;

8 July 2013      ANGEL     Views 9758    
Category: Georgians, for ANGEL.ge



,,ქართლის ღვინის ფესტივალი’’ - რეაბილიტირებულ ციხისუბანში, ქ. გორში

23 ივნისს გორში რეაბილიტირებულ ციხისუბანში ,,ქართლის ღვინის ფესტივალი“ გაიმართა, რომელიც მიზნად ისახავდა განსაკუთრებული გემოვნური თვისებების მქონე ქართლის ღვინის პოპულარიზებას, ადგილობრივი ვაზის ჯიშების შენარჩუნებასა და გამრავალფეროვნებას, რეგიონში შემორჩენილი უნიკალური ჯიშებიდან დაყენებული ღვინის გაცნობა-პოპულარიზაციას, ქართლის ღვინის მწარმოებელთა კატალოგის შექმნას შემდგომი კონსულტაციებისა და სერვისების მიწოდების მიზნით, ახალ მწარმოებელთა დაინტერესებას, შიდა თუ გარე ბაზრების ყურადღების მიპყრობას.

ფესტივალის მასპინძელ შიდა ქართლის გუბერნატორის ადმინისტრაცია იყო, ღონისძიებას ორგანიზებას უწევდა ქართლის ტრადიციული მეღვინეობის ასოციაცია და რეგიონული განვითარების სააგენტო. ღონისძიებაზე მოწვეულთა შორის იყვნენ საკანონმდებლო და აღმასრულებელი ხელისუფლების წარმომადგენლები. ასევე დიპლომატიური კორპუსის, საერთაშორისო და ადგილობრივი არასამთავრობო ორგანიზაციების წარმომადგენლები, სასულიერო პირები, მსახიობები და მომღერლები, აღსანიშნავია ის ფაქტი, რომ ,,ღვინის ფესტივალზე’’ საქართველოს პრეზიდენტი მიხეილ სააკაშვილიც იმყოფებოდა, რომელმაც განაცხადა, რომ ასეთი ფესტივალები ხელს შეუწყობს რეგიონის განვითარებას და პოპულარიზაციას.

რეგიონის მცირე მარნები წარმოადგინეს ადგილობრივი უნიკალური ჯიშებიდან დაყენებული, განსაკუთრებული გემოვნური თვისებების მქონე სხვადასხვა სახეობის ღვინო, რომლებიც ჯერ არ გასულა ბაზრებზე და რომელთა შერჩევას წინასწარ აწარმოებდა ,,ქართლის ტრადიციული მეღვინეობის ასოციაცია“.




• ფესტივალზე 70 მდე მეღვინე იქნა მოწვეული და მოხდა დეგუსტაცია, გაიყიდა ქართლის ტრადიციული სხვადასხვა სახეობის თეთრი და წითელი ღვინო.
ფესტივალზე უკრავდა ცოცხალი მუსიკა ადგილობრივი ჯაზ ბენდის „კანუდოსის“ შესრულებით და ქართული ხალხური ანსამბლი. აგრეთვე სპეციალურად გორელებისთის პოპულარულმა მომღერალმა ანანო მჟავიამ გორზე დაწერილი სიმღერა ,,გორი ჩემი თანასწორია’’ შეასრულა.
• გამოიფინა ისტორიული ნივთები და ფოტოები ადგილობრივი მუზეუმებიდან, რომლებიც დაკაშირებულია ღვინოსთან და ადგილობრივ ტრადიციებთან.
• ასევე ფოტოები რომლებიც ასახავს ისტორიული გორის ძველი უბნის ცხოვრებას მე-19 საუკუნის მეორე ნახევრიდან დღემდე.
• ფესტივალის დასასრულს მეღვინეებს გადაეცათ სიგელები, საჩუქრები.
• ღვინის გარდა, სტუმრებს შეეძლოთ შეეძინათ სხვადასხვა სახეობის და ასორტიმენტის ყველი, ასევე მწვადი.
ფესტივალზე ასევე გაიყიდა ადგილობრივი წარმოების ჩირი, ჩურჩხელა და 30 მდე ადგილობრივი ხელოსნის მიერ წარმოებული ხელნაკეთი ნივთები, სუვენირები.


ჟურნალისტი: შმაგი ბერუაშვილი

ფოტობობიექტივმა დააფიქსირა: ნუკი კოშკელიშვილი, ნანუკა გოგიჩაიშვილი დასთან ერთად და ანანო მჟავია.










ფესტივალის დასასრულს პრეზიდენტის რწმუნებულმა შიდა-ქართლში ზურაბ ჩხეიძემ დამსწრე საზოგადოებას მადლობა გადაუხადა: "დიდი მადლობა ყველას – თანამშრომლებს, ორგანიზაციებს, ადგილობრივ მთავრობას, მიდა მადლობა გადაუხადო დღევანდელი დღის ორგანიზებასა და ჩატარებისათვის გაწეული მუშაობისათვის. ეს ფესტივალი ძალზედ მნიშვნელოვანი იყო ჩვენი რეგიონისათვის, ჩვენი ქალაქისათვის, მე დარწმუნებული ვარ რომ იგი მომავალშიც ჩატარდება და უფრო მეტ მეღვინეს და დაინტერესებულ ორგანიზაციებს ექნებათ მასში მონაწილეობის საშუალება. გორის ძველი უბანი იყო ხალხით სავსე და ძალაინ ლამაზი და ეს ყოველი თქვენგანის დამსახურებაა. კიდევ ერთხელ დიდი მადლობა" - განაცხადა ზურაბ ცხეიძემ.








Category: Georgians, for ANGEL.ge
Tags:

Share it
Comments



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top