;

28 December 2012      ფსიქეა     3 Comments     Views 5326    
Category: Fun, Interesting

ერიკ ბერნის ნაშრომში ,,თამაში, რომელსაც ადამიანები თამაშობენ" ამოვიკითხე ერთი საინტერესო მონაკვეთი, რომელზეც მინდა მოგიყვეთ. ეხება ქალს და კაცს შორის არსებულ სექსუალურ თამაშს, რომლის წამომწყებიც უმეტეს შემთხვევაში ქალია.
სექსუალური თამაშები ე. ბერნის მიხედვით
ამ თამაშს ქვია ,,დიმანო", უფრო კონკრეტულად თუ ვიტყვით: ,,მიდი, მოუსვი", ან ,,კეთილშობილი რისხვა". მისი მიმდინარეობა არაა ცნობიერ კონტროლს დაქვემდებარებული, ანუ გაუცნობიერებლად მიმდინარეობს. თამაშს 3 ფორმა აქვს, რომლებიც სიმძიმის მიხედვით განსხვავდება ერთმანეთისგან.

1. პირველი დონე წვეულებებზეა პოპულარული და მსუბუქ ფლირტს მოიცავს. ქალი აგრძნობინებს მამაკაცს თავის ხელმისაწვდომობას და სიამოვნებით იღებს მისგან ყურადღების ნიშნებს. როგორც კი აღწევს მიზანს და ამჩნევს მოწონებას, თამაში მთავრდება. თუ ქალი თავაზიანია, ეტყვის: ,,ძალიან მსიამოვნებს თქვენი ქათინაურები. დიდი მადლობა" და წავა ახალი მსხვერპლის საძებრად. თუ არც ისე ტაქტიანია, უბრალოდ მიატოვებს მამაკაცს და გაქრება (კონკიასავით). გამოცდილ ქალს მთელი საღამო შეუძლია ამის თამაში; ყველა მამაკაცს არ შეუძლია აყვეს მას.

2. მეორე ხარისხის ,,კეთილშობილ რისხვაში" ქალი ფლირტით იმდენად არ იღებს სიამოვნებას, როგორც უარის თქმით. იგი იქამდე ეთამაშება მამაკაცს, სანამ რაიმე გრძნობას ან ძლიერ ვნებას არ აღძრავს მასში და მხოლოდ ამის მერე უარყოფს მას და ტკბება ძლიერი სქესის დაბნეულობით. ამის გამო ამ თამაშს ხანდახან ეძახიან: ,,ნუ დამდევ, გამეცალე რა." მეორეს მხრივ, სარგებელს აქ მამაკაციც პოულობს. ისიც შეილება თამაშობდეს, ოღონდ სხვა თამაშს: ,,მცემეთ", რომლის დროსაც აღებული აქვს მსხვერპლის როლი.

3. მესამე ხარისხის თამაში უკვე სასტიკ ფორმებს იღებს, რადგან შეიძლება გადავიდეს სასამართლოში, მკვლელობაში ან სუიციდში. ქალი იწვევს მამაკაცს ინტიმურ ურთიერთობაზე და მერე აცხადებს, რომ გაუპატიურების მსხვერპლია. შეიძლება აქტის დასრულების მერე იყვიროს კიდეც, მიშველეთ, მაუპატიურებენო.

თამაშში თითქოს მონაწილეობს პატარა გოგო, რომლის მიზანიც ბიჭის დამცირებაა. აქ ბევრია დამოკიდებული მამაკაცზეც. თუ ის მოახერხებს თამაშის და ნამდვილი ფლირტის გამორჩევას (რაც არც ისე ადვილია, ფსიქოლოგისთვისაც კი), მაშინ უბრალოდ არ აყვება ქალს, ან გააკონტროლებს სიტუაციას და საკონტროლო მომენტში არ მისცემს საშუალებას იმ ფინალით დაასრულოს ქალმა თამაში, რომლითაც ვარაუდობდა (რა თქმა უნდა გაუცნობიერებლად).

ალბათ გაინტერესებთ, რატომ... რატომ თამაშობს ქალი ამას?მარტივად, რომ გითხრათ, სამაგიეროს გადახდის მცდელობაა. თუ უფრო რთულად გაინტერესებთ ახსნა, მაშინ აქ ზიზღის, სიძულვილის და დანაშაულის გრძნობის გამოვლინებაა. შეიძლება სექსუალური კავშირის არიდებაც იყოს მიზანი, სულ ცოტა ფლირტით ხომ მაინც იღებს სტიმულაციას. ფიქსირდება აგრესიაც. ყველაზე ღრმა საფუძველი კი ალბათ გამჯდარი აზრია: ,,მე არაფერი დამიშავებია."


პატივისცემით
თიკა ევდეევი
წყარო: facebook.com/psychea.georgia


Category: Fun, Interesting
Tags:

Share it
Comments

  • chyipina თქვა:
    29 December 2012 00:24 - ID: 3,
    ჰო ასეთი თამაშები ბოლო დროს სულ უფრო და უფრო ხშირად მესმის

  • dalalo123 თქვა:
    28 December 2012 18:55 - ID: 2,
    არ მესმის ასე რატომ აკეთებენ .



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top