;

29 August 2012      Hermione...♥     Views 2100    
Category: Fun, Interesting

დაიან ფოსი - გორილების საუკეთესო მეგობარი

დაიან ფოსი (Dian Fossey) იყო ქალი, რომელმაც ცხოვრება გორილების შესწავლას მიუძღვნა და მათი გადარჩენისთვის ბრძოლაში დაიღუპა. მისი ტრაგიკული ცხოვრების შესახებ მოგვითხრობს ამერიკული ფილმი სახელად გორილები ნისლში, სადაც ფოსის როლს სიგურნი უივერი განასახიერებს. (Gorillas in the Mist (1988))

* დაიან ფოსი 1932 წელს დაიბადა სან ფრანცისკოში. ბავშვობაში ვეტერინარობაზე ოცნებობდა, მაგრამ კოლეჯის დამთავრების შემდეგ ბავშვთა საავადმყოფოში დაიწყო მუშაობა.
* ერთ მშვენიერ დღეს, ფოსიმ გაზეთში სტატია წაიკითხა გორილების შესახებ. იგი ამ თემამ საოცრად გაიტაცა. რაც მეტს კითხულობდა ფოსი გორილების შესახებ, მით უფრო აინტერესებდა მათი შესწავლა.


დაიან ფოსი - გორილების საუკეთესო მეგობარი


* 1963 წელს ფოსიმ გორილების სანახავად აფრიკაში წასვლა გადაწყვიტა. ამ 7 კვირიანმა მოგზაურობამ მისი ცხოვრება მთლიანად შეცვალა. ტანზანიაში ყოფნისას იგი შეხვდა ბრიტანელ ანთროპოლოგებს, მარი და ლუის ლიკებს. მათ სჯეროდათ, რომ გორილების შესწავლა ადამიანის მოდგმის შესწავლისთვისაც სასარგებლო იქნებოდა. მათ დაიწყეს კვლევების ჩატარება, მაგრამ სამწუხაროდ ფოსიმ ფეხის ტრავმა მიიღო და ექპედიცია ვეღარ გააგრძელა-მას აშშ-ში დაბრუნება მოუხდა.

დაიან ფოსი - გორილების საუკეთესო მეგობარი
* რამდენიმე წლის შემდეგ, ფოსი კვლავ დაბრუნდა აფრიკაში და გორილების შესწავლა ამჯერად აქტიურად დაიწყო. მისი კვლევები წარმატებით მიდიოდა, მაგრამ მას სხვა პრობლემებიც გაუჩნდა. იმ დროისათვის, დაძაბული პოლიტიკური მდგომარეობის გამო, აფრიკის რეგიონში დარჩენა უცხოელი ქალისათვის დიდ საფრთხეს წარმოადგენდა. ფოსი მაინც არ აპირებდა დანებებას და უშიშრად განაგრძობდა კვლევებს.
* აფრიკის რეგიონში მდგომარეობა სულ უფრო და უფრო მძიმდებოდა. ხალხი გორილებს ხოცავდა, რათა შემდგომში მათი ბეწვი გაეყიდათ. მას შემდეგ რაც, ფოსის ერთ-ერთი უსაყვარლესი გორილაც მოკლეს, ქალმა მონადირეების წინააღმდეგ ბრძოლა გადაწყვიტა.

დაიან ფოსი - გორილების საუკეთესო მეგობარი

* 1988 წელს გამოვიდა ფილმი სახელად გორილები ნისლში, რომელიც დაიან ფოსის ცხოვრების შესახებ მოგვითხრობს. ფილმში მთავარ როლს სიგურნი უივერი ასრულებს.
* ფოსის თავისი სიმამაცისა და შეუპოვრობის გამო უამრავი მტერი ჰყავდა. იგი 1985 წლის 27 დეკემბერს მოკლეს. მკვლელის ვინაობა დღემდე უცნობია.
* თუმცა ფილმში დაიანის გარდაცვალების სცენა შეცვლილადაა წარმოდგენილი, ვითომცდა მისი სიცოცხლე გორილებმა იმსხვერპლეს. რეალურად, ყველაზე სანდო მოსაზრებით დაიანი ბრაკონიერებმა მოკლეს (არალეგალურად მონადირეებმა), რომელთა წინააღმდეგაც ლაშქრობდა დაიანის კამპანია.




Category: Fun, Interesting
Tags:

Share it
Comments



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top