;

25 March 2012      ANGEL     Views 6867    
Category: Georgians



ყველაზე ორიგინალური დესერტის დასახელება შეუძლებელია. ძნელია განსაზღვრო როდის გაჩნდა დედამიწაზე პირველი მზარეული და კონდიტერი. თუმცა, ვერსია არსებობს: მაშინ, როდესაც ადამიანმა ცეცხლს მიაკვლია და საკვებიც მოამზადა, ამიტომ მზარეულის პროფესია უძველესად მიიჩნევა. დღეისათვის კი ეს პროფესია მსოფლიოში ერთ-ერთი ყველაზე მოთხოვნადია. მზარეულობა შეუძლია ნებისმიერ ადამიანს, კარგი მზარეულები კი მხოლოდ რჩეულები ხდებიან. თუმცა, რჩეულთა შორის რჩეული რომ გახდეთ, ამისთვის ბევრი შრომაა საჭირო და მიზნის მისაღწევად ჩემპიონატებში მონაწილეობაზეც არ უნდა თქვათ უარი, იქნებ გაგიმართლოთ და აღიარებაც მოიპოვოთ.

პარიზში DGF -ის მიერ ორგანიზებული "Le Mondial des Arts Sucrés" ტკბილეულის ხელოვნების მესამე მსოფლიო ჩემპიონატი 3-6 მარტს გაიმართა, სადაც საქართველო პირველად იყო წარმოდგენილი. საკონდიტრო ნაწარმის ოთხდღიან მარათონში "გუდვილის" კონდიტერებმა ათეულში გასვლის გარდა, მედიის სიმპათიის ჯილდოც დაიმსახურეს!



საქართველოში უნდა ყოფილიყო შიდა შეარჩევი ტური, თუმცა მონაწილეობის სურვილი მხოლოდ „გუდვილის“ კონდიტერებმა გამოთქვეს. 135 მონაწილე ქვეყნიდან ქართველი კონდიტერები საუკეთესო ათეულში მოხვდნენ. ეს კი, თავდაუზოგავი შრომისა და პროფესიონალიზმის შედეგია.

”ჩვენთვის ფინალში გასვლა იყო წარმატება, ხოლო 8-ე ადგილი და დამატებითი ჯილდო - სრულიად მოულოდნელი” - განაცხადა ჩემპიონატში მონაწილე კონდიტერმა.

ჩემპიონატში გუნდი აუცილებელად უნდა წარედგინა ქალს და მამაკაცს - მარიამ თიბილაშვილი და დავით ყურაშვილი. ასევე საქართველოდან უნდა წასულიყო ჟიურის 2 წევრი და გუნდის კაპიტანი. კაპიტნობა ითავა ნათია ცხომელიძემ, ხოლო მსაჯები იყვნენ - ივანე კანდელაკი და ლია კანდელაკი.


ფოტოები კონკურსიდან და კონკურსანტთა შემოქმედება
იხილეთ მეტი ლინკზე: facebook.com/media/set/?set=a.380112042014005.95998.108253242533221&type=3





”ბევრი მიზეზის გამო, ჩვენთან ინფორმაცია გვიან მოვიდა და ფინალში მოხვედრასთან დაკავშირებით შევიტყვეთ 2 თვით ადრე. ასე რომ, მხოლოდ თვენახევარი გვქონდა მოსამზადებლად, რაც ძალიან მცირე დროა“ აქვე ისიც უნდა აღინიშნოს, რომ სხვა ქვეყნები ამ ჩემპიონატისთვის 1-2 წლის განმავლობაში ემზადებიან. ეს ყველაფერი კი ქართველი კონდიტერების მიღწევას უფრო დასაფასებელს ხდის.



”გუდვილში” ხშირად ჩამოდიან სხვა ქვეყნის რჩეული კონდიტერები და ატარებენ მასტერკლასებს. ამ კონკრეტული ჩემპიონატისთვის კი თბილისს ეწვია ფრანგი მსოფლიო ჩემპიონი საკონდიტრო ხელოვნებაში პატრიკ კაზულა. ხელოვანმა 5-დღიანი მასტერკლასი ჩაუტარა "გუდვილის" კონდიტერებს და გააცნო ის ძირითადი მოთხოვნები, შესრულების ტექნიკა და პრინციპები, რომელსაც ჩემპიონატის ორგანიზატორები ითხოვდნენ. შეირჩა საგამოცდო სკულპტურის თემა, გაკეთდა სატესტო ნიმუშები, შეფასდა მომზადების დონე და შესრულების ხარისხი.



ჩემპიონატს ჰქონდა მოთხოვნები, რომელიც აუცილებლად უნდა შესრულებულიყო. კერძოდ: კონდიტერებს უნდა შეექმნათ სკულპტურები, რომლებიც შოკოლადით, კარამელით და შაქრის ფხვნილისგან მიღებული პასტიაჟით იყო შესრულებული. ამ შემთხვევაში შესრულების ხარისხთან ერთად, შინაარსობრივ დატვირთვასაც დიდი მნიშვნელობა ენიჭებოდა. სკულპტურები უნდა ყოფილიყო კრეატიული და მაღალტექნოლოგიური დონით შესრულებული, ასევე კონდიტერებს ევალებოდათ ტრუფელების და პწიფურების (მინი ნამცხვრები, რომლის წონა 25-30 გრ.ია) შექმნა. შემდეგი მოთხოვნა კი იყო დესერტებისა და ნამცხვრების მომზადება. კონდიტერები პარიზში 14 დღე იმყოფებოდნენ.



”ჩვენ ვიღვიძებდით ღამის 3 საათზე და გავდიოდით მოსამზადებელ პერიოდს, შემდეგ 4 საათზე ვსაუზმობდით და გამთენიისას 5 საათზე ვიწყებდით მუშაობას დილის 7 საათამდე. ჩვენ პრეტენზია არ გვქონია გამარჯვებაზე, თუმცა უიმედოდ ნამდვილად არ ვყოფილვართ, რადგაც ჩვენი შესაძლებლობების გვჯეროდა“ - განაცხადეს კონდიტერებმა.



პარიზში ქართველი კონდიტერების მიერ დამზადებული დესერტის სახელწოდებაა - "მაკაღუნი"
, (Macaroon) რომელიც ყველაზე მოდური და ბოლო ათწლეულის ტენდენცია გახლავთ საფრანგეთში და შესაბამისად მსოფლიოში.

გუდვილის კონდიტერები უმაღლესი ხარისხის ინგრედიენტებზე დამზადებულ მრავალფეროვან ასორტიმენტს სთავაზობენ მომხმარებელს. ამ პრუდუქტებს კი 23 მარტიდან მცირე ზომის მაკაღუნებიც შეემატა - ვანილის, ხილისა და შოკოლადის არომატით. ასე რომ, შეგიძლიათ მიბრძანდეთ სუპერმარკეტის ნებისმიერ ქსელში და დააგემოვნოთ ეს არაჩვეულებრივი დესერტი.



DGF -ის მიერ ორგანიზებული "Le Mondial des Arts Sucrés" ტკბილეულის ხელოვნების ჩემპიონატი პარიზში 2 წლის შემდეგაც გაიმართება, რომელშიც ”გუდვილის” კონდიტერები კვლავ გეგმავენ მონაწილეობის მიღებას, რათა შედეგი გააუმჯობესონ. თუმცა პარიზამდე ისინი სხვა კონკურსებშიც ეცდებიან საკუთარი ძალების მოსინჯვას. ჩვენ მათ დიდ წარმატებას ვუსურვებთ.


საკონკურსოდ წარდგენილი გუდვილის კონდიტერების მიერ მომზადებული დესერტები
იხილეთ მეტი ლინკზე: facebook.com/media/set/?set=a.370325686325974.93606.108253242533221&type=3




მარიამ ბარნაბიშვილი www.angel.ge -სთვის.
ენჯელ.ჯის ჟურნალისტისთვის თემის მოსაწოდებლად მოგვწერეთ: [email protected]


Category: Georgians
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top