24 November 2013      NiNi_N     Views 4 137    
Category: Fun, Interesting

ფაქტები ფრაია ბეა ერიქსონის შესახებფაქტები ფრაია ბეა ერიქსონის შესახებ
"Float through life, just take it easy, not too much stress, just, float." - Freja Beh Eerichsen

ყველასათვის ცნობილი 26 წლის დანიელი მოდელის, ფრაია ბეა ერიქსონის დებიუტი მოდის სამყაროში 2005-2006 წლებში, შემოდგომა/ზამთრის კოლექციების ჩვენებაზე შედგა პარიზში, ხოლო შემდეგ მილანში. ის დღესდღეობით მსოფლიოში ერთ-ერთი ყველაზე წარმატებული და ცნობილი მოდელია. თითქმის ცხრა წლიანი კარიერის განმავლობაში, მან უამრავი ცნობილი ჟურნალის გარეკანი დაამშვენა და სხვადასხვა მოდურ კამპანიებში მიიღო მონაწილეობა. გოგონა, რომელმაც ანდროგენული გარეგნობით დაამახსოვრა და შეაყვარა თავი საზოგადოებას, საკუთარ პიროვნებაზე ძალიან იშვიათად და ცოტას საუბრობს. ნიუსში შემოგთავაზებთ ფაქტებსა და მცირე ამონარიდებს სხვადასხვა ჟურნალთან მიცემული ინტერვიუებიდან.

❤❤❤❤❤❤❤❤❤❤❤❤❤❤❤❤❤❤❤❤❤❤❤

საყვარელი ყვავილი: თეთრი ვარდი.

● ფრაია ნიჭიერი მუსიკოსია. ის უკრავს გიტარაზე, პიანინოზე და დრამზე.

ადგილი სადაც თავს კარგად გრძნობს: კოპენჰაგენი (დანია), სიდნეი (ავსტრალია).

● ფოტოგრაფი, რომელთან ერთადაც ყველაზე ხშირად უწევს მუშაობა - ტერი რიჩარდსონი.

საყვარელი მუსიკოსები: Metallica, Janis Joplin, Led Zeplin, Rolling Stones, Kira & The Kindred Spirits.

● საყვარელი ბრენდი: Alexander Wang-ის, Helmut Lang-ის, Rick Owens-ისა და Balenciaga-ს მოდის სახლები.
ფაქტები ფრაია ბეა ერიქსონის შესახებ
ბავშვობის ოცნება: "მინდოდა გამოვსულიყავი მომღერალი თუმცა, ჩემი ვოკალური შესაძლებლობები ამის საშუალებას არ მაძლევს, ამიტომ სიმღერას ახლა მხოლოდ აბანოში ვახერხებ."

NYC-ის შესახებ: "ყველაზე ენერგიული ქალაქია მთელ მსოფლიოში. აქ იმდენი შემოქმედებითი ადამიანი ცხოვრობს... ყველა საკუთარი საქმითაა დაკავებული. ნიუ-იორკი მუსიკოსებისა და ზოგადად ხელოვანი ადამიანების ქალაქია."

● ფრაიას ოჯახი შედგება ოთხი წევრისგან და როგორც მოდელი აღნიშნავს, მათი კავშირია ძალიან მჭიდროა: დედა, მამინაცვალი, თავად და მისი უფრო ძმა, რომელიც მისი შთაგონების წყაროა."

საყვარელი საჭმელი: "თითქმის ყველა სახის კერძს მივირთმევ და დღეში დაახლოებით 4/5-ჯერ ვჭამ. მიყვარს იმ საკვების დაგემოვნება, რომელიც მანამდე არასოდეს გამისინჯავს, მაგრამ ყველაზე მეტად დედის მომზადებული საჭმელი მომწონს."
ფაქტები ფრაია ბეა ერიქსონის შესახებ
კარლს ლაგერფილდის შესახებ: "კარლს აქვს იუმორის შესანიშნავი გრძნობა და ამასთანავე ძალიან შემოქმედებითი პიროვნებაა. მასთან ერთად მუშაობა დიდ ენერგიასა და გამოცდილებას მოითხოვს, ამიტომ მოხარული ვარ რომ ის ხშირად მე მიწვევს სხვადასხვა კამპანიებში. ვფიქრობ, ის უბრალოდ გენიოსია."

ძირითადი საქმიანობა თავისუფალ დროს: "პირველ რიგში, რა თქმა უნდა ვუსმენ მუსიკას, რომელიც ჩემი შთაგონების წყაროა. ხანდახან ვწერ კიდეც (ძირითადად სიმღერის ტექსტებს), თუმცა ეს მხოლოდ მაშინ, როდესაც დეპრესიაში ვარ ან უბრალოდ მოწყენილი."

ჩაცმის სტილზე: "ვცდილობ ჩავიცვა თავისუფლად და კომფორტულად. სამოსი, რომელშიც თავს არაჩვეულებრივად ვგრძნობ, არის შავი ტყავის ქურთუკი და ჯინსის შარვალი, მაგრამ ყველაზე კომფორტულად თავს მაშინ ვგრძნობ, როდესაც არაფერი მაცვია. მე ხომ დანიელი ვარ (იცინის). არასდროს ვტვირთავ ლუქებს უამრავი აქსესუარით, თუმცა არის რამოდენიმე სამკაული, რომელიც წარსულის მოგონებებთან მაკავშირებს. მაღალქუსლიან ფეხსაცმელს მხოლოდ პოდიუმზე და ფოტოსესიების დროს ვიცვამ, ყოველდღიურ ცხოვრებაში კი ძალიან იშვიათად, რადგან მისი ხშირი გამოყენება დამღლელი და მტკინვეულია, ამასთანავე ის ფეხის კუთნებს აჩენს, რაც ნამდვილად არაა ლამაზი."
ფაქტები ფრაია ბეა ერიქსონის შესახებ
Spur Magazine-ის არქივიდან:

საყვარელი სუნამო: "ჩემი საყვარელი სუნამოა Chanel No.5. ეს არის ის, რაც არასდროს გადადის მოდიდან."

ყოველდღიური მაკიაჟი: "არასდოს ვიკეთებ მაკიაჟს სამსახურის გარეთ. სახეს ყოველთვის ვიბან მაკიაჟის მოშორების შემდეგ და ძილის წინ. კანის მოსავლელად კი ვიყენებ დამატენიანებელ კრემებს, რომლებსაც პარიზში ვიძენ."

● "მე შემიძლია გარდავისახო ისეთად, როგორი სახითაც ვჭირდები ფოტოსესიის თემატიკას, ამიტომ ვფიქრობ მოდელისთვის მნიშვნელოვანია ჰქონდეს გარდასახვის უნარი. ეს უბრალოდ დაეხმარება მას უკეთ გაითავისოს მისთვის დაკისრებული მოვალეობა."

მოდური ტენდენციები, რომელიც მიუღებელია მისთვის: "არ მომწონს წინდები სანდლებზე, მსგავსი შემთხვევები კი ძალიან ხშირია დანიაში ჩამოსულ ტურისტებს შორის."

● "ჩემი პროფესია მოითხოვს ხშირ მოგზაურობას, საყიდლებზე სიარულს, სწორ კვებას და რაც მთავარია ვარჯიშს ფორმის შესანარჩუნებლად, რასაც სახლის პირობებში ვახერხებ. აქედან გამომდინარე, ვცდილობ დრო სწორად გავანაწილო და სხვების მსგავსად ავყვე ნორმალური ცხოვრების რიტმს."

ვარცხნილობა: "თმას ყოველთვის თავად ვიჭრი, მაგრამ როდესაც სარკეში ვიხედები ვხედავ, რომ ის ზოგგან თანაბარია, ზოგგან კი აჩეხილი, ამიტომ თმის მოსაწესრიგებლად წელიწადში ერთხელ ან ორჯერ ვსტუმრობ სალონს."
ფაქტები ფრაია ბეა ერიქსონის შესახებ

საყვარელი ფილმი: "ხშირად ვუყურებ ფილმებს, თუმცა ვერ ვიტყვი, რომ რომელიმე მათგანი
გამორჩეულად მიყვარს."

● მას არ აქვს არც Facebook-ის, არც Instagram-ის და არც Twitter-ის ოფიციალური ექაუნთი, რადგან ის ამბობს,
რომ სოციალური ქსელები მისთვის არაა!

მას აქვს 16 ტატუ, რომელთაგან ყველაზე პოპულარულებია: კისერზე - 'float', მარჯვენა მკლავზე - 'serendipity is life'
და 'This Too Shall Pass', მარჯვენა ხელის მაჯაზე - 'this world tonight is mine'.

2013 წლის 16 სექტემბერს ფრაიამ საზოგადოებას წარუდგინა მისი პირველი კოლექცია Mother Denim-თან ერთად, რომელიც საქველმოქმედო მიზნით შეიქმნა. "მე არ ვარ დიზაინერი. უბრალოდ მინდოდა გამეკეთება ის, რისი გაკეთებაც ვიცი რომ შემიძლია. კოლექცია, რომლის დიზაინიც თავად შევქმენი, სწორედ ისეთი გამოვიდა, როგორც მინდოდა, რადგან ის ძალიან გავს ჩემს ყოველდღურ სტილს. კოლექციაში წარმოდგენილი ჯინსები ძალიან კომფორტული, მოსახერხებელი და პრაქტიკულია. მე უკვე შევიძინე რამოდენიმე შავი ჯინსი, რომელიც ძალიან მომწონს და ვიმედოვნებ საზოგადოებაც კმაყოფილი დარჩება."
ფაქტები ფრაია ბეა ერიქსონის შესახებ


Category: Fun, Interesting
Tags:

Share it
Comments
Back to Top