფერი ისწავლა, რაც შეიძლებოდა. მე ეგეთი ჭკვიანი ვერ ვარ. მე ჩემს სფეროში ვარ.

როგორია პატარა დანის (შვილის) სტილი?

როგორი აჩაჩულებიც დავდივართ მშობლები, ისე დადის დანიც.
ალბათ, მერეც ასე იქნება. ძალიან მომწონს სპორტული ტიპის შარვლები. არ ვაცმევდი სპეციალურად ჯინსებს, სადამდეც შეიძლება რომ კომფორტულად იყოს ელვისა და ღილების გარეშე, ბოლომდე ვცდილობ რომ ასე ჩავაცვა. ახლა უკვე აცვია კაცურად ჩაჩული შარვლები. არ მიყვარს ბავშვებს პიჯაკებს რომ აცმევენ, თავისი ჰალსტუხებით. უფროსებზე არ მიყვარს და ბავშვს რატომ უნდა ჩავაცვა. მინდა სრული კომფორტი ჰქონდეს.




„ვთვლი, რომ ჩანთა არასდროს არ არის ზედმეტი. თუ მოგწონს უნდა იყიდო.“

რაც შეეხება ჩანთებს,რა ადგილი უკავია შენს ცხოვრებაში ჩანთას?

კედო (მეუღლე) სულ დამცინის - „ რად გინდა ამდენი ჩანთაო“. მე კი სულ ვეუბნები, რომ ჩანთა ზედმეტი არადროს არ არის, ისევე როგორც კეტი. ერთი პერიოდი ძალიან დიდი ზომის ჩანთებით დავდიოდი, ფაქტობრივად სახლი მჭირდებდა ხოლმე დილიდან გამოსულს. პატარა ჩანთებს საერთოდ ვერ ვხმარობდი. მერე საშუალო ზომაზე გადავედი. ახლა არეულად. ვთვლი, რომ ჩანთა არასდროს არ არის ზედმეტი. თუ მოგწონს უნდა იყიდო.

როგორია შენი სამომავლო გეგმები?

ძალიან მალე დაიწყება „ცეკვავენ ვარსკვლავები“, ისევ წამყვანის ამპლუაში ვიქნები. სერიალი „პარადოქსი“ დაიხურა, გარკვეული მიზეზების გამო. სპექტაკლებში ვთამაშობ, სხვა ჯერჯერობით არაფერი. კარგი ამინდი გამოდის და აქტიურად ვისეირნებ, ძალიან მიხარია.


BUON VIAGGIO-ს გუნდი წარმატებებს გისურვებთ!
მადლობა BUON VIAGGIO-ში სტუმრობისათვის!




Buon Viaggio: ნანკა კალატოზიშვილი
Buon Viaggio Milano

ბრენდი, რომლის პროდუქციაც უკვე სრულყოფილებაა
და კრიტიკას აღარ ექვემდებარება.
ბრენდი რომელმაც გააერთიანა ყველაზე მოდური,
ყველაზე აქტუალური, სრულყოფილი ჩანთის მოდელები.


პეკინის 27
აღმაშენებლის 144

facebook.com/BuonViaggioMilanoGeorgia






თემატური ნიუსები: Buon Viaggio Milano -ბრენდი, რომლის პროდუქციაც სრულყოფილებაა
Buon Viaggio: დალი ჩიტალაძე
Buon Viaggio: ქრისტინე იმედაძე
Buon Viaggio: გიორგი ყიფშიძე
Buon Viaggio: თამუნა ინგოროყვა
Buon Viaggio: ნინო იოსელიანი
Buon Viaggio: აჩიკო მეფარიძე
Buon Viaggio: ეკა მგალობლიშვილი
Buon Viaggio: ქეთი ორჯონიკიძე
Buon Viaggio: დათუნა სულიკაშვილი
Buon Viaggio: ეკო ფანგანი
Buon Viaggio: აჩი არველაძე
Buon Viaggio: ნოდიკო ტატიშვილი
Buon Viaggio: ნინო ნადირაძე-კუზანოვა
Buon Viaggio: ლიზა ვადაჭკორია
Buon Viaggio: ნინო ცქიტიშვილი
Buon Viaggio: ნინა წკრიალაშვილი
Buon Viaggio: რამაზო რომა
Buon Viaggio: ლიკა ლაბაძე
Buon Viaggio: ზალიკო ბერგერი


Category: Fashion / Georgians / for ANGEL.ge / Stars
Tags: BUON VIAGGIO angel.ge-სთვის კრისტი ინტერვიუ ნანკა კალატოზიშვილი

Share it
Comments
Back to Top