21 September 2015      TataNakani     Views 2 520    
Category: Fashion / Man


მამაკაცისთვის #1 სამოსი - ჯინსია, თუმცა არამხოლოდ მამაკაცისთვის. ამჯერად მამრობითი სქესის წარმომადგენლების ტრენდებზე შევჩერდებით. გარდერობის ყველაზე საჭირო, კომფორტული და საყვარელი სამოსი მუდმივად აქტუალურია. მათთვის, ვისაც არ უყვარს ერთფეროვნება და ვისი ცხოვრებაც წარმოუდგენელია სიახლეების გარეშე, წარმოგიდგენთ 2015 წლის ჯინსების ტრენდებს. რას სთავაზობენ მოდის სახლები საშემოდგომო სეზონისთვის მამაკაცებს?
იხილეთ 2015 წლის მამაკაცის ჯინსების ტრენდები.

#1 დახეული ჯინსები.
დახეული ჯინსები თავისუფლების მოყვარული მამაკაცებისთვის აუცილებელი სამოსია. თუმცა ყველაფერს თავისი ლიმიტი აქვს. სწორად შეარჩიეთ მოდელი, რომელიც საშუალოდ იქნება დასერილი. 1990-იანი წლების ტრენდი დღესაც აქტუალურია.
Ralph Lauren, Levi’s, Saint Laurent - ბრენდები, რომლებიც 2015 წლის საშემოდგომო სეზონისთვის მოდურ ჯინსებს წარმოგვიდგენენ.

#2 შავი ჯინსი.
2014-2015 წლების ყველაზე აქტუალური ტრენდი შავი ჯინსია. ფერი, რომელსაც ნებისმიერ რამეს შეუხამებ, მამაკაცებისთვისაც სასურველი და კომფორტულია. Cheap Monday, Dr Denim, Weekday Nudie, A.P.C., Acne Studios საშემოდგომო სეზონისთვის შავ ჯინსებს წარმოგვიდგენენ.

#3 თავისუფალი ფორმის ჯინსები.
ბევრი მამაკაცისთვის გამოყვანილი ფორმის შარვალი არ არის კომფორტული. სწორედ მათთვის საშემოდგომო სეზონის შემდეგი ტრენდი თავისუფალი ფორმის ჯინსებია. Burton-ის, Next-სა და New Look-ის კოლექციებში ამ ტიპის მოდელებს შეხვდებით.

#4 ღია ფერის შარვლები.
2000 წლიდან თეთრი ჯინსები მოდური მამაკაცების ერთ-ერთი საყვარელი სამოსი გახდა. 2015 წელს საშემოდგომო სეზონისთვისაც კი აქტუალური ტრენდია. მითი, იმის შესახებ რომ თეთრი ფერი მხოლოდ ზაფხულში უნდა გეცვათ, დაივიწყეთ. შეუხამეთ ნებისმიერი ფერის სამოსი ღია ფერის ჯინსებს.

#5 ტრენდი- აკეცილი ჯინსებია. მოდური მამაკაცისთვის ეს უცნობი არ არის. შესძინეთ სხვა ელფერი თქვენს სტილს და იყავით თავისუფლები, აირჩიეთ საკუთარი სტილის ელემენტები და
იყავით განსხვავებულები.




ავტორი: ტატა ნაკანი


Category: Fashion / Man
Tags:

Share it
Comments
Back to Top