;
21 ივნისი 2013      Hermione...♥     16 კომენტარი     ნანახია 5272-ჯერ    
კატეგორიაში: საინტერესოა

ერნესტ ჰემინგუეის შემოქმედებითი ცხოვრება

ექვსი დედმამისშვილიდან მეორე, ერნესტ მილერ ჰემინგუეი ქვეყნიერებას 1899 წლის 21 ივლისს მოევლინა, ცხოვრების ადრეული წლები კი ჩიკაგოს გარეუბანში გაატარა. მისი მშობლები კონსერვატორული ხასიათითა და რელიგიური ფუნდამენტალიზმით გამოირჩეოდნენ, თავიანთ შვილებს ყოველგვარი სახის გართობას უკრძალავდნენ და შეზღუდვების დარღვევის შემთხვევაში მკაცრადაც სჯიდნენ. მოგვიანებით უკვე ნობელი პრემიის ლაურეატმა მწერალმა გაბედულად გააკრიტიკა თავისი დედ-მამა ეთიკის ნორმებისადმი ზღვარგადასული ერთგულების გამო. არაორდინალურად ნიჭიერ ბიჭუნას წერისადმი მიდრეკილება მცირე ასაკში გამოუვლინდა და 17 წლის იყო, როდესაც მისმა ნაშრომებმა მზის სინათლე პირველად იხილეს.
ერნესტ ჰემინგუეის შემოქმედებითი ცხოვრება
სკოლის დამთავრების შემდეგ, მამამისს სურდა, რომ ერნესტს უმაღლესი განათლება მიეღო, მაგრამ ახალგაზრდა ყმაწვილი სამხედრო სამსახურსა და მწერლობაზე ოცნებობდა. ამ გარემოებამ მამა-შვილს შორის განხეთქილება ჩამოაგდო როს შემდეგაც ერნესტმა მშობლების სახლი დატოვა და Kansas City Star-ის რეპორტიორად დაიწყო მუშაობა. სწორედ რეპორტიორად მუშაობის წლებში შეიმუშავა ჰემინგუეიმ წერის საკუთარი, "აისბერგის" პრინციპი, რომლის დამსახურებითაც, როგორც აისბერგი ზედაპირზე მცირე ზომის ჩანს, წყალქვეშ კი უზარმაზარია, ისე მწერლის ნაშრომთა უმეტესობა მცირე მოცულობითა და მარტივი ლექსიკით გამოირჩევა, მაგრამ მათ მიღმა საოცრად დიდი სიბრძნეა. აღსანიშნავია, რომ ბევრს ვერ გამოჰქონდა აზრი ჰემინგუეის "სიტყვაძუნწი" ნაშრომებიდან და ამის გამო ავტორს უამრავ უსამართლო ბრალდებასაც უყენებდნენ.
ერნესტ ჰემინგუეის შემოქმედებითი ცხოვრება
ჰემინგუეი პირველ მსოფლიო ომში სასწრაფო მანქანის მძღოლად მუშაობდა. ერთ-ერთი გამოძახების დროს, მან მუხლი დაიზიანა, რის გამოც მილანში მდებარე ლაზარეთში ამოყო თავი. იქ ყოფნისას მწერალს ექთანი, სახელად აგნეს ფონ კუროსკი შეუყვარდა. მიუხედავად იმისა, რომ წყვილის ურთიერთობა დიდხანს არ გაგრძელებულა, მათ საკმაოდ ლამაზი სიყვარულის ისტორია აკავშირებდათ, რომელიც შემდგომში ჰემინგუეის ერთ-ერთ შედევრს, "მშვიდობით, იარაღოს" (A Farewell to Arms) დაედო საფუძვლად.
ერნესტ ჰემინგუეის შემოქმედებითი ცხოვრება
აშშ-ში დაბრუნების შემდეგ, ჰემინგუეიმ ჟურნალისტური კარიერა გააგრძელა და სულ მალე ელიზაბეტ ჰედლი რიჩარდსონზე დაქორწინდა. წყვილს ვაჟიც შეეძინათ, მაგრამ მალევე დაშორდნენ, რადგან მწერალმა მეუღლეს პაულინ პფაიფერთან უღალატა. ჰემინგუეი ამჯერად პფაიფერზე დაქორწინდა, რომელთანაც კიდევ 2 შვილი ეყოლა, მაგრამ 12 წლიანი თანაცხოვრების შემდეგ მასაც დაშორდა რათა მორიგ საყვარელზე, მარტა გელჰორნზე დაქორწინებულიყო. მესამე ქორწინებამ 10 წელი გასტანა და წინა ორის მსგავსად ისიც მწერლის ღალატის გამო დაინგრა. ჰემინგუეი მეოთხედ მერი უელშზე დაქორწინდა, რომელთანაც სიცოცხლის ბოლომდე ცხოვრობდა.

ჰემინგუეისა და ელიზაბეტ ჰედლი რიჩარდსონის ქორწილის ფოტო

ერნესტ ჰემინგუეის შემოქმედებითი ცხოვრება

მწერალი პაულინ პფაიფერთან ერთად

ერნესტ ჰემინგუეის შემოქმედებითი ცხოვრება

მარტა გელჰორნთან ერთად

ერნესტ ჰემინგუეის შემოქმედებითი ცხოვრება

მერი უელშ ჰემინგუეისთან ერთად

ერნესტ ჰემინგუეის შემოქმედებითი ცხოვრება

1927 წელს ჰემინგუეიმ გამოაქვეყნა მინიატურა "გორაკები როგორც თეთრი სპილოები" (Hills Like White Elephants), რომელის შესულია მის მინიატურათა კრებულში სახელწოდებით "მამაკაცები უქალებოდ" (Men Without Women). ამ ნაშრომში მწერალმა ბევრი ელემენტი შეიტანა თავისი პირადი ცხოვრებიდან (განსაკუთრებით საგულისხმოა მისი კრახი ხანგრძლივი და მყარი ურთიერთობების დამყარებაში). ის ალუზიები და შეფარული სიმბოლოები, რომლებიც მინიატურაში შეგხვდებათ, "აისბერგის" პრინციპის საუკეთესო ნიმუშებია. 1952 წელს გამოვიდა ჰემინგუეის მორიგი შედევრი, "მოხუცი და ზღვა" (The Old Man and the Sea), რომლისთვისაც მწერალს ნობელის პრემია გადასცეს.
ერნესტ ჰემინგუეის შემოქმედებითი ცხოვრება
ერნესტ ჰემინგუეიმ, რომელმაც მოიპოვა არაერთი პრესტიჟული ლიტერატურული პრემია, შექმნა ასობით ჟურნალისტური პუბლიკაცია, პროზაში შემოიტანა წერის ახლებური - "აისბერგის" პრინციპი და მონაწილეობა მიიღო მსოფლიო ომში, 1961 წლის 2 ივლისს, 61 წლის ასაკში თვითმკვლელობით დაასრულა სიცოცხლე. ამბობენ, რომ მეორე მსოფლიო ომის შემდეგ მწერალს მენტალური პრობლემები შეექმნა და სწორედ ამ გარემოებამ მიიყვანა იგი საბედისწერო ნაბიჯამდე.
ერნესტ ჰემინგუეის შემოქმედებითი ცხოვრება

გამონათქვამები:

-საუკეთესო საშუალება იმის გასარკვევად სანდოა თუ არა კონკრეტული პიროვნება, არის მისი ნდობა.

-განათლებული ხალხი განსაკუთრებით ბედნიერებასაა მოკლებული.

-თავს ბედნიერად მხოლოდ მძინარე ვგრძნობ, რადგან როცა მღვიძავს, ჩემი ცხოვრება უფსკრულისაკენ მიექანება.

-მორალური ის ქმედებაა, რომლის ჩადენის შემდეგაც სინდისი არ შეგაწუხებს.

-შეიძლება ადამიანი განადგურდეს, მაგრამ არ დამარცხდეს.

-წიგნები ადამიანის უერთგულეს მეგობრებს წარმოადგენენ.

-ნაწარმოების წერისას მწერალმა უნდა ასახოს არა პიროვნების, არამედ ხალხის რეალური სახე. ლიტერატურაში პიროვნება კარიკატურაა, რომელსაც სინამდვილესთან არაფერი აკავშირებს.

-სიმამაცე ზეწოლის ქვეშ ღირსების შენარჩუნებაა.

-როდესაც ძლიერი ადამიანის ცხოვრება ინგრევა, ეს ადამიანი ნანგრევებზეც კარგად სახლდება.

-სხვებთან შედარებით მხოლოდ ის უპირატესობა გამაჩნია, რომ მოსმენის კულტურას კარგად ვფლობ.

-მთელი ამერიკული ლიტერატურა მომდინარეობს მარკ ტვენის ნაწარმოებიდან სახელწოდებით "ჰეკლბერი ფინის თავგადასავალი".

-ადამიანმა ცხოვრებაში უამრავი ტკივილი უნდა გამოიაროს იმისთვის, რომ სასაცილო ნაწარმოების დაწერა შეძლოს.

-საკუთარ თავს პროზის არქიტექტორად მივიჩნევ.

-არასოდეს ამირჩევია თემები, რომლებზეც ჩემი ნაწარმოებები ავაგე. ამ თემებმა მე ამირჩიეს, რომ ისინი საბეჭდი მანქანით ქაღალდზე გადამეტანა და ხალხისთვის გამეზიარებინა.

-ნააზრევის ფურცელზე უმარტივესი ენით გადმოტანა ჩემი ცხოვრების უმთავრეს მიზანს წარმოადგენს.


ერნესტ ჰემინგუეის შემოქმედებითი ცხოვრება

კატეგორია: საინტერესოა
Tags:

16


  • Hermione...♥ თქვა:
    26 ივნისი 2013 20:47 - ID: 16,
    tata ۰۪۫۰,
    ძალიან დიდი მადლობა, ჩემო კარგო love

  • tata ۰۪۫۰ თქვა:
    25 ივნისი 2013 10:58 - ID: 15,
    ძალიან საინტერესო სიახლე იყო, დიდი ინტერესით ვკითხულობდი, მისი შემოქმედებიდან მხოლოდ "მოხუცი და ზღვა" მაქვს წაკითხული, შემდეგში ვაპირებებ სხვა ნაწარმოებების წაკითხვასაც, ძალიან კარგი ნიუსია love

  • Hermione...♥ თქვა:
    23 ივნისი 2013 19:11 - ID: 14,
    MARAUDER,
    masho,
    უღრმესი მადლობა!!! love

  • masho თქვა:
    22 ივნისი 2013 20:34 - ID: 13,
    ძალიან საინტერესო იყო.მისი ნაწარმოებებიდან მხოლოდ "მშვიდობით იარაღო" მაქვს წაკითხული,სამწუხაროდ.ნიუსი ძალიან კარგია თიკა love love

  • MARAUDER თქვა:
    22 ივნისი 2013 18:16 - ID: 12,
    კარგი სტატიაა love
    ციტატა: Hermione...♥
    რემარკსა და ბალზაკზე მგონი ისედაც ბევრი ნიუსი დევს, მაინც გადავხედავ, დოსტოევსკიზე კი სიამოვნებით დავწერდი ასეთ სტატიას..

    აუ ხო რა, ძალიან გამიხარდება დოსტოევსკიზე თუ დაწერ ასეთ სტატიას love

  • Countess A. თქვა:
    22 ივნისი 2013 13:27 - ID: 11,
    ციტატა: Hermione...♥
    Countess A.,
    რემარკსა და ბალზაკზე მგონი ისედაც ბევრი ნიუსი დევს, მაინც გადავხედავ, დოსტოევსკიზე კი სიამოვნებით დავწერდი ასეთ სტატიას...

    ვერც კი წარმოიდგენ როგორ გამიხარდება.. love

  • Hermione...♥ თქვა:
    22 ივნისი 2013 13:20 - ID: 10,
    Countess A.,
    ta_mo,
    ELE-elene,
    Johnny depp,
    NiNi_N,
    ყველას დიდი მადლობა, ძალიან მიხარია, რომ მოგეწონათ! love რემარკსა და ბალზაკზე მგონი ისედაც ბევრი ნიუსი დევს, მაინც გადავხედავ, დოსტოევსკიზე კი სიამოვნებით დავწერდი ასეთ სტატიას...

  • NiNi_N თქვა:
    22 ივნისი 2013 13:13 - ID: 9,
    ჰემინგუეის მთლიან შემოქმედებას არ ვიცნობ სამწუხაროდ. მცირედს გავეცანი და დანარჩენსაც ამ ზაფხულს ჩავუჯდები, თუმცა ხანდახან არც არის საჭირო ერთი მწერლის ყველა ნოველა წაიკითხო იმის დასამტკიცებლად, რომ ბრწყინვალე მწერალია! ამის გაგება ერთი ნაწარმოებიდანაც შეიძლება! "მშვიდობით, იარაღო" - აი არ ვიცი როგორ მიყვარს ეს წიგნი! არ მინდოდა რომ დამთვარებულიყო..უცანური შეგრძნება დამიტოვა! არაჩვეულებრივი ნიუსია love

  • Johnny depp თქვა:
    22 ივნისი 2013 13:05 - ID: 8,
    სასიამოვნოდ წასაკითხი სტატია იყო love

  • Ana smiley თქვა:
    22 ივნისი 2013 11:35 - ID: 7,
    კარგი მწერალიაა love

  • DiaMoNd თქვა:
    22 ივნისი 2013 00:18 - ID: 6,
    "კილიმანჯაროს თოვლიანი მწერვალი" წავიკითზე ერთი თვის წინ ორიგინალში და ახლა ვკითხულობ "მშვიდობით იარაღო" ასევე ორიგინალში :3 ძალიან მაგარია feel

  • ELE-elene თქვა:
    21 ივნისი 2013 23:25 - ID: 5,
    მართლა კარგი სიახლეა.. feel მისი ნაწარმოებებიდან წაკითხული მაქვს ''კილიმანჯაროს თოვლიანი მთა'' და '' აფრიკის მწვანე ქედები''..ორივე მომეწონა..გირჩევთ, რომ თქვენც წაიკითხოთ.. smile

  • linda_JB თქვა:
    21 ივნისი 2013 23:19 - ID: 4,
    ავტორო ერიჰ მარია რემარკიზეც დადე რა ესეთი ნისუი feel ისე, სხვათაშორის, მემგონი ერთადერთი ხარ
    (ჩემს თავს თუ არ ჩავთვლით) ამ საიტზე რომელიც ძველი ენჯელელებიდან შემორჩა wink

  • Countess A. თქვა:
    21 ივნისი 2013 22:59 - ID: 3,
    ციტატა: Hermione...♥

    P.S. შემდეგში რომელ მწერალზე დავამატო ასეთი ნიუსი? ვის შესახებ გაინტერესებთ?

    ბალზაკზე დაამატე სიახლე.. რამოდენიმე მწერალზე ნიუსის დადების მცდელობა მქონდა,დოსტოევსკზე სიახლე გავგზავნე, რომელსაც ორი საათი შევალიე, მაგრამ არ დამიდეს.. გამიხარდება თუ ბალზაკზე ვნახავ ნიუსს.. წინასწარ მადლობა..

  • Countess A. თქვა:
    21 ივნისი 2013 22:55 - ID: 2,
    ვერც კი წარმოიდგენ როგორ გამახარა ამ ნიუსის ხილვამ.. რა მეთქმის ერნესტზე? როგორც ერთ–ერთმა ადამიანმა თქვა მარტივად გენიალური იყო იგი.. ბრწყინვალე ნამუშევრებით.. მისი დამახასიათებელი ხელწერით, ნაწარმოებების შინაარსითა და ცხოვრებისეული ფაქტების გაანალიზებით იგი უკვდავიყო.. ამერიკული ლიტერატურის ერთ–ერთი ბურჯია.. უღრმესი მადლობა ამ შესანიშნავი ნიუსისათვს..

  • Hermione...♥ თქვა:
    21 ივნისი 2013 22:52 - ID: 1,
    ნიუსში მხოლოდ შემოქმედებით ცხოვრებაზე არაა საუბარი, მაგრამ ჩავთვალე, რომ ეს დეტალები ჰემინგუეის პირადი ცხოვრებიდან თქვენთვის საინტერესო აღმოჩნდებოდა, სათაურის მხრივ კი ჩვეულ ტრადიციას არ ვუღალატე wink ჰემინგუეის შემოქმედება ჩემთვის ძალიან ძვირფასია, პირველად "მოხუცი და ზღვა" წავიკითხე, შემდეგ კი მისი სხვა ნაწარმოებებითაც დავინტერესდი და არცერთმა მათგანმა არ გამიცრუა იმედი. სრულიად ვეთანხმები იმაში, რომ მთელი ამერიკული ლიტერატურა მარკ ტვენის შემოქმედებიდან მომდინარეობს. აქვე დავამატებ, რომ ყველაზე საინტერესო შინაარსებს ფოლკნერის ნაწარმოებებში იპოვით, ჰემინგუეის კი წერის სტილში არ ჰყავს ბადალი winked
    P.S. შემდეგში რომელ მწერალზე დავამატო ასეთი ნიუსი? ვის შესახებ გაინტერესებთ?

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
გთხოვთ გაიაროთ რეგისტრაცია. რეგისტრაციის დასაწყებად დააჭირეთ ამ ბმულს: რეგისტრაციის დაწყება



მოგესალმებით angel.ge-ზე

საიტი, სადაც გაეცნობით სიახლეებს სელებრითების შესახებ, მოდისა, და ხელოვნების სფეროდან. ექსკლუზიური მასალები ცნობილი ქართველი ადამიანების და მნიშვნელოვანი ღონისძიებების შესახებ. გვადევნეთ თვალი და მოგვყევით @wwwangelge ინსტაგრამსა და ფეისბუქზე



ANGEL.GE ინსტაგრამზე - Instagram

Instagram
  • ანუკი არეშიძის დღიური
    "ყველას უნდა მთის წვერზე ცხოვრობდეს, მაგრამ ის კი არ იციან, რომ ბედნიერება სწორედ ის არის თუ როგორ ადიხარ მთის ციცაბო ფერდობზე."
  • თაკო ჩხეიძის დღიური
    რას ფიქრობს მოდის სფეროს აქტიური წარმომადგენელი მოდაზე, რასთან ასოცირდება მისთვის ჟურნალი Nargis და ვინ არის მისთვის ყველაზე საინტერესო პიროვნება...
  • სოფი ვილის დღიური
    დღიურის მთავარი თემა მუსიკაა. სოფი ვილის დღიური - ახალგაზრდა მუსიკოსის შესახებ საინტერესო დეტალებს გაგაცნობთ.
  • გიორგი ცაგარელის დღიური
    რადიკალურად ობიექტურიც და სუბიექტურიც, უზრდელობამდე პირდაპირი და ემოციური- ასე დაახასიათა მუსიკოსმა საკუთარი პიროვნება.
Back to Top