;

9 September 2012      Nanuka.     Views 7246    
Category: Fun, Interesting

განახლებული სატელევიზიო პროგრამა ახალ სეზონზე!

აი სულ მალე გავიდა ზაფხული და მალე ყველა ჩვეულ რეჟიმს დავუბრუნდებით... ჩვეულ რეჟიმს
დაუბრუნდება აგრეთვე ჩვენი ტელევიზია, რომელიც ამ სეზონზე უამრავ ახალ და საინტერესო
პროექტს გვპირდება.
წარმოდგენილი პროექტებიდან გამომდინარე, შეგვიძლია თამამად ვთქვათ,
რომ ქართველი მაყურებელი განახლებული სატელევიზიო პროგრამით ძალიან კმაყოფილი დარჩება.
მოდით ერთად გადავხედოთ თუ რისთვის შეგვეძლება თვალყურის დევნება უახლოეს მომავალში.

განახლებული სატელევიზიო პროგრამა ახალ სეზონზე

"საქართველოს ვარსკვლავი"

ერთ-ერთი გრანდიოზული მუსიკალური პროექტი, რომელიც წლევანდელ სეზონზე ელის ქართველ მაყურებელს გახლავთ "საქართველოს ვარსკვლავი", რომლის მიზანია იპოვოს, ფართო საზოგადოებას წარუდგინოს და ვარსკვლავად აქციოს საქართველოს 16-დან 26 წლამდე ნიჭიერი მომღერლები. პროექტის ჟიურის წევრები ნინო ქათამაძე, ნინო ხოშტარია და ნიკოლოზ რაჟველი არიან. მოგეხსენებათ, ნიკოლოზ რაჭველი პირველი "ჯეოსტარის" ჟიურის წევრიც იყო, ხოლო ნინო ხოშტარია ცნობილია, როგორც პროექტ "ყველაზე ჭკვიანისა" და "ეკივოკის" წამყვანი. ნინო ქათამაძე მსოფლიო დონის უნიჭიერესი მომღერალია, რომელსაც ალბათ ჩემი წარდგენა არც კი სჭირდება.

"საქართველოს ვარსკვლავს" ორი წამყვანი - გვანცა დარასელია (ჟურნალისტი) და არჩილ სოლოღაშვილი (მსახიობი) ეყოლება. სავარაუდოდ, პროექტი 17 სექტემბერს დაიწყება და მონაწილეებთან ერთად წამყვანების ტანდემის ნახვა სწორედ ამ დროს შეგვეძლება.

"საქართველოს ვარსკვლავი" ბრიტანული მეგაპროექტის "American Idol"-ის ანალოგია. იგი დაახლოებით "ჯეოსტარის" ფორმატისაა განახლებული ჟიურითა და წამყვანებით. ცნობილია, რომ "ჯეოსტარის" დახურვასთან ერთად "რუსთავი 2" დატოვეს მარინა ბერიძემ და დუტა სხირტლაძემ. ვნახოთ როგორ გაართმევს თავს განახლებული შემოქმედებითი ჯგუფი ამგვარი საპასუხისმგებლო პროექტის მართვას!

განახლებული სატელევიზიო პროგრამა ახალ სეზონზე

"ცეკვავენ ვარსკვლავები"


წინა სეზონის ყველაზე პოპულარული და სანახაობრივი შოუ - "ცეკვავენ ვარსკვლავები" ქართველ მაყურებელს მე-2 სეზონით უბრუნდება! გახმაურებული ცნობებით, პროექტი 8 ოქტომბერს ტელეკომპანია "იმედის" არხზე გავა. გაგაცნობთ რამდენიმე ფაქტს, რომელიც "ცეკვავენ ვარსკვლავების" მე-2 სეზონს უკავშირდება:

1) პროექტის წამყვანი აღარ იქნება რუსკა მაყაშვილი და მე-2 სეზონიდან იგი მონაწილის ამპლუაში მოგვევლინება. რუსკას წყვილი იქნება ოთო ფოლადაშვილი, რომელიც 1-ელ სეზონზე ნუკი კოშკელიშვილთან ერთად ცეკვავდა.

2) პირველი სეზონიდან პროექტში დარჩნენ სალომე ჭაჭუა, გიგი გაჩეჩილაძე, ჯულიანა ბარგ-ნარი, ოთო ფოლადაშვილი და ლევან ახვლედიანი. გეტყვით იმასაც, რომ სალომე და გიგი ახლა უკვე წყვილში მოგვევლინებიან.

3) პროექტის ჟიურის წევრებზე ჯერ სრულყოფილი ინფორმაცია არ გავრცელებულა, თუმცა როგორც სალომე ჭაჭუამ და გიგი გაჩეჩილაძემ ერთ-ერთ ინტერვიუში განაცხადეს, "ცეკვავენ ვარსკვლავების" მე-2 სეზონზე მონაწილეებს კვლავ შეაფასებენ ნინო ანანიაშვილი და გოჩა ჩერტკოევი.

განახლებული სატელევიზიო პროგრამა ახალ სეზონზე

"ახალი ხმა"


"იმედის" მორიგი გრანდიოზული პროექტი გახლავთ "ახალი ხმა", რომლის წამყვანიც ყველასთვის კარგად ნაცნობი დუტა სხირტლაძე იქნება. "ახალი ხმა" გახლავთ ამერიკული შოუს - "The Voice"-ს ანალოგი, რომლის არსიც შემდეგში მდგომარეობს: 6 ჟიურის წევრი ზის სკამზე, რომელიც სცნეისაკენ ზურგითაა მიბრუნებული და ისინი ბრმა მოსმენით, მხოლოდ და მხოლოდ ხმისა და შესრულების ტექნიკის მიხედვით ღილაკზე ხელის დაჭერით ირჩევენ მათთვის მოსაწონ და სასურველ კონკურსანტს. არჩეული კონკურსანტები მომდევნო ტურში უკვე ერთმანეთს ეჯიბრებიან და საბოლოოდ პროექტში 24 მონაწილე რჩება, რომელთაგან მაყურებელი ხმის მიცემით ირჩევს ერთ გამარჯვებულს. ინფორმაცია ჟიურის წევრებზე, კონკურსანტებზე და ა.შ შეგიძლიათ იხილოთ პროექტის ოფიციალურ საიტზე.

"ახალი ხმა" და "საქართველოს ვარსკვლავი" წლევანდელი სეზონის ორი მთავარი მუსიკალური პროექტია. "ახალი ხმის" შემოქმედებითი ჯგუფის განცხადებით, ამ პროექტში არ არსებობს ცინიზმი და ისინი საუკეთესო კონკურსანტებს მხოლოდ და მხოლოდ მათი ხმით შეარჩევენ. მეორეს მხრივ, "საქართველოს ვარსკვლავის" მესვეურები აცხადებენ, რომ შემდგარი მომღერლისთვის არ კმარა მხოლოდ ხმა და მნიშვნელოვანია ეფექტური შოუ, დახვეწილი ვოკალი და ა.შ. თუ რომელი მათგანი ისარგებლებს მეტი პოპულარობით და რომელ მათგანს ეყოლება მეტი გულშემატკივარი, ამას სულ მალე ვიხილავთ!

განახლებული სატელევიზიო პროგრამა ახალ სეზონზე

"სპიკერი"


"BBC"-ს ერთ-ერთი ყველაზე ახალგაზრდული და საინტერესო პროექტი - "სპიკერი" (The Speaker) გველის "საზოგადოებრივი მაუწყებლის" ეთერში, რომლის მიზანია აღმოაჩინოს და ფართო საზოგადოებას გააცნოს 13-დან 17-წლამდე ორატორული ნიჭით დაჯილდოვებული ახალგაზრდები. წელს, უკვე "სპიკერის" მე-2 სეზონია ჟიურის უცვლელი შემადგენლობით. ორატორ ახალგაზრდებს თამარ ფხაკაძე, გია მურღულია, გიგი თევზაძე და გია ჭანტურია შეაფასებენ. 3 ტურიანი კასტინგის შემდეგ პროექტში 10 მონაწილე მოხვდება, რომელთა შორის გამარჯვებული 1 თვით დიდი ბრიტანეთის საზაფხულო სკოლაში გაემგზავრება.

განახლებული სატელევიზიო პროგრამა ახალ სეზონზე

როგორც ხედავთ, წლევანდელი სატელევიზიო პროგრამა მრავალფეროვანი, საინტერესო და გამორჩეულია... სავარაუდოა, რომ ამ სიას შეუერთდება მეგაპროექტი "ნიჭიერი", რომელიც უკვე 3 წელია ყველაზე მაღალი რეიტინგით სარგებლობს. მაშ ასე, დაველოდოთ ახალ სატელევიზიო სივრცეს და გავიცნოთ ბევრი ახალი, ნიჭიერი ადამიანი!


Category: Fun, Interesting
Tags:

Share it
Comments

« 1 2 3 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top