21 November 2013      ANGEL     Views 33 749    
Category: Georgians / for ANGEL.ge



"საქართველოს ვარსკვლავი"-ს მონაწილე და გამარჯვებული ნინა სუბლატი მუსიკალური პროექტის დასრულების შემდეგ სადებიუტო ალბომის ჩაწერას შეუდგა, რომელიც 2014 წლის ზაფხულის სეზონისთვის გამოვა. ის სულ მალე გააგრძელებს სწავლას ლონდონში, რაც პრიზის სახით ერგო კონკურსიდან. ნინა ამ გეგმების შეცვლას გათხოვების მიუხედავად არ აპირებს. სწავლობს სამხატვრო აკადემიაში ინტერიერის დიზაინის ფაკულტეტზე და როგორც მისი ფეისბუქის გვერდიდან ვიგებთ, შესაძლოა უახლოეს მომავალში აშშ.-ში გაემგზავროს.

ნინას ამ ყოველივეზე ვესაუბრეთ და გადავიღეთ მისი ჩაცმულობის სტილი პროექტისთვის 1 celebrity=5 looks

ნინა სუბლატი ენჯელ.ჯი-სთვის პროექტში 1 celebrity = 5 looks;
ფოტოგრაფი: ელენე გოგელია





ნინა სუბლატი  - 5 looks

ამჟამად სადებიუტო ალბომზე ვმუშაობ, სადაც კონტრაქტის მიხედვით 5 საკუთარი სიმღერა, 5 კი ქავერია. ძალიან საინტერესო მუსიკოსებთან ვმუშაობ, შესაბამისად იმედი მაქვს, რომ ჩემს მსმენელს ხარისხიან პროდუქტს შევთავაზებ. ზუსტად არ ვიცი როდის დავამთავრებ ალბომზე მუშაობას, თუმცა სავარაუდო თარიღი გაზაფხულის პერიოდია.❞

▶ როდის მიემგზავრებით ლონდონში სასწავლებლად,
თუ შეცვალა ეს გეგმები ქორწინებამ?

❝ ლონდონში სასწავლებლად ალბათ იანვარში წავალ. დიდი ხანია ვისმენ შეკითვას შეცვალა თუ არა ეს გეგმა ქორწინებამ და ვერაფრით ვხვდები რატომ უნდა შეეცვალა. არ ვიცი ვისთვის როგორ, მაგრამ ვფიქრობ ქორწინება საყვარელ საქმეზე თავის დანებებას არ ნიშნავს...❞

▶ თქვენი საქორწილო ცერემონია ექსპრომტი და მოკრძალებული იყო, თავისუფლება ბევრს შესაძლოა სხვაგვარად ესმოდეს, მაგრამ თქვენ მაინც გადაწყვიტეთ საკუთარი სიყვარულის "გაფორმება"

❝ არ მიყვარს ქორწილები, არც დაბადების დღეები მომწონს და არასდროს არ ვესწრები ამ სახის დღესასწაულებს. შესაბამისად ქორწილიც არ მქონია. მიყვარს ექსტრემალური სიტუაციები, ასეთ შემთხვევებში ადამიანები უფრო გულწრფელები არიან ხოლმე. სხვა კუთხით ამ საკითხს საზოგადოება არ უნდა განიხილავდეს.
ქორწინების საბუთს რათქმაუნდა არაფერი შეუცვლია ჩემითვის: ისევ ისე მიყვარს როგორც ადრე და ისევ ისე მინდა ჩემ საქმეში მოღვაწეობა როგორც ადრე(თუ უფრო მეტად არა).❞



#1 ლუქი სტუდიაში:
ტოპი და ქვედაბოლო: Zara, აქსესუარები: Cotton & New Yorker, ფეხსაცმელი: Dr. Martens, ბეჭდები: McQueen






ნინა სუბლატი  - 5 looks
▶ ცოტა ხნის წინ ფეისბუქზე ვიხილეთ, რომ მიიღეთ აშშ-ს ვიზა, აპირებთ საქართველოს დატოვებას? ამ სიახლესთან დაკავშირებით მრავალი წერდა, რომ გილოცავდნენ საქართველოდან გაღწევას, თავად თუ მიიჩნევთ, რომ საქართველო ჩაკეტილი სივრცეა თქვენი მუსიკალური მოღვაწეობისთვის

❝ ძალიან ცოტა თუ მოიძებნება ისეთი ადამიანი რომელსაც ამერიკაში ჩასვლა არ უნდა. ყოველთვის დიდი სურვილი მქონდა მენახა NY და ეს სურვილი ავიხდინე, როცა თავისუფალი დრო მექნება აუცილებლად გავემგზავრები. საქართველო ზოგადად ჩაკეტილი სივრცეა ყველა ხელოვანისთვის. თითქოს ჩამორჩენილია საყოველთაო რიტმს და ჯერ შორსაა თანამედროვე სტანდარტებისგან. ყველა განვითარებადი ადამიანისთვის ოცნებაა უცხოეთში წარმატებული მოღვაწეობა. თანამედროვე სტანდარტებამდე მისვლისთვის ყველაზე დიდი რაღაც არის შესაცვლელი: რისკის დონე და მასის აზრი. სხვაგვარად ხელოვნება აღმავალია, ჩვენ კი სადღაც რაღაც უმნიშვნელოს ვცილობთ.❞

▶ ფეისბუქზე საკმაოდ ვრცელ სტატუსში აღწერეთ საკუთარი ცხოვრების სტილი - თავისუფალი ნება, რომელსაც საკმაოდ დიდი გამოხმაურება მოყვა. რამ გადაგაწყვეტინათ ასეთი მიმართვა გამოგექვეყნებინათ

❝ კვირაში ერთი დღე მაქვს ჩემი გულშემატკივრების მესიჯების წასაკითხად და პასუხის გასაცემად გამოყოფილი. რამდენიმე ძაააალიან კარგი მესიჯი წავიკითხე და დავინტერესდი რის გამო შეიძლებოდა მოვწონებოდი ხალხს და რის გამო შეიძლებოდა შევზიზღებოდი. როგორია ის კატეგორია ხალხი, რომელიც მაკრიტიკებს და გამომივიდა ის რაც დავპოსტე.❞



#2 ლუქი სტუდიაში:
მაისური: Zara, ქვედაბოლო: Miu Miu, ჩექმა: Prada, ყელსაბამი ხელნაკეთი






იხილეთ ტექსტი აღნიშნული პოსტიდან:

❝ სოციალურ ქსელში მყავს 5000 მეგობარი. 15,6k. ფოლოუერი. არსებობს ჩემი აურაცხელი რაოდენობის ლაიქ ფეიჯი და იგივე რაოდენობის fake პროფაილი. ყოველ დილას, შუადღეს, საღამოს, ღამითაც მირეკავენ ჟურნალისტები და ინტერესდებიან ჩემი სიახლეებით; გავდივარ ქუჩაშიი სადაც მე არავის ვიცნობ, სამაგიეროდ ისინი მიცნობენ მე.. მეგობრებიც მყავს, რომლებსაც არ ვიცნობ და ნათესავებიც (სამაგიეროდ ისინი მიცნობენ მე). დავდივარ სხვა და სხვა ადგილებში : კინოში, კაფეში , ბარში..- ამ ადგილებში მე ჩემ მეგობრებთან ერთად ვარ, მაგრამ სხვისი მეგობრები ჩემთან არიან, მერე რა რომ მათ არ ვიცნობ? სამაგიეროდ ისინი მიცნობენ მე! მე მაკრიტიკებენ და გარკვეული დონის ადამიანები მემუქრებიან კიდეც, თუმცა ისინი მხოლოდ ამას აკეთებენ. მე არ ვინტერესდები არც იმით თუ ვინ ვისთან რას აკეთბს და არც ვსაუბრობ არავისთან ამის შესახებ. არასდროც ცუდი არ მდომებია სხვისთვის და არასდროს არავისთვის არაფერი დამიბრალებია - ჩემთვის კი რამდენიც გინდათ... მე ვერ ვიტან უზრდელ ადამიანებს, ვერც იმათ რაღაც უცნაურად რომ კაი, ძველ, ახალ თუ შუახნის ტიპობენ, თუმცა ჩემი ვერ ატანა არ არის ზიზღი. ჩემი ვერ ატანა მხოლოდ იმას ნიშნავს, რომ ასეთები ჩემს გარშემო არ არიან.. არასდროს ყოპილა ჩემ გამო ჩხუბი, არასდროს გაუთენებიათ ბიჭებს ჩემ ფანჯარასთან და არასდროს მიმიღია საჩუქრები ვითომ უცნობი ადამიანებისგან -იმიტომ არა, რომ მისამართი არ იცოდნენ, არც იმიტომ რომ არ ვიმსახურებ.. უბრალოდ იმიტომ, რომ მე არ მინდოდა ეს და სხვათაშორის არავის უკითხავს მინდა თუ არა.. ეს ისედაც აშკარაა -არა!

მე მარტივად ვცხოვრობ: არ ვაკეთებ იმას, რისი გაკეთებაც არ მსურს. არც არასდროს არაფრი დაუძალებიათ.
მე ჩემი სურვილით ვისწავლე სწორად ხატვა, ქსოვა, ქარგვა, კერვა, ჩემი სურვილით დავიწყე კითხვა და ფილმების ყურება. ჩემივე სურვილით ვმღეროდი მთელი ცხოვრება და ჩემივე სურვილითაა მუსიკა ჩემი განუყოფელი ნაწილი. ასევე ჩემი სურვილით ჩავაბარე სამხატვრო აკადემიაში, იმის მიუხედავად რომ მამაჩემი წინააღმდეგი იყო. მხოლოდ იმას ვჭამ რაც მომწონს და დასალევზეც იგივეს ვიტყვი. საერთოდ ყველაფერზე იგივეს ვიტყვი... თუ მინდა, რატომაც არა?! თუ ჩემი საქციელი რომელიმეს, განსაკუთრებით კი ჩვენს რელიგიას ეწინააგმდეგება, თვლით რომ არასწორი ვარ და მკიცხავთ, მაშინ ეცადეთ არ გამკიცხოთ. რატომ? იმიტომ რომ ჩვენს რელიგიაში ადამიანის განსჯა ცოდვაა, ხოლო ხელოვნების მსახურება მთელი სულით და ადამიანების უსაზღვრო სიყვარული ბედნიერება. ❞





❝მე ბედნიერი ვარ, რადგან საყვარელ საქმეს ვაკეთებ, არ ვინტერესდები პოლიტიკით, იმის მიუხედავად რომ ჩემზე ასაკით გაცილებით უფროსმა ადამიანმა ჩემი ასეთი შეხედულება ქუჩაში გასვლას და ამინდის არ ცოდნას შეადარა. თუ ის შეძლებს ამის წაკითხვას ვკითხავ, მისთვის მხედველობა, რომლითაც ცას უყურებს და გრძნობელობა, რომლის გამოც ხან ცივა ხან ცხელა, თუ უნდა საერთოდ მეტეოროლოგია და პოლიტიკა ერთი და იგივეა? თუ ასეა მაშინ ეს ქალბატონი ჩემზე ბევრად პატარაა გონებით. მე არ ვემორჩილები სისტემას, რადგან არც ვიცი როგორია ის... ჩემთვის ის რაც ბუნებრივია ბუნება ქვია, რაც გამოწვეულია მე ვერ ვიგებ.

მე ვშლი ადამიანებს სოციალური ქსელიდან ტუ ისინი შეუტსკოპას მაკენებენ და მატ მაგივრად სხვებს ვიმატებ - დამიჯერეთ, როდესაც 10 თავხედს ვშლი და მეორე 10-ს ვიმატებ, უზრდელობის მაგივრად ისინი მადლობას მწერენ დამატებისთვის და ტბილ სიტყვებს მეუბნებიან. თავს საოცრად ვგრძნობ და რასაც დასთეს იმას, რომ მოიმკი - ჩემთვის ჭეშმარიტებაა.

მე მიყვარს ყველა ის ჩემი მეგობარი რომელსაც არ ვიცნობ, რადგან როგორც ჩანს მათ სურთ ჩემთან მეგობრობა. ვუთანაგრძნობ ყველა ბიჭს რომელიც უსაფუძვლოდ "მსუბუქი ყოფაქცევის გოგოს" მეძახის, რადგან ისინი ვერ ეღირსებიან ჩემნაირ ადამიანს და ამის გამო უამრავი კომპლექსი აქვთ.

მე ბედნიერი ვარ როდესაც ქუჩაში მოვდივარ და არავის ვიცნობ, სამაგიეროდ ისინი მიცნობენ მე. იმიტომ არა, რომ ცნობილი ვარ, იმიტომ რომ ყველა ადამიანს, სულ მცირე დოზით, ოდესღაც მაინც, უგრძვნია თავისულება და ისინი ამას ცნობენ ჩემშიც. სწორედ ამიტომ ვუყვარვარ, მოვწონვარ მათ. შურთ, ვეზიზღები კიდეც ადამიანებს. - ხომ იცით, როდესაც რაღაც მიუგწეველია, თავს აჯერებ რომ არც გინდათ, იმიტომ რომ ხიხიაა...❞



#3 ლუქი აკადემიაში:
ქურთუკი: Zara, ტოპი: Topshop, ლეგინსები: H&M, ფეხსაცმელი: Airwair, აქსესუარები: Cotton





▶ გამოირჩევით საკუთარი სტილით და მრავალს დააინტერესებს, სად შოპინგობთ და საიდან იღებთ შთაგონებას

❝ შთაგონებას ჩემი ხასიათიდან ვიღებ.
სამწუხაროდ ხანდახან რაღაცეების ამოჩემება ვიცი. შოპინგით კი ყველგან ვშოპინგობ. სურვილის არქონის მიუხედავად ხშირად თბილისი მოლში ვყიდულობ სამოსს. ასევე ხშირად ვსარგებლობ ონლაინ შოპინგით და თავადაც ვიკერავ რაღაცეებს.❞


#4 ლუქი:
ქურთუკი: Zara, პერანგი: Topshop, აქსესუარები: River Island, შარვალი: Zara, ფეხსაცმელი: Dr. Martens




▶ თუ მისდევთ მოდის ტენდენციებს და თუ ანიჭებთ უპირატესობას ბრენდულ სამოსს

❝ უპირატესობას რა თქმა უნდა ყველა ბრენდს უნდა ანიჭებდს - რატომაც არა?! ჩემთვის მთავარია სტილიც და ხარისხიც, ამიტომ ტანსაცმელს უფრო ხშირად საშუალო დონის მაღაზიებში ვყიდულობ, მაგალითად ზარაში, ტოპშოპში და ასე შემდეგ, ფეხსაცმელი და ჩანთა კი ძირითადად ბრენდი მაქვს.❞


#5 ლუქი შოპინგზე:
ჯემპრი: "მაქმანი", ჯინსი: Mango, ფეხსაცმელი DKNY


❝ მოდის ტენდენციებს არ ვიცი რამდენად მივსდევ. ვიცმევ იმას რაშიც თავს კომფორტულად და საინტერესოდ ვგრძნობ (ეგეთებიც ხდება ხოლმე). სამხუხაროდ ისეთი პერიოდი მაქვს, რომ ხშირად ვერ ვახერხებ იმის ჩაცმას რაც მინდა. მაგალითად ამ გადაღების დროს "გადარბენის პერიოდი" მაქვს, ამიტომ არ ვიცი რამდენად კარგად გამოვიყურები :))

▶ რა მნიშნველობა აქვს თქვენს ტატუებს და ხომ არ გეგმავთ ახალი შემატოთ სხეულს
ტატუები ჩემითვის რაღაც გავლილი ეტაპების სათაურებივითაა. ძალიან მომწონს და ბევრის გაკეთებას ვაპირებ.❞

გადაღების ბოლო დღეს ნინა შოპინგზე დავაფიქსირეთ ირ.აბაშიძის 44
მაღაზია "მაქმანი", სადაც რამოდენიმე ნივთით განაახლა გარდერობი.
მაღაზიაში წარმოდგენილია კოქტეილის კაბები, თბილი სვიტერები, ქურთუკები და ჩანთები.
facebook.com/maghazia.maqmani




ნინა სუბლატი ენჯელ.ჯი-სთვის პროექტში 1 celebrity = 5 looks;
ფოტოგრაფი: ელენე გოგელია


Category: Georgians / for ANGEL.ge
Tags: 5looks angel.ge-სთვის 5 looks ინტერვიუ ნინა სუბლატი

Share it
Comments
« 1 2 »
Back to Top