;

10 April 2013      ANGEL     19 Comments     Views 8451    
Category: Georgians, Tbilisi style, for ANGEL.ge



ყველასთვის ცნობილია ლეგენდარული ჟურნალი Vogue -ჟურნალი მოდისა და ცხოვრების შესახებ,რომელსაც გამომცემლობა "კონდე ნასტი" თვრამეტ ქვეყანაში გამოსცემს. ვოგის ამერიკული ვერსიის მთავარი რედაქტორია ანა ვინტური. ვინ და ვინ მოხვდნენ Vogue -ს ონლაინ პროექტის Vogue World-ის რჩეულ 10 Junior Editor -ს შორის?!

ანანო დოლაბერიძისა და George JB -ს გზა წარმატებისკენ, მოსაზრებები და ვოგის ქართველი Jr. რედაქტორების ყოველდღიური ცხოვრება. როგორ ეძახდნენ ერთ პატარა ბიჭუნას "საბურთალოს გიჟს" და როგორ აღმოჩნდა იგი "საბურთალოს გიჟის" სტატუსიდან "ვოგში"...

ინტერვიუ ენჯელ.ჯი-სთვის
ჟურნალისტი: ტატა ნაკანი / ფოტოგრაფი: ელენე გოგელია



Vogue World-ის ქართველი Jr. რედაქტორები 

Vogue World-ის ქართველი
Jr. რედაქტორები


Website:vogue.com/fashion/
facebook.com/VogueWorld/

რესპონდენტი: George JB (დიზაინერი,
Vogue World Junior Editor
)

როგორი იყო ბავშვობა, როდის გაღვივდა ინტერესი მოდის მიმართ?
"ბავშვობიდან მქონდა ინტერესი,ნელ_ნელა ჩამოვყალიბდი,ავირჩიე ჩემი კონკრეტული გზა ხელოვნებაში,დაახლოებით 9 წლის ასაკში გადავწყვიტე შემექმნა რაღაც,ამის შემდეგ მიდის და მიდის კარგად ყველაფერი.სკოლა არ მიყვარდა,რადგან ვთვლი,რომ ზღუდავდა ჩემს თავისუფლებას..

ვინ გიწოდა "შავი მარგალიტი" და ასახავს თუ არა ეს სახელწოდება შენს პიროვნებას.
ეს იყო ფრანგი ვიკონტი. საქართველოში ყოფნისას შევხვდით ჩემს სამეგობრო წრეში და ასეთი კომპლიმენტი მითხრა:
"la perle noire", Vogue World-ის ქართველი Jr. რედაქტორები შემადარა შავ მარგალიტს,რადგან სახეზე ყოველთვის თეთრი ვარ,თითქმის ყოველთვის შავი ფერის სამოსს ვატარებ. კომპლიმენტს განმარტებაც დაურთო,რომ შავი მარგალიტი რთულად მოსაპოვებელი,ძვირფასი და ღრმაა,შესაბამისად გამაიგივა მასთან. ჩემი აზრით, ეს სახელწოდება ზუსტად ასახავს ჩემს შინაგან სამყაროს, ამიტომაც აიტაცა ყველამ ეს სახელი.

"შავი მარგალიტი" უნიკალური და ინდივიდუალურია,რას არის შენი ინსპირაციის წყარო,როგორც დიზაინერის?
ინსპირაციაზე არასდროს არ ვფიქრობ,ფანტაზია უშრეტი მაქვს. ნებისმერ რამეს შეიძლება შევხედო და ის იქცეს ინსპირაციის წყაროდ.

ვინ არის შენთვის იდეალური ქალი?
ჩემი შეხედულებიდან გამომდინარე იდეალური ქალი კოკო შანელია.

"გააკეთეთ ის რაც გსურთ,უბრალოდ ჯერ ისეთები იყავით, რომ სურვილი შეგეძლოთ" - შენი სიტყვების თანახმად,რა თვისებები უნდა ჰქონდეს ადამიანს ეს რომ შეძლოს?
პირველ რიგში, საკუთარი თავის რწმენა უნდა გქონდეს
და შემდეგ იმ საქმის, რასაც აკეთებ.თუ შენ თავთან კონფლიქტი გაქვს და არ გჯერა საკუთარი თავის,სწორედ ეს ღუპავს ადამიანს.ადამიანებს უნდა ჰქონდეთ ძლიერი მიზანი.მთავარია,მონდომება..შემდეგ აუცილებლად გაუმართლებს ყველას.

"სურვილი არ გააჩნიათ გენიოსები რომ იყვნენ, სურვილი რომ ჰქონდეთ იქნებოდნენ" - ვინ არიან შენთვის გენიოსები?
ყველაფერი სურვილზეა დამოკიდებული.ძალიან ბევრი შრომაა საჭირო.ძალიან ბევრი უნდა იმუშაო შენს თავთან. არსებობს ასეთი ფრაზა:"გენიოსები იბადებიან".ჩემთვის ასეთი გენიოსები იყვნენ: მხატვრობაში_მიქელანჯელო და ლეონარდო და ვინჩი,რაც შეეხება მოდას_ ჯონ გალიანო და მაკქუინი.ისინი მოდის გენიოსები იყვნენ,მართლაც,რადგან მოახერხეს კაცობრიობის მოდის მსოფლმხედველობის შეცვლა.



Vogue World is a blog compiling stories of VOGUE publications from around the globe.

Vogue World Editor's Team- All together Comming Soon - Georgia June 2013- — with Constanza Gabriell Aragón, Frida F Gustavsson, La Perle Noire JB, Grace Coddington, Vincent Law, Oscar Ferré, Les frères Ferré, Charlie Ferré, Anano Dolaberidze and Roberto Sipos Istvan.




რესპონდენტი: ანანო დოლაბერიძე (სტილისტი, ბლოგერი anobanooo, Vogue World Junior Editor)

ბავშობიდანვე გიზიდავდა მოდის სფერო? როგორი იყო გზა ვოგისკენ?
ბავშვობიდან მიყვარდა და მაინტერესებდა ეს სფერო.ბლოგიც ამიტომ გავაკეთე ,რომ მეტი შეხება მქონოდა მოდასთან,როგორც ამ სფეროს წარმომადგენელს.თბილისი Fashion Week ახალი დაწყებული იყო,მინდოდა აკრედიტაციის აღება,რომ მოვხვედრილიყავი ჩვენებაზე,ბლოგერის სტატუსით.თავიდან მოდის სიყვარულით დავდიოდი ამა თუ იმ ჩვენებაზე,შემდეგ ეს ჩემი პროფესია გახდა.ახლა მოდის გარეშე ჩემი ცხოვრება ვერ წარმომიდგენია.
Vogue World-ის ქართველი Jr. რედაქტორები
როგორ მოხვდი Vogue World Junior Editor- ს შორის,
რამ განაპირობა შენი წარმატება?

რეალურად,ეს ჩემი ბლოგის დამსამსახურებაც არის,თითქმის ნახევარ მილიონზე მეტი მომხმარებელი ჰყავს.ბლოგერის ხედვა სულ სხვაა,უნდა გქონდეს გემოვნება და უნდა იცოდე რა უნდა ხალხს,შენს მკითხველს.მე ვემსახურები ხალხს და მათ ინტერესებს.არის რაღაც რაც არ მომწონს,მაგრამ ვიცი,რომ ბლოგის მკითხველების ნაწილს ეს დააინტერებს.

როგორ დაიწყო შენი და George JB-ს მეგობრობა?
გიორგი დავინახე რომელიღაც კაფეში,5-6 წლის წინ. დავინახე და დამაინტერესა.გავიცანი მოდის კვირეულზე,მას შემდეგ ვმეგობრობთ.ყოველთვის ერთად ვართ.

როგორია ყოველდღიური ცხოვრება, დატვირთული გრაფიკი გაქვს?
ძალიან,დილიდან ვარ სამსახურში.გვიან მივდივარ უნივერსიტეტში, შემდეგ "ეგო"-ში გვაქვს გადაღებები და ფოტოსესიები.მეგობრებისთვის დრო აღარ მრჩება,სულ გადარბენაზე ვარ. ვშრომობ ძალიან ბევრს - "რასაც დათესავ, იმას მოიმკი."

რა ეტაპია შენს ცხოვრებაში? მიაღწიე დასახულ მიზანს,
როგორც ვოგის რედაქტორმა?

არა,არ ვთვლი რომ მიზანს მივაღწიე.ძალიან ბევრი რაღაც მაქვს გასაკეთებელი.საერთოდ,რაც უფრო უკმაყოფილო ხარ შენი თავით,მით უფრო მეტს მიაღწევ.ჯერ მელოდება მაგისტრატურა, მეტი ცოდნის მიღებაა საჭირო, რასაც დრო სჭირდება. ახლა მაქვს იმის საშუალება,მეტი რამ გავაკეთო და წარმატებას მივაღწიო. ჩემთვის ძალიან მნიშვნელოვანი იყო გრეისის სიტყვები: "Anano welcome to Vogue world team!". ვფიქრობ,როცა ასეთი შანსი მოგეცემა ადამიანს,მაქსიმალურად უნდა გამოიყენო და თავი არ უნდა დაზოგო.არიან ადამიანები,ვისაც ჰგონიათ რომ ეს გამონაგონია. "როგორი ადამიანიც ხარ ისე მოგექცევა ცხოვრება", იგივე მინდა ვურჩიო სხვებსაც, უხაროდეთ სხვების წარმატება.

რას ფიქრობ საქართველოს მოდის ინდუსტრიაზე?
საქართველოში ძალიან ბევრი,ნიჭიერი დიზაინერია,მაგრამ, სამწუხაროდ,მათ არ აქვთ იმის შასაძლებლობა, რომ ქვეყნის ფარგლებს გარეთ გაიტანონ მათი შემოქმედება.უნდა შეიცვალოს დამოკიდებულება მოდის კვირეულების მიმართ.ეს მოვლენა არ არის გასართობი წვეულება, სხვა ქვეყანაში ეს ჩვეულებრივი სამუშაო პროცესია.




რესპონდენტი: George JB

როგორია შენი დამოკიდებულება საქართველოს მოდის კვირეულებთან დაკავშირებით?
მიხარია,რომ საქართველოში ნელ-ნელა ვითარდება ეს ყველაფერი.ამ სფეროს წარმომადგენელი ვარ და სასიამოვნოა,როცა შედარებით ნორმალურ ხალხს ვხედავ ჩვენებებზე.

შენს ცხოვრებაში რა ადგილი დაიკავა ვოგმა?
ჩემი სურვილი არასდროს იყო ვყოფილიყავი ბლოგერი. ყველა ამბობს, რომ მათი ოცნებაა მოხვდნენ ვოგში, მაგრამ ჩემთვის, უფრო მნიშვნელოვანია ჩემი პროფილი მოდის სფეროში. ჩემი პროფილი არ ყოფილა წერა. არ მიყვარს, როცა რაღაცას ვექვემდებარები, მიყვარს თავისუფლება.


სასიამოვნო ფაქტია, რომ დაინტერესდნენ ამ ქვეყნითა და ორი ადამიანით.. "ადამიანი არ ირჩევს ხელოვნებას, თვითონ ხელოვნება ირჩევს მას." - ეს George JB-ის საყვარელი ფრაზაა...



ინტერვიუ ენჯელ.ჯი-სთვის
ჟურნალისტი: ტატა ნაკანი
ფოტოგრაფი: ელენე გოგელია




Category: Georgians, Tbilisi style, for ANGEL.ge
Tags:

Share it
Comments



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top