;

8 September 2012      Nanuka.     Views 2716    
Category: Georgians

ქართველმა კალათბურთელებმა ევროპის ჩემპიონატზე თამაშის უფლება მოიპოვეს!

დღეს, გასვლაზე მოთამაშე ქართველმა კალათბურთელებმა ლატვიის ეროვნული ნაკრები ანგარიშით 73:70 დაამარცხეს და საკვალიფიკაციო ეტაპიდან ევროპის ჩემპიონატზე თამაშის უფლება მოიპოვეს! აღსანიშნავია, რომ ჩვენმა ნაკრებმა ლატვიელები პირველ შეხვედრაშიც 3 ქულით დაამარცხა. დღევანდელ მატჩში ყველაზე მაღალშედეგიანი კალათბურთელი მანუჩარ მარკოიშვილი გახდა 17 ქულით.

საქართველოს საკალათბურთო ნაკრები Eurobasket 2013-ზე ითამაშებს!

საქართველოს საკალათბურთო ნაკრებს მორიგი მატჩის წაგების შემთხვევაში მე-2 ადგილზე გასვლა მაინც განაღდებული აქვს. ჯგუფის მთავარი ფავორიტი ბოსნია ჰერცოგოვინა გახლდათ, რომელთანაც ჩატარებული 2 შეხვედრის შემდეგ 1 მოვიგეთ, 1 კი დავთმეთ. აგრეთვე, ჩვენს კალათბურთელებს 1 მატჩი დარჩათ ჩასატარებელი ჰოლანდიის ნაკრებთან, რასაც მათთვის გადამწყვეტი მნიშვნელობა არ გააჩნია.

რაც შეეხება დღევანდელ შეხვედრას, მანუჩარ მარკოიშვილის შემდეგ ზაზა ფაჩულიამ და ჯეიკობ პულენმა მოაგროვეს ყველაზე მეტი - 15 ქულა. მათ შემდეგაა ცინცაძე 14, ხოლო სანიკიძე 7 ქულით. უნდა აღინიშნოს, რომ ქართველებმა მატჩი ძალიან ცუდად დაიწყეს, 7 ქულასაც კი აგებდნენ, რასაც პირველი პერიოდის წაგება მოჰყვა. ეს პირველი შემთხვევაა, როდესაც პირველი წაგებული პერიოდის შემდეგ ჩვენმა ნაკრებმა საბოლოო შედეგი მოგება დააფიქსირა.


საქართველოს საკალათბურთო ნაკრები Eurobasket 2013-ზე ითამაშებს!

ყველას გილოცავთ ამ წარმატებას და ვიმედოვნოთ, რომ ჩვენი კალათბურთელები ისევ ამგვარი წარმატებით გააგრძელებენ ასპარეზობას ევროპის 2013 წლის ჩემპიონატზე!


Category: Georgians
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top