;

17 April 2013      Hermione...♥     Views 7493    
Category: Fun, Interesting

ერთ-ერთი ყველაზე მნიშვნელოვანი პერსონა ამერიკული ლიტერატურის ისტორიაში, არა მხოლოდ დიდებული მწერალი, არამედ შესანიშნავი იუმორისტი და ჟურნალისტიც იყო, რომელიც სატირულად წარმოაჩენდა პიროვნებისა და საზოგადოების მანკიერ ბუნებას. მდინარე მისისიპის დასავლეთით მდებარე მიყრუებულ ქალაქში გაზრდილ ბიჭუნას დაწყებითი სკოლაც კი არასოდეს დაუმთავრებია, მაგრამ მან განათლება პირადი გამოცდილებისა და დაკვირვების უნარის მეშვეობით მიიღო. მისი ნამდვილი სახელი სემუელ ლენგჰორნ კლემენსი იყო, მაგრამ მსოფლიო იცნობს, როგორც უბრალოდ მარკ ტვენს...
მარკ ტვენის შემოქმედებითი ცხოვრება
სემუელ ლენგჰორნი 1835 წლის 30 ნოემბერს დაიბადა აშშ-ს შტატ მისურიში. ჟღალთმიან სემს ხალისიანი ბავშვობა ჰქონდა, მაგრამ მამამისის სიკვდილმა წერტილი დაუსვა მის უზრუნველ ცხოვრებას. 12 წლის ბიჭუნამ გამომცემლობაში დაიწყო მბეჭდავის თანაშემწედ მუშაობა, 15 წლისამ კი თავისივე ძმის ჟურნალის რედაქციაში გადაინაცვლა. სწორედ ჟურნალის რედაქციაში მუშაობისას დაეუფლა მომავალი მწერალი წერის კულტურას და სულ მალე, მასში საკუთარი სახუმარო ლექსებისა და თანამედროვე მოვლენებზე იუმორისტული კომენტარების გამოქვეყნება დაიწყო.
მარკ ტვენის შემოქმედებითი ცხოვრება
17 წლისამ ნიუ-იორკში წასვლა გადაწყვიტა. გზა დიდი და დამღლელი იყო, სემი კი გზადაგზა, სხვადასხვა შტატებში არსებულ რედაქციებში ტოვებდა თავის სტატიებს. ნიუ-იორკის შემდეგ, იგი აიოვაში გაემგზავრა, მაგრამ სამშობლო მხარის ნოსტალგია მოსვენებას არ აძლევდა.
მარკ ტვენის შემოქმედებითი ცხოვრება
21 წლის ასაკში, სემი სამშობლოში დაბრუნდა და სურვილი გამოთქვა, რომ მისისიპიზე მოძრავი გემის კაპიტანი გამხდარიყო. 6 თვიანი მომზადების შემდეგ მან ლიცენზია მოიპოვა. სემი გემს 4 წლის განმავლობაში უძღვებოდა, იქ მიღებული გამოცდილება კი მან თავის ნაშრომში აღწერა სახელწოდებით ცხოვრება მისისიპის სანაპიროზე.
მარკ ტვენის შემოქმედებითი ცხოვრება
1861 წელს, სამოქალაქო ომისას დასრულდა სემუელის, როგორც გემის კაპიტნის კარიერა. ამ მოვლენამ დასაბამი დაუდო მის სამწერლო კარიერას მარკ ტვენის ფსევდონიმით. მან ჯერ ბრწყინვალე კარიერა აიწყო როგორც ჟურნალისტმა, შემდეგ კი ნოველებზე მუშაობა დაიწყო. 1871-1891 წლებში მან ორი უმნიშვნელოვანესი ნაწარმოები შემატა თავის შემოქმედებას - ტომ სოიერის თავგადასავალი და ჰეკლბერი ფინის თავგადასავალი. მისი სხვა გამორჩეული ნაწარმოებებია მაწანწალა საზღვარგარეთ და პრინცი და მათხოვარი.
მარკ ტვენის შემოქმედებითი ცხოვრება
1870 წლის 2 თებერვალს ტვენი ოლივია ლენგდონზე დაქორწინდა. ისინი 20 წელი ცხოვრობდნენ ერთად და მიუხედავად ბევრი დაბრკოლებისა, ერთმანეთისადმი სიყვარულმა ყველაფერი გადაატანინათ. ტვენი და მისი ოჯახი გარკვეულ ხანს ფუფუნებაში ცხოვრობდნენ, მაგრამ შემდეგ ისინი გაკოტრდნენ და ევროპაში წავიდნენ ბედის საძიებლად. ტვენი გაუჩერებლად წერდა, მაგრამ ვერ შეძლო საკმარისი თანხის დაგროვება ვალების გასასტუმრებლად. 4 წლის შემდეგ, მან ყველა ვალი დაფარა, ოღონდ ამას ჯანმრთელობის მკვეთრი გაუარესება და მისი ქალიშვილის, სუზის გარდაცვალება მოჰყვა. ტვენი პოპულარობის ზენიტში იყო, როდესაც აშშ-ში დაბრუნება შეძლო, მაგრამ ბედნიერება მაინც არ დასცალდა და მალე მეუღლე და მეორე ქალიშვილიც გამოეცალა ხელიდან. ტვენი განადგურებული იყო, მაგრამ მაქსიმალურდა ცდილობდა, რომ მისი სულიერი მდგომარეობა მისი შემოქმედების მხიარულ ბუნებას არ შეხებოდა. მწერალი 1910 წლის 21 აპრილს, 74 წლის ასაკში გარდაიცვალა.
მარკ ტვენის შემოქმედებითი ცხოვრება
გამონათქვამები:

-არაფერი არსებობს ისეთი, რაც დღეს ვერ მოხდება.

-სიბრაზე მჟავას ჰგავს, რომელსაც ყველაზე დიდი და გამოუსწორებელი ზარალის მოყენება შეუძლია.

-ჯობია ჩუმად იყო და ხალხს სულელი ეგონო, ვიდრე ილაპარაკო და მათ შენზე დადებითი წარმოდგენა დააკარგვინო.

-სიკეთე ის ენაა, რომელიც ყრუებს ესმით და რომელსაც ბრმები ხედავენ.

-თუ სიმართლეს იტყვი, ტყუილების დამახსოვრებაზე დრო აღარ დაგეხარჯება.

-ნამდვილი მეგობრები, კარგი წიგნები და სუფთა სინდისი-ესაა იდეალური ცხოვრება!!!

-სიმამაცე შიშის უარყოფაა და არა შიშის არარსებობა.

-ცნობები ჩემი სიკვდილის შესახებ მეტად გაზვიადებული იყო.

-ადამიანი არასდროსაა იმაზე გულწრფელი ვიდრე მაშინ, როდესაც ის საკუთარ ტავს მატყუარად მოიხსენიებს.

-არ მისცეთ სკოლებს უფლება, რომ ნამდვილი განათლების მიღებაში ხელი შეგიშალონ!


Category: Fun, Interesting
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top