;

23 January 2013      Nanuka.     Views 4618    
Category: Georgians

სპიკერი/The Speaker - მე-2 სეზონი

25 დეკემბერს, საზოგადოებრივი მაუწყებლის ეთერში "სპიკერის" მე-2 სეზონის 1-ლი გადაცემა გავიდა. ეს არის პროექტი 13-დან 18 წლამდე ორატორული ნიჭით დაჯილდოვებული ბავშვებისთვის, რომლის სლოგანია: "ილაპარაკე, რომ შეგამჩნიონ". პროექტში მონაწილეობის სურვილი ძალიან ბევრმა ახალგაზრდამ გამოთქვა, თუმცა სამ ეტაპიანი ქასთინგის შედეგად მასში მხოლოდ და მხოლოდ 10 ბავშვი მოხვდა.

5 გადაცემის შემდეგ, ამჟამად პროექტში მხოლოდ 5 ნახევარფინალისტია დარჩენილი: საბა ვაჩიბერიძე, თამარ ხუხია, ნანა ედიშერაშვილი, გუგა სუხიაშვილი და ანანო ობოლაშვილი. მათ ძალიან ცოტაღა აშორებთ ნანატრ საქართველოს ახალგაზრდა სპიკერის ტიტულამდე. მანამ, სანამ შევიტყობთ თუ როგორ განვითარდება მოვლენები და ვინ გახდება "სპიკერის" მე-2 სეზონის გამარჯვებული, გავიგოთ მეტი ნახევარფინალისტების შესახებ.

ვინ გახდება საქართველოს ახალგაზრდა სპიკერი?

1) საბა ვაჩიბერიძე

საბა ვაჩიბერიძე 17 წლისაა და თბილისიდან არის. შესაძლებელია, ენჯელ.ჯი-ს მკითხველისთვის იგი ნაცნობი იყოს პროექტით: "ვარსკვლავური ცხოვრება", რომლის იდეაც თავად საბას ეკუთვნოდა და მანვე განახორციელა. მას სამომავლო პროფესიად ჟურნალისტიკა აქვს არჩეული და "სპიკერში" მონაწილეობა ამ განხრით ძალიან დაეხმარება. საბა პროექტის განმავლობაში ერთხელ იყო აუტსაიდერი თათული ღვინიანიძესთან და ნანა ედიშერაშვილთან ერთად, თუმცა დამაჯერებელი გამოსვლით ჟიურის მოხიბვლა შეძლო და ნახევარფინალურ ეტაპზე გადავიდა. საბას სიტყვა ქასთინგზე სიტყვა "ბოდიშს" ეხებოდა, რომლითაც ჟიურის გულის მოგება ნამდვილად მოახერხა.


საბას გამოსვლა ქასთინგზე:



2) თამარ ხუხია


თამარ ხუხია 16 წლის არის და გურიას წარმოადგენს. "სპიკერში" საქართველოს ახალგაზრდა სპიკერის ტიტულის მოსაპოვებლად ჩამოვიდა. თამარი მაყურებელს დაამახსოვრდა იმით, რომ მან მე-2 ტურში "სპიკერის" ერთ-ერთი ფავორიტი - ლუკა მეტრეველი პროექტს მიღმა დატოვა. ქასთინგზე სასაუბროდ მან თემა - "სტერეოტიპები" აარჩია და ეს თემა პატიმრებთან დაკავშირებული პრობლემების ჭრილში განიხილა. თამარი, საბას მსგავსად ერთხელ მოხვდა აუტსაიდერებში და ამჟამად ერთ-ერთ ფავორიტად ითვლება.


თამარის გამოსვლა ქასთინგზე:



3) ნანა ედიშერაშვილი


ნანა (ნაკო) ედიშერაშვილი 17 წლის არის და "სპიკერში" გორიდან ჩამოვიდა. მან შესარჩევ ქასთინგზე ჟიურის მოხიბვლა ძილის მნიშვნელობაზე საუბრით მოახერხა. მიუხედავად იმისა, რომ ნანა ერთ-ერთი ნახევარფინალისტია, იგი უკვე ორჯერ იყო აუტსაიდერი. პირველად ნანა მაისურაძე დატოვა პროექტს მიღმა, მეორედ კი თათული ღვინიანიძე. მას ის კი არ სურს იყოს მომავალი ნინი ხვედელიანი (1-ლი სეზონის გამარჯვებული), არამედ იყოს მომავალი ნაკო ედიშერაშვილი. წარმატებები ვუსურვოთ ნაკოს!

ნანას გამოსვლა ქასთინგზე:



4) გუგა სუხიაშვილი


გუგა სუხიაშვილი 16 წლისაა და თბილისიდან არის. იგი პროექტის განმავლობაში ერთხელაც არ ყოფილა აუტსაიდერებს შორის და გამორჩეულ კონკურსანტად ითვლება. გუგა თინეიჯერებისთვის ცნობილი გადაცემის - "ჩვენი ექსპრესის" წამყვანია. შესარჩევ ტურში მან საკმაოდ ბანალურ თემაზე - "ბრბო" საკმაოდ ორიგინალურად ისაუბრა და ჟიურის დიდი მოწონება დაიმსახურა.

გუგას გამოსვლა ქასთინგზე:



5) ანანო ობოლაშვილი

ანანო ობოლაშვილი 17 წლისაა და "სპიკერში" თბილისს წარმოადგენს. იგი, გუგას მსგავსად ერთხელაც არ მოხვედრილა აუტსაიდერებში. აინტერესებს მარკეტინგი და მომავალში ამ განხრით აპირებს პროფესიულ განვითარებას. ანანომ ქასთინგზე საკმაოდ ორიგინალური თემა შეარჩია და მსმენელს დედამიწის თავისეული ვერსია წარუდგინა, რითიც ჟიურის გული ნამდვილად მოიგო.
ვინ გახდება საქართველოს ახალგაზრდა სპიკერი?

ვინაიდან Facebook-ზე ანანოს ვიდეო არ დევს მისი ქასთინგის გამოსვლა იხილეთ ამ ბმულზე.

საინტერესოა, როგორ განვითარდა 5 ნახევარფინალისტი ამ ტურების განმავლობაში. იმას, რომ მათ მართლაც შეძლეს უკეთეს სპიკერებად ჩამოყალიბება, გვიმტკიცებს მე-4 ტური, რომელშიც მონაწილეებს საზოგადოებისადმი გზავნილის მომზადება დაევალათ. მათ თავად შეეძლოთ აერჩიათ სასაუბრო თემა, რასაც ექვსივე მათგანმა ძალიან კარგად გაართვა თავი, თუმცა სამწუხაროდ ერთ-ერთი მათგანი (თათული ღვინიანიძე) პროექტს დაემშვიდობა. თავად შეაფასეთ ახალგაზრდა სპიკერების თავისუფალი თემები:

საბა ვაჩიბერიძე - თაობათა შორის ბრძოლა




თამარ ხუხია - ინდეფერენტული საზოგადოება




ნანა ედიშერაშვილი - მარადისობის კანონი




გუგა სუხიაშვილი - ტექნოლოგური პროგრესი




ანანო ობოლაშვილი - ქართული სუპერლოგიკა



მიუხედავად იმისა თუ რომელი ორი მონაწილე დატოვებს პროექტს და დარჩება ფინალს მიღმა, ხუთივე მათგანმა დაამტკიცა, რომ იმსახურებენ პროექტში ყოფნას და შანსს გახდნენ საქართველოს ახალგაზრდა სპიკერები. მე თითოეულ მათგანს დიდ წარმატებას ვუსურვებ, თქვენ კი დააფიქსირეთ თქვენი აზრი: რომელია საუკეთესო?

თქვენი ფავორიტია:

საბა ვაჩიბერიძე
თამარ ხუხია
ნანა ედიშერაშვილი
გუგა სუხიაშვილი
ანანო ობოლაშვილი

Category: Georgians
Tags:

Share it
Comments



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top