;

23 August 2012      Hermione...♥     Views 9037    
Category: Fun, Interesting

ბევრისათვის რთული წარმოსადგენია, რომ სახელგანთქმული ადამიანებიც ჩვეულებრივ მოკვდავთა რიგებს მიეკუთვნებიან (თუმცა, მათი სახელი მუდამ ცოცხლობს ისტორიის ფურცლებსა თუ თაყვანისმცემელთა გულებში). ზოგჯერ, ცნობილი ადამიანის სიკვდილი მასობრივ გლოვას იწვევს, სასოწარკვეთილი თაყვანისმცემლები კი ხშირად თვითმკვლელობასაც მიმართავენ. გთავაზობთ ცნობილი ადამიანების მიერ უკანასკნელად წარმოთქმულ ფრაზებს.

სტივ ჯობსი
ცნობილი ადამიანების ბოლო სიტყვები
კომპანია Apple-ის დამაარსებელი, სტივ ჯობსი, 2011 წლის 5 ოქტომბერს პანკრეასის კიბოთი გარდაიცვალა. ცნობილი მილიარდელის დის თქმით, მომაკვდავი სტივის უკანასკნელი სიტყვები იყო: -Oh wow. Oh wow. Oh wow.

იოანე პავლე II
ცნობილი ადამიანების ბოლო სიტყვები
რომის პაპი იოანე პავლე II, 2005 წლის 2 აპრილს ხანგრძლივი ავადმყოფობის შემდეგ გარდაიცვალა. მისი უკანასკნელი სიტყვა იყო -ამინ!

ბარი უაითი
ცნობილი ადამიანების ბოლო სიტყვები
სახელგანთქმულ მუსიკოსს, ბარი უაითს, ჭარბი წონის გამო ჯანმრთელობის პრობლემები შეექმნა და 2003 წლის 4 ივლისს თირკმლის უკმარისობით გარდაიცვალა. მისი უკანასკნელი სიტყვები იყო: -მარტო დამტოვეთ. კარგად ვარ.

ჯო დიმაჯიო
ცნობილი ადამიანების ბოლო სიტყვები
ლეგენდარული ბეისბოლის მოთამაშე და მერილინ მონროს ყოფილი მეუღლე, ჯო დიმაჯიო, 1999 წლის 8 მარტს ფილტვის კიბოთი გარდაიცვალა. მისი ბოლო სიტყვები იყო: -როგორც იქნა, ჩემს მერილინს ვნახავ.

დედა ტერეზა
ცნობილი ადამიანების ბოლო სიტყვები
კათოლიკე მონაზონი და ქველმოქმედი, დედა ტერეზა, 1997 წლის 5 სექტემბერს 87 წლის ასაკში გარდაიცვალა. მისი უკანასკნელი სიტყვები იყო: -იესო, მე შენ მიყვარხარ. იესო, მე შენ მიყვარხარ.

პრინცესა დაიანა
ცნობილი ადამიანების ბოლო სიტყვები
ლედი დი 1997 წლის 31 აგვისტოს პარიზში ავროკატასტროფის შედეგად დაიღუპა. მისი ბოლო სიტყვები იყო: -ღმერთო ჩემო! რა მოხდა?

ინდირა განდი
ცნობილი ადამიანების ბოლო სიტყვები
ინდოეთის პრემიერ-მინისტრი, ინდირა განდი, 1984 წლის 31 ოქტომბერს მოკლეს. მისი უკანასკნელი ფრაზა იყო: -მზად ვარ, რომ მთელი ცხოვრება ხალხის სამსახურში გავატარო. თუ დღეს მოვკვდები, ჩემი სისხლის ყოველი წვეთი სამშობლოს სიყვარულისათვის იქნება დაღვრილი.

ბობ მარლი
ცნობილი ადამიანების ბოლო სიტყვები
ცნობილი მუსიკოსი 1981 წლის 11 მაისს კიბოთი გარდაიცვალა. მისი ბოლო სიტყვები იყო: -ფულით სიცოცხლეს ვერ იყიდი.

ჯონ ლენონი
ცნობილი ადამიანების ბოლო სიტყვები
1980 წლის 8 დეკემბერს მარკ დეივიდ ჩეპმენის მიერ მძიმედ დაჭრილ ვარსკვლავს საავადმყოფოსაკენ მიმავალ გზაზე ჰკითხეს: -თქვენ ჯონ ლენონი ხართ? მან კი უპასუხა: -დიახ, მე ვარ. ეს პასუხი ლეგენდარული მუსიკოსის უკანასკნელი სიტყვები აღმოჩნდა.

ელვის პრესლი
ცნობილი ადამიანების ბოლო სიტყვები
როკ-ენ-როლის მეფე 1977 წლის 16 აგვისტოს ნარკოტიკების გადაჭარბებული დოზის მიღების შედეგად გარდაიცვალა. თავისი უკანასკნელი პრეს-კონფერენციის ბოლოს ელვისმა თქვა: -იმედია, თავი არ მოგაბეზრეთ. სწორედ ეს ფრაზა აღმოჩნდა მისი ბოლო სიტყვები.

პაბლო პიკასო
ცნობილი ადამიანების ბოლო სიტყვები
ცნობილი მხატვარი 1973 წლის 8 აპრილს 91 წლის ასაკში გარდაიცვალა. მისი უკანასკნელი სიტყვები იყო: -დალიეთ ჩემი სადღეგრძელო. მე მეტის დალევა აღარ შემიძლია.

მარტინ ლუთერ კინგი
ცნობილი ადამიანების ბოლო სიტყვები
მარტინ ლუთერ კინგი-ადამიანი, რომელმაც რასიზმის წინააღმდეგ შეუპოვარი ბრძოლით გაითქვა სახელი, 1968 წლის 4 აპრილს მოკლეს. სიკვდილამდე რამდენიმე წამით ადრე მან მუსიკოს ბენ ბრენჩს შემდეგი სიტყვებით მიმართა: -არ დაგავიწყდეს Take My Hand-ის შესრულება.

ვინსტონ ჩერჩილი
ცნობილი ადამიანების ბოლო სიტყვები
გაერთიანებული სამეფოს პრემიერ-მინისტრი და გამოჩენილი ორატორი, ვინსტონ ჩერჩილი, 1965 წლის 24 იანვარს 90 წლის ასაკში გარდაიცვალა. მისი უკანასკნელი სიტყვები იყო: -როგორ მომბეზრდა ეს ყველაფერი!

ჯონ კენედი
ცნობილი ადამიანების ბოლო სიტყვები
აშშ-ს 35-ე პრეზიდენტი, ჯონ ფიცჯერალდ კენედი, 1963 წლის 22 ნოემბერს მოკლეს. სიკვდილამდე ცოტა ხნით ადრე მან თქვა: -თუ ვინმე ჩემს მოკვლას შეეცდება, ამას მოახერხებს კიდეც.

ედგარ ალან პო
ცნობილი ადამიანების ბოლო სიტყვები
ამერიკელი მწერალი, ედგარ პო, 1849 წლის 7 ოქტომბერს გარდაიცვალა. მისი პოლო სიტყვები იყო: -ღმერთო, შეიბრალე ჩემი ცოდვილი სული.


Category: Fun, Interesting
Tags:

Related
Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top