;

27 June 2013      Hermione...♥     Views 5387    
Category: Fun, Interesting, Photos


Powered by mp3skull.com


ალბათ არ არსებობს ადამიანი, რომელსაც ცხოვრებაში ერთხელ მაინც არ გასჩენია ინტერესი წარსულის მიმართ. მიუხედავად იმისა, რომ 21-ე საუკუნეში მცხოვრებნი კლასიკური ლიტერატურის, ხელოვნების მუზეუმების, ბებია-ბაბუის მოგონებებითა და კიდევ უამრავი წყაროს საშუალებით ვეცნობით ჩვენი წინაპრების ცხოვრებას, ეს ხშირად სულაც არაა საკმარისი. ხანდახან ჩდება სურვილი, რომ დროებით მაინც მოწყდე თანამედროვე ეპოქას, იმოგზაურო წარსულში, დატკბე ძველებური არქიტექტურის ნიმუშების ცქერითა და პერგამენტის ნაზი სურნელით, მაქმანებიანი კაბების შრიალითა და უამრავი რომანტიკული მომენტით, რომლებიც რამდენიმე საუკუნის წინ ჩვეულებრივ მოვლენებს წარმოადგენდნენ, დღეს კი ხალხის უმრავლესობა ირონიულად უყურებს. სტატიის მეშვეობით გეპატიჟებით შორეულ, იდუმალ და მუდამ მიმზიდველ წარსულში. ეს, რა თქმა უნდა, არ იქება საკმარისი, მაგრამ ვიმედოვნებ, რომ ეს პატარა მოგზაურობა დადებითად იმოქმედებს თქვენს განწყობაზე.


✔ ცნობილი მწერლების ფრაზები

ჯეინ ოსტინი:

-იშვიათად, ძალიან იშვიათად ხდება ისე, რომ ადამიანმა სრული სიმართლე თქვას. დღესდღეობით თითქმის უპრეცენდენტოა რაიმე ამბის შეულამაზებლად გადმოცემა.

-ეგოიზმი მიტევებული უნდა იყოს, რადგან მისი განკურნების იმედი არ არსებობს.

-ნამდვილი კომფორტისთვის სახლში დარჩენას არაფერი ჯობია.

-პიროვნება, იყოს ეს გენტლმენი ან ლედი, რომელიც კარგი ნაწარმოების კითხვისგან სიამოვნებას ვერ იღებს, ჩამოყალიბებული სულელია.


-არაფერს აქვს ისეთი შარმი, როგორიც წრფელ გრძნობებს.

-თუ ქალი იმდენად უბედურია, რომ ცხოვრების შესახებ რამე გაეგება, იგი ყველანაირად უნდა შეეცადოს ამის დამალვას.

-მეჯლისზე სასიამოვნო ცეკვის პარტნიორის გაცნობა სიყვარულის პოვნისკენ გადადგმული პირდაპირი ნაბიჯია.

-ადამიანი, რომელიც გრძელ წერილს ადვილად წერს, ცუდი მწერალი ვერ იქნება.



უილიამ თეკერეი:

-გულიანი სიცილი ბნელ სახლში მზის სხივის შეღწევას ჰგავს.

-სიმამაცე არასოდეს გადადის მოდიდან

-სიყვარული და გამარჯვება უდიდესი წარმატებაა. სიყვარული და დამარცხება კი მის შემდეგ საუკეთესო მოვლენაა.

-ჩვენი დროის საზოგადოებაში შეუძლებელია, რომ ხანდახან მაინც არ მოიქცე სნობურად.


-სიძულვილის გრძნობა სიყვარულს იმით ჰგავს, რომ ორივე უმიზეზოა.

-ახალგაზრდების გარდა არავის სიკვდილზე არ მწყდება გული.

-ახალგაზრდა და გამოუცდელი ხალხის შემდეგ ყველაზე ეგოისტთა მასას მხცოვანი ხალხი შეადგენს.

-არ ვიცი მივულოცო თუ მივუსამძიმრო ადამიანს, რომელიც ამ ცხოვრების აზრს ბოლომდე სწვდება.



ნათანიელ ჰოუთორნი

-ბედნიერება პეპელას ჰგავს: თუ გაეკიდები გაგექცევა, მაგრამ თუ მშვიდად დაელოდები, თავად მოფრინდება შენთან.

-მარტივად კითხვა ურთულესად წერის შედეგია.

-სუფთა ხელებს დასაფარად ხელთათმანი არ სჭირდებათ.

-ეგოიზმი სიყვარულის ერთ-ერთი უმთავრესი შთამაგონებელია.


-გმირი მხოლოდ გმირულ სამყაროში წარმოადგენს გმირს.

-ცხოვრება მარმარილოსა და ტალახისგანაა შემდგარი.

-ყველა მამაც ადამიანს გააჩნია სიყვარულის უნარი.

-სიზუსტე გულწრფელობის, უზუსტობა კი ფარისევლობის ტყუპისცალია.



ბრემ სტოუკერი:

-მხოლოდ მათ შეუძლიათ მზის შუქის დაფასება, ვისაც ღამის კოშმარები აქვთ გამოვლილი.

-სასოწარკვეთილებაც ერთგვარი შვებაა.

-რა ბედნიერნი არიან ისინი, ვისაც არაფრის ეშინიათ და ვისთვისაც დაღამება არა შემაძრწუნებელ კოშმარებს, არამედ მშვიდ ძილს მოასწავებს.

-ცხოვრება ისეთი საიდუმლოა, რომელსაც ადამიანი სიკვდილამდე ვერასოდეს ამოხსნის და რომელიც ასაკის მომატებასთან ერთად ნაწილ-ნაწილ იშლება.


-შეჩვევა ის პროცესია, რომლის დროსაც რამდენიმე დღე რამდენიმე საუკუნის ტოლფასია.

-ამქვეყნად მარადიული სილამაზე მხოლოდ წმინდა სულის პატრონებს გააჩნიათ.

-თუ ადამიანი ბევრს ლაპარაკობს, ის ყოველთვის ბრძნული ფრაზებით გამორჩეული ვერ იქნება.

-ჩვენ გვაქვს უნარი, რომ უდიდესი ცოდნა მცირე გამოცდილებით მივიღოთ.



ჯეკ ლონდონი:

-შთაგონებას კი არ უნდა დაელოდო, არამედ მის საძებნელად უნდა გაეშურო.

-ფუფუნება ხშირად გავლენის სინონიმია.

-ცხოვრება ხანმოკლეა. ამიტომ მირჩევნია ვიმღერო ერთი სიმღერა, ვიდრე მოვისმინო ათასი.

-მხოლოდ ფიზიკურ ძალას ცარიელი ნიჟარის ფასი აქვს.


-განათლებული ადამიანი სასტიკია, გაუნათლებელი კი კოშმარულად სასტიკი.

-ეს სამყარო ძალზედ სუსტი მექანიზმია. არცერთი ენის ლექსიკონში არ მოიძებნება სიტყვა, რომელიც ამ თემაზე ჩემი მოსაზრების მკაფიოდ გადმოცემას შეძლებს.

-სიცოცხლე ძვირფასი სამკაულია, რომელსაც ფულით ვერ იყიდი.

-გონებაშეზღუდულ ხალხს მხოლოდ სხვათა შეზღუდვების დანახვა ძალუძს.



✔ ფოტოკრებული





























Category: Fun, Interesting, Photos
Tags:

Related
Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top