;

5 August 2012      NiNi_N     Views 3750    
Category: Fun, Interesting

ჯადოსნური სითხე ანუ ცოტა რამ ისტორიიდან ♥

ერთი წამით დროსა და სივრცეში გადავინაცვლოთ.... ეს ოლმეკების სამფლობელოა - ჩ.წ-მდე 1500 წელს მექსიკის ყურეში არსებული უძველესი ცივილიზაციის აკვანი. ოლმეკებზე ბევრი არაფერი ვიცით, მაგრამ ერთი რამ კი ზუსტად შეგვიძლია ვთქვათ: ოლმეკები, შემდეგ კი მათი დამპყრობელი მაიას ტომები და აცტეკები შოკოლადის "პირველაღმომჩენლები" და შოკოლადის ინდუსტრიის ფუძემდებლები იყვნენ! ოღონდ არ უნდა დაგვავიწყდეს, რომ მაშინდელი შოკოლადი ლამაზად შეფუთული მადის აღმძვრელი შოკოლადის ფილები არ იყო, არამედ ძალიან არომატული, მაგრამ მწარე, სპეციფიკური გემოს მქონე სასმელი რომელსაც კსოკოატლს (მაიას ტომები) და ჩოკოლატლს (აცტეკები), ანუ "მწარე სითხეს" ან, მეორე ვერსიით, "ქაფიან სითხეს" უწოდებდნენ.

ყველაზე ტკბილი ისტორია ♥


ღმერთების საჩუქარი

აცტეკების რწმენით, ღვთაება კეტცალკოატლი დედამიწაზე დილის მზის სხივს ჩამოჰყვა, ადამიანთა მოდგმისთვის საჩუქრად კაკაოს ხის ნერგი ჩამოიტანა, თავის ხალხს კაკაოს მარცვლების მოხალვა, დაფქვა და მისგან საკვებად ვარგისი ფხვნილის გაკეთება ასწავლა. ამ ფხვნილისგან სასმელის მისაღებად კი წყლის დამატება აცტეკებმა სათაყვანებელი ღმერთის კარნახის გარეშეც მოახერხეს, დაფხვნილი ცხარე წიწაკა და სხვა სანელებლებიც შეურიეს, რომ მისი მწარე გემო ოდნავ მაინც შეეცვალათ. ამ სასმელს დიდი ხნის განმავლობაში მაგიური რიტუალებისა და საქორწინო ცერემონიების დროს იყენებდნენ. ძველ მექსიკელებს სწამდათ, რომ საკვების ქალღმერთი ტონაკატეკუტლი და წყლის ღვთაება კალჩიუტლუკი განსაკუთრებულად მფარველობდნენ კაკაოს ხეს, მის მოსავალს და მისგან დამზადებულ ღვთაებრივ სასმელს, მაიას ტომების ხალხის საყვარელ კაკაოს ღვთაებას კი ეკ-ჩუახე ერქვა - მის სახელზე ლოცვებს აღავლენდნენ და ისევე სწირავდნენ მსხვერპლს. როგორც სხვა, არანაკლებს "გავლენიან" ღმერთებს.
ყველაზე ტკბილი ისტორია ♥

კაკაოს ფული

კაკაოს ხის ნაყოფმა, გარდა საკვებისა, სხვა ფუნქციაც შეითავსა: კაკაოს მარცვლები ფულად იქცა არამარტო მაიას ტომის ხალხისთვის - ნიკარაგუაში 10 ცალ კაკაოს მარცვლად კურდღლის ყიდვა შეიძლებოდა, ჯამრთელი მამაკაცი-მონა 100 მარცვლად ფასობდა, მონა-ქალის დროებით დასაქირავებლად კი სულ რაღაც 6 კაკაოს მარცვალი კმაროდა... იმდროინდელი "ყალბი ფულის მჭრელები" კი ნაყოფიდან კაკაოს მარცვლებს იღებდნენ, წონისთვის ქვებს დებდნენ და ისე ყიდიდნენ!
ყველაზე ტკბილი ისტორია ♥

გზა ევროპისკენ და ასწლიანი საიდუმლო რეცეპტი

ძველ თქმულებას თუ დავუჯერებთ, აცტეკების ლეგენდარული მეფე მონტესუმა Ⅱ შოკოლადის გარდა სხვა სითხეს არც ეკარებოდა. დამპყრობელმა ერნან კორტესმა და მისმა მეომრებმა 1519 წელს მექსიკის დაპყრობისას, სხვა სიმდიდრესთან ერთად, ხელთ ჩაიგდეს მონტესუმას კაკაოს ნაყოფის გრანდიოზული საცავი, ამ ეგზოტიკურ სასმელსაც გაუსინჯეს გემო და, მართალია, სიმწარის გამო დიდად არ მოიწონეს, მაგრამ მისი თვისებებით გაოცებულნი დარჩნენ. ესპანეთში დაბრუნებულმა კორტესმა ეს ჯადოსნური სითხე მეფე კარლ Ⅴ-ს მოუმზადა და მას შემდეგ სამეფო კარის დიდებულები ლერწმის შაქრით, ნიგვზით და დარიჩინით შენელებულ შოკოლადის სასმელს მიირთმევდნენ. შოკოლადის რეცეპტი სახელმწიფო საიდუმლოს წარმოადგენდა, მის გამცემს სიკვდილით დასჯა ემუქრებოდა.... მაგრამ გავიდა ხანი და ესპანეთის მეფე ფილიპ Ⅲ-ის ქალიშვილი, ანა ავსტრალიელი, 1615 წელს მისთხოვდა ლუი ⅫⅠ-ეს. სწორედ მან ჩაიტანა საფრანგეთში ერთი ყუთი კაკაოს მარცვალი და მისი მომზადების რეცეპტი. პარიზის შემდეგ კი შოკოლადის ბუმმა მთელი ევროპა წალეკა.
ყველაზე ტკბილი ისტორია ♥


Category: Fun, Interesting
Tags:

Share it
Comments



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top