;

4 June 2012      nini.     Views 6682    
Category: Fun, Interesting

Sara Bareilles - Gravity


თუ კი ოცნებები ქრება...იბრძოლე !

თენდება.იღვიძებ.სამუშაო.სახლი.ძილი...ისევ თენდება.იღვიძებ... რატომღაც ხშირად ჩვენ–ადამიანებს გვგონია, რომ ეს ყველაფერი საკმარისია რათა იცხოვრო. ნუთუ ამქვეყნად არსებობს ისეთი რამ, რაც საკმარისია. რაც მუდამ გვაკმაყოფილებს.

ყოველთვის ვცდილობთ ვარსკვლავებთან მიახლოებას
თუმცა კი ვერასდროს ვტოვებთ ამქვეყნიურ ცხოვრებას.
ხშირად ვოცნებობთ, ვისახავთ გეგმებს
მაგრამ შედეგს კი ვერ ვაღწევთ დღემდე !
მიზეზებს ჩვენ მუდამ ვაწერთ სხვის სახელს
და არ ვადანაშაულებთ საკუთარ თავებს !

JUST DO IT !

ნუთუ ჩვენთვის ასეთი რთულია აღიარება. აღიარება იმის, რომ რაღაც შეგვეშალა...მაგრამ არა...ჩვენ ხომ შეგვიძლია თავი მოვიტყუოთ და განვაგრძოთ ცხოვრება ისე, თითქოს არაფერი მომხდარა. თითქოს ყოველთვის სუფთა ვართ. სასაცილოა...!

JUST DO IT !

იქნებ ღირდეს უბრალოდ, სულ ცოტა ხნით მოვწყდეთ ჩვენს სხეულებს. მოვაშოროთ ჩვენი სული მას. იქნებ მაშინ მაინც დავინახოთ თუ რამდენად უსუსურები ვართ. იმდენად ამპარტავნები და ამაყები, რომ ვერასდროს შევძლებთ წინ სხლას. ოცნებებიც კი ვერ ავისრულეთ...გაინტერესებს რატომ?

JUST DO IT !

იმიტომ, რომ პირველი დაბრკოლებისთანავე უკან დავიხიეთ...არ ვიბრძოლეთ, არ დავიცავით... დიახ, ოცნებებსაც დაცვა და მოვლა სჭირდებათ, რათა არ გაუფასურდნენ... ეს ასე ადვილი ხომ არ არის. ნათქვამია : ,,რაც უფრო მეტი ბრძოლა გიწევს გამარჯვების მისაღწევად, მით უფრო საამოა შედეგი“. იქნებ ეს მართლაც ასეა..თუ კი ყველაფერი ადვილად მოგვეცემა ექნება მას ფასი? ან კი იქნება ჩვენთვის ღირებული? მას აღარ დავაფასებთ, რადგან ჩვენ არც ენერგია დაგვიხარჯავს მის მოსაპოვებლად და არც ჩვენი სულის ნაწილი ჩაგვიდია მასში... ან იქნებ თავიდანვე გვეგონა, რომ ჩანაფიქრი აუცილებლად აგვისრულდებოდა და სწორედ ასეთმა თავდაჯერებულობამ აგვაცდინა სწორ გზას...

JUST DO IT !

უამრავი მიზეზის დასახელება შეგვიძლია, მაგრამ რომელი მათგანი შეცვლის შედეგს? ნუთუ რომელიმე დაგვიბრუნებს იმას, რაც უკვე დავკარგეთ, რაც დიდი ხანია ჩვენ აღარ გვეკუთვნის... იმ დროს ვეღარ დავაბრუნებთ. თუმცა შეგვიძლია თავიდან დავიწყოთ. კვლავ ვისწავლოთ ოცნება, სწორი მიმართულებით სვლა და აქამდე დაშვებული შეცდომების გამოსწორება...

JUST DO IT !

ყველაფერს ვაუფასურებთ, ნაჩუქარ სამყაროს (ცხოვრებას) ვანადგურებთ. ჩვენს ირგვლივ ვსპობთ ყველაფერს, ერთმანეთსაც კი...უწინ წინაპრები მუდამ ცდილობდნენ რაიმე ღირებული დაეტოვებინათ ჩვენთვის. დღეს მხოლოდ საკუთარი მომავალი გვაფიქრებს. იქნებ ვცდები? ნეტავ ასე იყოს... იქნებ შენ, სწორედ შენ გაფიქრებს დღევანდელი ცხოვრება ! თუკი მას შეიძლება ცხოვრება ვუწოდოთ...შეიძლება ასეც არის. ფიქრობ, შენს გულში სევდა ისადგურებს, მაგრამ რას აკეთებ ამის გამოსასწორებლად? ან მე, ვაკეთებ კი რამეს?

JUST DO IT !

ცრემლები რომ გვეხმარებოდნენ მსოფლიოს გადარჩენაში ალბათ ჩვენ ორნი საკმარისნი ვიქნებოდით, რათა ის შეცვლილიყო, მაგრამ... სჯობს ვირძოლოთ, გამოვასწოროთ ჩვენი შეცდომები, სხვებს დავეხმაროთ მათ დანახვაში და უკეთესი ცხოვრების შექმნაში.

JUST DO IT !

მაშინ ხომ ჩვენც უკეთესები გავხდებით. უფრო ბედნიერები ვიდრე დღეს. მაშინ კი დაისადგურებს სინათლე და დაგვანახებს იმ გზას, რომელიც ჩვენივე ოცნებებისაკენ წაგვიყვანს. აღარ იქნება ყოველი დღე ერთმანეთის მსგავსი. დავინახავთ იმ სილამაზეს, რომელიც მუდამ ჩვენს გარშემო იყო და ვერც კი ვამჩნევდით, ვერ ვტკბებოდით მისით...

JUST DO IT !

აი თენდება კიდეც. ვიღვიძებ.ცხოვრებით ვტკბები, ყოველი წამით...ის ხომ ასეთი მშვენიერია...
ავტორი: ნინო მკალავიშვილი

JUST DO IT !


Category: Fun, Interesting
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top