21 November 2013      Hermione...♥     Views 6 228    
Category: Fun, Interesting

გთავაზობთ ბუნების ხელთუქმნელ და ამავე დროს, ყველაზე ავანგარდულ საოცრებებს, რომელთა თვალისმომჭრელი სილამაზეც ფერად სიზმრებს, მეზღაპრეთა მიერ აღწერილ სურათებსა თუ ფანტასტიკური ჟანრის ფილმების პეიზაჟებს მოგაგონებთ და რომლებიც თანამედროვე, ტექნოლოგიების ეპოქაში მცხოვრებლებსაც კი გაგაოცებთ.
ყველაზე ავანგარდული ბუნების ძეგლები





ქვის ტყე, შილინ-ის ავტონომიური რესპუბლიკა, იუნანის პროვინცია, ჩინეთი

შილინთან მდებარე 120 კმ-ზე გადაჭიმული ქვის ტყე, რომელიც 2007 წლიდან იუნესკოს მსოფლიო მემკვიდრეობათა სიაშია შესული, კირქვისაგან ფორმირებული უზარმაზარი ლოდებით გამოირჩევა, რომლებიც გაქვავებულ ხეებს მოგვაგონებენ. ლეგენდის თანახმად, ამ ტყეში ულამაზესი გოგონა, სახელად აშიმა დაიბადა, რომელმაც ვერ შეძლო თავის რჩეულზე დაქორწინება და მწუხარებისგან ქვად გადაიქცა.
ყველაზე ავანგარდული ბუნების ძეგლები

ეშმაკის კოშკი, ვაიომინგი, აშშ

ამერიკის შეერთებული შტატების პრეზიდენტმა, თეოდორ რუზველტმა, ვაიომინგში მდებარე "ეშმაკის კოშკი" 1906 წელს ეროვნულ მონუმენტად გამოაცხადა. ზღვის დონიდან თითქმის 1500 მ-ზე აღმართული ბუნების ძეგლი მეცნიერთა ვარაუდით ჩამქრალი ვულკანია. "ეშმაკის კოშკს" ყოველწლიურად 400, 000 ტურისტი სტუმრობს და მათი მხოლოდ 1% ახერხებს მომუმენტზე ბოლომდე ასვლას.
ყველაზე ავანგარდული ბუნების ძეგლები

ტალღები, არიზონა, აშშ

აშშ-ში, არიზონასა და იუტას საზღვარზე მდებარე "ტალღების" შექმნა ქვიშაქვის ფორმირების შედეგია, რომელიც, სავარაუდოდ, იურიული პერიოდიდან დაიწყო. დაბინძურებისა თუ სხვა სახის ზარალის თავიდან ასაცილებლად, "ტალღების" ყოველწლიური მნახველების რიცხვი ლიმიტურებულია და მისი მონახულებისთვის საჭირო ბილეთები ლატარიით თამაშდება.
ყველაზე ავანგარდული ბუნების ძეგლები

გიგანტების გზა, ჩრდილოეთ ირლანდია

ლეგენდის თანახმად, "გიგანტების გზის" შექმნა თავზარდაცემული გოლიათის სახიფათო ადგილიდან თავქუდმოგლეჯილმა გაქცევამ განაპირობა. თუმცა, მეცნიერები გვარწმუნებენ, რომ იგი ვულკანური ამოფრქვევის შედეგად წარმოშობილმა ბაზალტის სვეტებმა ჩამოაყალიბა. დღესდღეობით, "გიგანტების გზა" ჩრდილოეთ ირლანდიის ყველაზე პოპულარულ ტურისტულ ღირშესანიშნაობად ითვლება.
ყველაზე ავანგარდული ბუნების ძეგლები

"გიგანტების გზის" ფართო ხედი, რომელიც უძველესი ქალაქის ნამარხებს მოგვაგონებს

ყველაზე ავანგარდული ბუნების ძეგლები

ჰოუპველ როკსი, ნიუ-ბრანსუიკი, კანადა

ბუნების ეს კონკრეტული ძეგლი კი წყლის ეროზიის შედეგად შეიქმნა. მეცნიერები დღემდე კამათობენ იმის შესახებ, თუ რამ განაპირობა ზემო ფერდობის საუკუნეების მანძილზე შენარჩუნება, რომელსაც მყარი საყრდენი არ გააჩნია.
ყველაზე ავანგარდული ბუნების ძეგლები

ჰუდუ (ფერიების საკვამურები), კაპადოკია, თურქეთი

ჰუდუები, ე.წ. "ფერიების საკვამურები", მსოფლიოს არაერთ კუთხეში გვხვდება, მაგრამ ითვლება, რომ მათი ყველაზე შთამბეჭდავი ნიმუშები დღევანდელი თურქეთის ტერიტორიაზე მდებარეობს. ძველად ამ მაღალ სვეტებს ბუნებრივ პირამიდებსაც კი უწოდებდნენ.
ყველაზე ავანგარდული ბუნების ძეგლები

მძინარე გოლიათი, ბლასკეთის კუნძულები, ირლანდია

თუ ქვემოთ მოცემულ ფოტოს ყურადღებით დააკვირდებით, უკანა კუნძული ზურგზე მწოლიარე მამაკაცს მოგაგონებთ. სწორედ ამან განაპირობა მისთვის "მძინარე გოლიათის" შერქმევა.
ყველაზე ავანგარდული ბუნების ძეგლები

მოერაკის ლოდები, კოეკოეს სანაპირო, ახალი ზელანდია

ეს უჩვეულოდ დიდი, სფეროსებრი ლოდები, როგორც არ უნდა გაგიკვირდეთ, შიგნიდან ფუღუროა. მეცნიერები დღემდე ვერ ხსნიან მათი წარმოქმნის მიზეზებს.
ყველაზე ავანგარდული ბუნების ძეგლები

მანკო პატა, "დაკარგული ქალაქი", პერუ

ალბათ დამეთანხმებით, რომ წარმოდგენილი მართკუთხედის ფორმის ქვები ადამიანთა ნახელავს ჰგავს. ასე მიიჩნიეს მისი აღმოჩენისასაც, მაგრამ ექსპერტებმა დაამტკიცეს, რომ ისინი 100%-ით ბუნებრივია.
ყველაზე ავანგარდული ბუნების ძეგლები

წარმართი ქალიშვილი, იულიუსის ალპები, სლოვენია

იულიუსის ალპები არა მხოლოდ იშვიათი ფერით, არამედ უნიკალური გამოსახულებებითაც გამოირჩევა - მოცემულ ფოტოზე თავისუფლად შეიძლება ქალის სახის გარჩევა, რომელიც, ლეგენდის თანახმად, გაქვავებული ნიმფაა.
ყველაზე ავანგარდული ბუნების ძეგლები

ინდიელის თავი, ალბერტა, კანადა

წარმოდგენილ ფოტოზე აღბეჭდილი სანახაობა მნახველთა აბსოლუტურ უმრავლესობას ადამიანის მიერ შექმნილი ბარელიეფი ჰგონია, რომელზეც ინდიელი ქალის პროფილია წარმოდგენილი, მაგრამ იგი ნიადაგზე შექმნილი ბუნების მორიგი საოცრებაა, რომლის დანახვაც მხოლოდ თვითმფრინავიდანაა შესაძლებელი.
ყველაზე ავანგარდული ბუნების ძეგლები

სიყვარულის გვირაბი, უკრაინა

მიუხედავად იმისა, რომ ეს უკანასკნელი ძეგლი კი მთლიანად დედაბუნების ნახელავი არაა, იგი ყოველწლიურად ათასობით ტურისტს იზიდავს. მიტოვებული რკინიგზის გარშემო გაზრდილი ხეები ულამაზეს სანახაობას ქმნიან და მნახველს ნამდვილ ზღაპარში ამოგზაურებენ.
ყველაზე ავანგარდული ბუნების ძეგლები

"სიყვარულის გვირაბი" ზამთარში

ყველაზე ავანგარდული ბუნების ძეგლები

Category: Fun, Interesting
Tags:

Share it
Comments
Back to Top