;

31 March 2013      dachi     Views 9354    
Category: Fun, Interesting, Georgians

"ეშმაკის სახლი"?!

"ეშმაკის სახლი" თბილისში?! სომეხი ვაჭრის მიერ აშენებულ 10 მისტიკურ შენობაზე, რომლებიც თბილისშია გაფანტული და შეერთებისას პენტაგრამას ქმნის (5 ქიმიანი ვარსკვლავი), დიდი მითქმა-მოთქმა არსებობს. ამ ყველაფერზე ტელევიზიითაც ბევრი ითქვა და ინტერნეტ სივრცეშიც მოიპოვება ინფორმაცია, მაგრამ შენობების საიდუმლოს ჯერ კიდევ მუქი ფარდა ხურავს.
"ასჯერ გაგონილს, ერთხელ ნანახი ჯობიაო" და გადავწყვიტეთ თავად მოგვენახულებინა ეს შენობები და მათგან ყველაზე პოპულარულით ე.წ. "ეშმაკის სახლით" დავიწყეთ.

სახლი მართლაც იდუმალია, დარაბებს სიძველისაგან საღებავი გადამძვრალა, მინებიც ჩამსხვრეულია, მაგრამ სადარბაზოს შესასვლელზე დაყრდნობილი "ეშმაკი" შესაშური სიმშვიდით დაჰყურებს გამვლელ-გამომვლელებს. "ეშმაკის სახლი"?!
ფოტოების გადაღების შემდეგ სახლში შესვლა ვცადეთ, კარი გარედან ბოქლომით დაკეტილი დაგვხვდა, გასაუბრება მეზობლებთან გადავწყვიტეთ.

ერთმა აღშფოთებულმა ქალბატონმა კითხვის დასმა არ გვაცადა და დაიწყო:
"ამ ეზოში წლებია ვცხოვრობთ და ცხოვრობდა ხალხი, მაგრამ ამით რა?! ვინც ამ სახლზე რამდენ სისულელეს დაწერს ყველაფერი უნდა დაიჯეროთ?! რეალობა არ გაინტერესებთ?"
- ზუსტად ამის დასადგენად მოვედით, ჭორია თუ რეალობა?
"ჭორია, ჭორი! თქვენი აზრით რა უნდა იყოს ამ სახლში? რას ეძებთ რისი ნახვა გინდათ?!"

- არის თუ არა ამ სახლში ბუხარი რომელიც საიდუმლო გვირაბით უკავშირდება იმავე არქიტექტორის მიერ აშენებულ სხვა შენობებს?
"ტყუილია ეგეც! რომელ ბუხარზეა ლაპარაკი ჩვენ არ ვიცით? და მერე სად შედიან ამ გვირაბიდან? გვირაბი კი არა საფლავი დაენატრება იმას, ვინც პირველად ეს მოიგონა და ჩვენ მოსვენება აღარა გვაქვს თქვენნაირებისგან. ამ სახლში უძვირფასესი ხალხი ცხოვრობდა: ექიმები, მხატვრები, მწერლები. კინოები: "ქორწილი". "ფესვები" ამ სახლშია გადაღებული და ეხლა გაჩნდა აქ გვირაბები?"
"ეშმაკის სახლი"?!
- არსებობს ინფორმაცია, რომ ამ სახლში, ისევე როგორც ამავე არქიტექტორის სხვა შენობებში გოგონამ თავი ჩამოიხრჩო.
"ტყულია! ეს ამბები იმ ქანდაკების გამოა ატეხილი შემოსასვლელში რომ არის, თბილისში ძეგლების მეტი რა არის? ასეთი უნდოდა იმ კაცს ვინც ააშენა და დამთავრდა. თქვენ ასეთი რაღაცეებით გინდათ გახადოთ ნაწერები საინტერესო."

- როგორც ვიცით ეს სახლი ძალიან დიდი ხანია დაკეტილია
"რას ამბობთ, 6 ოჯახი ცხოვრობდა ამ სახლში და დეკემბერში გადავიდნენ, როდესაც გაყიდეს, ეს სახლი უმდიდრესმა კაცმა იყიდა ახლა რემონტს აკეთებს და იმიტომაა დაკეტილი. აქ მოდიან უსაქმურები და სულებს ვხედავთ ამ სახლშიო...ან სული არსებობს საერთოდ? როგორ შეიძლება ასეთი სისულელე? რა უნდა ელაპარაკო ასეთ ხალხს?! ესაა ზუსტად სატანის მოძალება ამ სისულელეებით რომ უტენიან ხალხს თავს, დაწერეთ ამ ყველაფრის პასუხად, რომ ჭორებია და მერე კითხვებიც აღარავის ექნება. "


"ეშმაკის სახლი"?!


როგორც ჩვენმა რესპოდენტმა აღნიშნა ამ სახლში მხოლოდ გასული წლის დეკემბრიდან აღარ ცხოვრობენ, თუმცა თვალის ერთი შევლებითაც ჩანს, რომ ამ სახლში დიდი ხანია "სულიერს" არ უცხოვრია, არც არანაირი მიმდინარე რემონტის კვალი ჩანს...

მსგავსება ამ შენობების ორნამენტებში არქიტექტორის უცნაური ხედვაა თუ რაიმე მისტიკური არავინ იცის. აღსანიშნავია ისიც რომ ამ შენობების უმრავლესობა ახლა დანგრეული და დალუქულია...მეპატრონეებზე ინფორმაცია კი ისეთივე გასაიდუმლოებულია როგორც თავად სახლებზე...

ავტორები:
ანა ბურღაშვილი
დავით ჩირგაძე


Category: Fun, Interesting, Georgians
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top