;

12 April 2012      TAMO _ ANGEL     Views 9022    
Category: Fun, Interesting

მედია ბიზნესში ქოვერზე, ანუ ჟურნალის გარეკანზე უდიდესი პასუხისმგებლობაა დაკისრებული, ყდაზე დატანილი ფოტო და სათაურები ხომ სიმწვავის და სკანდალურობის მიხედვით მოქმედებს ჟურნალის ტირაჟზე.
ვნახოთ 5 ყველაზე კაშკაშა, შთამბეჭდავი და სკანდალური გარეკანი ბეჭდური მედიის ისტორიაში.

The 5 most shoking magazine covers of all time

1)ჯონ ლენონი და იოკო ონო როლინგ სთოუნის გარეკანზე(1981)

ჯონ ლენონის ფოტო,რომელიც გააკეთა ენი ლეიბოვიცმა ჟურნალ Rolling Stone-სთვის,ოფიციალურად აღიარებულია როგორც XX საუკუნის ყველაზე შთამბეჭდავი ყდა.ბითლზების ყოფილმა ლიდერმა დიდი შთაბეჭდილება მოახდინა ფართო მასებზე,ამიტომაც ეს ექსპერიმენტი გახდა მისი შემოქმედების ერთ-ერთი ყველაზე კაშკაშა ფურცელი.ამ ექსპერიმენტმა აზრთა სხვადასხვაობა გამოიწვია-მსოფლიოს უმნიშვნელოვანესი მუსიკოსის პიროვნების მასშტაბით,მისი კარიერის ტრაგიკული დასასრულით,ნარკოტიკული დამოკიდებულებითა და სკანდალური ურთიერთობებით ავანგარდულ მხატვართან იოკო ონოსთან;პორნოგრაფიული ანოტაციებით,რომლებიც გახდნენ რევოლუციური მაშინდელი მედიისთვის;მაგრამ ყველაზე მთავარი არის ის ფაქტი,რომ სურათი გახდა ნამდვილად სიმბოლური,რადგანაც ფოტოსესია შედგა 1980 წლის დეკემბერში,ზუსტად რამდენიმე საათით ადრე მუსიკოსის მკვლელობმდე.
ამ ფოტოზე მუსიკოსი აღბეჭდილია შიშვლად და ეხვევა თავის მეუღლეს,რომელმაც კატეგორიული უარი განაცხადა შიშვლად პოზირებაზე.ფოტოგრაფი ენი ლეიბოვიცი მოგვიანებით იხსენებდა:"მე არ შემეძლო განვთავისუფლებულიყავი იმ აზრისაგან,რომ იოკო ძალიან ცივი ქალია,ჯონი კი უბრალოდ ცდილობს ის როგორმე შეაკავოს და არ გაუშვას.ფოტოსესიის დამთავრების შემდეგ აღელვებულმა ჯონმა მთხოვა მიმეცა პირობა,რომ ფოტო გარეკანზე მოხვდებოდა".

The 5 most shoking magazine covers of all time

2)ფეხმძიმე დემი მური Vanity Fair-ის გარეკანზე(1991)

1991 წლის აგვისტო.Vanity Fair-მსოფლიოს ყველაზე ვარსკვლავური ჟურნალი,28 წლის დემი მური-ჰოლივუდის მთავარი ვარსკვლავი ფილმ "მოჩვენებას" გამოსვლის შემდეგ.ფოტოგრაფი ისევდაისევ ენი ლეიბოვიცი!7 თვის ფეხმძიმე დემი მურის ფოტომ ჟურნალის გარეკანზე,პირდაპირი მნიშვნელობით შოკში ჩააგდო საზოგადოება.ალბათ ბევრს გაგიკვირდათ ეს ფაქტი,თუმცა ამ დროს არ უნდა დავივიწყოთ,რომ 90-ანი წლებია.ამ დროს ეს ფოტოსესია რევოლუციური ნაბიჯი და გრანდიოზული პროვოკაცია გახლდათ.დემი მურის ფოტოსესიამდე არცერთ სხვა ჟურნალს არ გამოუქვეყნებია ფეხმძიმე ქალების შიშველი ფოტოები არტნიუს სტილში.იმ ფაქტმა,რომ ფოტო გარეკანზე აღმოჩნდა,გამოიწვია გიჟური რეზონანსი-ერთნი ამბობდნენ,რომ გამომცემლობა უარყოფდა ყველანაირ მორალურ თუ ეთიკურ მხარეს და რყვნიდა საზოგადოებას,მეორენი კი ამტკიცებდნენ,რომ ქალური სილამაზე ფეხმძიმობისას ყველაზე ნამდვილი და მშვენიერია.

დღესდღეისობით თითქმის ყველა ცნობადმა სახემ,სიდნი კროუფორდიდან დაწყებული ქრისტინა აგილერათი დამთავრებული,გაიმეორა ეს ნაბიჯი.მათ ფოტოსესიები აწარმოეს ფეხმძიმობის ბოლო თვეებში,თუმცა მხოლოდ დემი მური ითვლება მოდის ამ ჟანრის ფუძემდებლად.


The 5 most shoking magazine covers of all time

3)ალინა კაბაევა Vogue (2011) -ის გარეკანზე

2011 წელი რუსული ბეჭდური მედიის ისტორიაში ერთ-ერთ ყველაზე სკანდალურად იქცა.რუსული ვოგის იანვრის ნომერი დაამშვენა ცნობილმა სპორტსმენმა,ოლიმპიურმა ჩემპიონმა,ტელეწამყვანმა და რაც მთავარია სახელმწიფო დუმის დეპუტატმა,ალინა კაბაევამ-ყველაზე ჩაკეტილმა და იდუმალმა პერსონამ.ფოტოგრაფი იყო ვლადიმირ გლინინი.ცხელი სკანდალი ეხებოდა რამდენიმე პიკანტურ და დელიკატურ მომენტსაც.პირველ რიგში,ეს ფოტოსესია სკანდალად იქცა იმიტომ,რომ ეს იყო პირველი ოფიციალური გამოჩენა გოგონასი,რომელსაც არ ჰქონდა ურთიერთობა პრესასთან იმის გათვალისწინებით,რომ მას მიაწერდნენ რომანს თვით რუსეთის პრეზიდენტთან,ვლადიმირ პუტინთან.მეორე რიგში,ეს იყო Balmain-ის ცნობილი ოქროს კაბა,2011 წლის შემოდგომა-ზამთრის კოლექციიდან,რომელიც ამშვენებდა ამ ფოტოსესიამდე კიდევ 7 გარეკანს(!),რაც აბსოლიტურად უჩვეულო ფაქტად ითვლება იქედან გამომდინარე,რომ სამოსი გარეკნებისთვის,ჩვეულებრივ,ექსკლუზივს წარმოდგენს და ნებისმიერი სახის გამეორება ითვლება პლაგიატად.მსხვილი მოდის სახლების პრეს-სამსახურები არ უშვებენ ამგვარ სიტუაციებს და თვალ-ყურს ადევნებენ იმას,რომ სეზონურ ჟურნალებში მოხვდეს მხოლოდ სხვადასხვა კაბები.თუმცა ამ შემთხვევაში რატომღაც გამონაკლისი მოხდა(?),რომელსაც მთელი მსოფლიოს ბლოგერებმა "ფლეშმობი" უწოდეს.ამას გარდა,ვულგალური მაკიაჟი,ბანალური პოზა-დაუშვებელი ამ დონის ჟურნალისთვის და ასევე ველური ვარცხნილობა,რომელიც გააკრიტიკეს მთელი მსოფლიოს სტილისტებმა,-შეფასდა როგორც [b]კოშმარი მთელს ვოგის ისტორიაში[/b].გარეკანი ძირითადად მოაგონებდათ დემოკრატიული ტიპის ჟურნალების გარეკნებს,მაგალითად,ისეთის როგორიცაა Cosmopolitan Glamour ;ვიღაც კი,უიღბლო გარეკანს ადარებდა Hello OK-ს,მხოლოდ არავითარ შემთხვევაში Vogue-ს.ამას გარდა,სათაური <<მთავარი გამარჯვება" განთავსებული იყო ...კაბაევას ფეხებს შორის.<<გამარჯვება თუ დამარცხება?>> დამცინავად ახმოვანებდნენ ბლოგერები.
შეგახსენებთ,რომ Vogue-ის დონის ჟურნალების გარეკნებისთვის ყოველთვის პოზირებენ მაღალ-პროფესიონალი მოდელები;გამონაკლისები კი კეთდება მხოლოდ მეგა-პოპულარული ვარსკვლავების შემთხვევაში.გარეკანზე კი პასუხს აგებენ მოდის ინდუსტრიის წამყვანი ფოტოგრაფები და სტილისტები.


The 5 most shoking magazine covers of all time

4)ანა ნიკოლ სმიტი Playboy-ის გარეკანზე(2007)

ფლეიბოის გარეკანზე ანა ნიკოლ სმიტის გამოჩენა საკმაოდ ლოგიკური და ბანალური ფაქტი ჩანს,იქიდან გამომდინარე,რომ ის იყო ჟურნალის ვარსკვლავი და ფლეიბოის დამაარსებლის ჰიუ ჰემფნერის რჩეული.1993 წელს ანა ნიკოლ სმიტი დასახელდა "წლის გოგონად",რის შემდეგაც მან გულახდილი ფოტოებით ფლეიბოის ჟურნალი დაამშვენა.შეგახსენებთ,რომ მანამ,სანამ ანა ცნობილი გახდებოდა,ის ერთ-ერთ კლუბში სტრიპტიზიორად მუშაობდა.მან გაიცნო 88 წლის მილიარდელი გოვარდ მარშალი,რომელიც გაცნობიდან მოკლე ხანში ამ ლამაზმანზე დაქორწინდა და მალევე გარდაიცვალა.სწორედ ამ ფაქტმა განაპირობა ანა ნიკოლის სკანდალური იმიჯი და პოპულარობა.ამ ფაქტის შემდეგ გოგონას წინაშე სულ სხვა სამყაროს კარები გაიხსნა:ის გახდა ტელე-წამყვანი,ბრენდ Guess-ის სახე,Playboy-ის რჩეული,მონაწილეობა მიიღო უამრავ რეკლამაში და გამოუშვა საკუთარი წიგნებიც კი.პუბლიკის შოკირება და ეპატაჟი თამამი გამოხდომებითა და სკანდალური გამონათქვამებით,მისთვის უცხო ხილი არ იყო,თუმცა ეროტიკული ჟურნალის გარეკანზე გამოჩენა ქმრის მოულოდნელი სიკვდილისთანავე,ეს უკვე ნამეტანია.ასეა თუ ისე,რამდენად უცნაურიც უნდა იყოს,ამ ფაქტიდან ცოტა ხანში,იმავე წლის 8 თებერვალს,ახალგაზრდა ქალი ფლორიდის სასტუმროში "eminole Hard Rock Hotel and Casino",გარდაცვლილი იპოვეს.დადგინდა რომ სიკვდილის მიზეზი პნევმონია და წამლების დოზის გადაჭარბება იყო.იმავე წლის მაისში ჰიუ ჰემფნერმა გადაწყვიტა პატივი მიეგო ანა ნიკოლ სმიტის ხსოვნისთვის და გამოუშვა ფლეიბოის ნომერი,რომლის გარეკანსაც ისევ ნიკოლ სმიტის ფოტო ამშვენებდა.მიუხედავად ჰიუ ჰემფნერის კეთილი ნებისა,ამ ფაქტმა ბევრის უკმაყოფილება გამოიწვია:საზოგადოებამ ჰიუ ჰემფნერის ეს ნაბიჯი ჩათვალა ანა ნიკოლ სმიტის ხსოვნის შეურაწყოფად.


The 5 most shoking magazine covers of all time

5)ქეით უისლეტი GQ -ს გარეკანზე (2003)

ფოტოშოპის სასწაულები-XXI საუკუნის ერთ-ერთი მკაფიო დამახასიათებელი ნიშან-თვისებაა.არცერთი ვარსკვლავი,თუნდაც ძალიან ლამაზი,ვერ ხვდება ჟურნალებში მანამ,სანამ მისი ფოტოები პროფესიონალების მიერ ფოტოშოპში არ დამუშავდება.ეს ყველასათვის ცნობილი ფაქტია.თუმცა,ზოგჯერ ფოტოგრაფების ფანტაზია საზღვარს სცდება.ამგვარად,ცნობილი ვარსკვლავი ქეით უინსლეტი გახდა ფოტოშოპთან დაკავშირებული ერთ-ერთი ყველაზე ცნობილი სკანდალის ინიციატორი.მკითხველმა GQ-ს 2003 წლის თებერვლის ნომრის გარეკანზე სულ სხვა ქეითი იხილა:ბევრად ახალგაზრდა-იდეალური სხეულის ფორმებითა და ნორჩი გარეგნობით.ვარსკვლავისათვის,რომელიც აქტიურად ქადაგებს ბუნებრიობას და ებრძვის პლასტიკური ქირურგიის მოდას,ეს შელამაზებული სინამდვილე მიუღებელი აღმოჩნდა და მან ჟურნალი GQ ფართო საზოგადოების წინაშე დაადანაშაულა ტყუილსა და ფარისევლობაში.საზოგადოების აზრით,GQ-ს სპეციალიტებს,რომლებმაც მოინდომეს ვარსკვლავის თეძოების შემოწერილობის შემცირება და ფეხების დაგრძელება,-ზედმეტი მოუვიდათ:ფოტოშოპით მიღებულ ლამაზმანს,რომელიც ყველა სამოდელო პარამეტრს აკმაყოფილებდა,არანაირი საერთო ჰქონდა სავსე სხეულის მქონე ქეით უინსლეტთან,რომელიც ბრიტანული გამოცემების მიერ შედგენილ რეიტინგებში,რომლებიც ეხებოდა არაშაბლონურ,არაფორმატულ სილამაზეს,მრავალჯერ აღმოჩენილა სიის სათავეში.
"ამ ფოტოებს არანაირი საერთო არ აქვს ჩემს რეალურ გარეგნობასთან.ფოტოშოპით დამუშავება იყო გადამეტებული.მე არამხოლოდ არ გამოვიყურები ასე,მე არც მსურს რომ გამოვიყურებოდე ასე!მე არ მინდა ვიყო მატყუარა,ამიტომაც ოფიციალურად ვაცხადებ,რომ უცაბედად არ დამიკლია 15 კილო"-განაცხადა ვარსკვლავმა.მანამ,სანამ ფოტო მოთავსდებოდა GQ-ს გარეკანზე,დირექციას მოუხდა ეღიარებინა ფოტოშოპის ბოროტად გამოყენება.თუმცა,მიუხედავად ამისა,GQ-ს წარმომადგენლები მაინც ამტკიცებდნენ,რომ ეს იყო სტანდარტული პრაქტიკა,მიმართული სილამაზის სტანდარტების განვითარებისაკენ.

ყველაზე გამორჩეული და შოკისმომგვრელი ქოვერი თქვენი შეხედულებით:

ჯონ ლენონი და იოკო ონო როლინგ სთოუნის გარეკანზე (1981)
ფეხმძიმე დემი მური Vanity Fair-ის გარეკანზე (1991)
ალინა კაბაევა Vogue-ის გარეკანზე (2011)
ანა ნიკოლ სმიტი Playboy-ის გარეკანზე (2007)
ქეით უისლეტი GQ -ს გარეკანზე (2003)

Category: Fun, Interesting
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top