;

30 July 2012      sabavachiberidze     Views 6781    
Category: Georgians » for ANGEL.ge

ვარსკვლავური ცხოვრება : თამთა ცხვიტავა

ენჯელ.ჯი გთავაზობთ პროექტს სახელწოდებით "ვარსკვლავური ცხოვრება" - სადაც ყოველკვირეულად ჩვენ უკეთ გავიცნობთ ქართველ და არა მარტო ქართველ ვარსკვლავებს.ამ გამოშვების სტუმარი, ცნობილი ქართველი ქართველი მომღერალი და 2012 წლის ნამდვილი სენსაცია თამთა ცხვიტავა

პროექტს წარმოგიდგენთ : DAVID JONES - ჩანთების მრავალფეროვანი არჩევანი.
facebook.com/DAVIDJONESTBILISI / თბილისი, პეკინის 6

წარმოშობით იმ კუთხიდან არის, რომელიც თითოეული ქართველისთვის დიდ ტკივილად ითვლება. სოხუმელი გოგონა ალბათ ვერც კი წარმოიდგენდა, რომ ერთ დღეს მისი ცხოვრება ასე გალამაზდებოდა და მშობლიური ქვეყნის ერთ-ერთი ყველაზე წარმატებული მომღერალი გახდებოდა. მისი სტილი ბევრს მოწონს, შესაძლოა ბევრიც ადელს ადარებს, მაგრამ არა როგორც თამთა ამბობს მასსა და ადელს შორის არანაირი მსგავსება არ არის.

ვარსკვლავური ცხოვრება : თამთა ცხვიტავა

ვარ სოხუმელი. 1992 წლიდან ვცხოვრობ თბილისში. 1998 წელს დავამთავრე თბილისის თეატრალური ინსტიტუტის მუსიკალური თეატრის სამსახიობო ფაკულტეტი. 2007 წლის ზაფხულამდე ვმუშაობდი ვასო აბაშიძის სახელობის მუსიკისა და დრამის თეატრში. პარალელურად, 2001 წლიდან ვმღეროდი თბილისის ბარებში და კლუბებში. 2011 წლის გაზაფხულზე გავაფორმე 5 წლიანი კონტრაქტი "ბრავო რექოდსთან".

ვარსკვლავური ცხოვრება : თამთა ცხვიტავა
როგორ იმოქმედა შენზე მოულოდნელმა წარმატებამ და რა შეიცვალა შენს ცხოვრებაში?

ვთვლი, რომ ძალიან, ძალიან გამიმართლა, რომ სწორედ მე გავხდი "ბრავოს" რჩეული, ეს იყო "ბრავოს" პირველი პროექტი. ამ წარმატებამ მთელი ჩემი ცხოვრება შეცვალა. ყველანაირად შევიცვალე: გარეგნულად, შინაგანად, უფრო თავდაჯერებული გავხდი. ახლა ისეთი ცხოვრებით ვცხოვრობ, რომელზედაც ვოცნებობდი.

რომელ ქვეყანაში ისურვებდი კარიერის გაგრძელებას?

კონკრეტულად ქვეყანას ვერ დაგისახელებთ, ყველგან ვიმოღვაწევებ, სადაც ჩემი შემოქმედება მოეწონებათ. მე ისეთი ტიპის რეპერტუარტი მაქვს, რომ შეიძლება საფრანგეთშიც მყავდეს მსმენელი, ინგლისშიც და რუსეთშიც.

როდის უნდა ველოდოთ ახალ ალბომს ?

მინდა გითხრათ, რომ ჯერ არ ამომიწურია ჩემი პირველი ალბომის შესაძლებლობები. წარმოიდგინეთ, რომ ახლა უფრო პოპულარული და მოთხოვნადია პირველი ალბომი, ვიდრე მაშინ როცა გამოვიდა. შემდეგ ალბომზე, რა თქმა უნდა, უკვე ვფიქრობთ, მაგრამ ჯერჯერობით ვერაფერს გაგიმხელთ.


ადელთან მსგავსება :"მე და ადელს სრულიად განსხვავებული ტემბრი და რეპერტუარი გვაქვს. ერთმანეთს ალბათ იმიტომ გვადარებენ, რომ გარეგნულად მსგავსი იმიჯი გვაქვს შერჩეული"

`თეატრალური დაასრულა. მუსკომედიაშიც კი იმუშავა. პარალელურად საღამოობით ბარებში გამოდიოდა და თავისი ლამაზი ხმით უმალ ახერხებდა გარშემომყოფი საზოგადოების მოჯადოებას. ბოლოს „ პურ-პურში“ გამოდიოდა და დარწმუნებული ვარ საზოგადოება სწორედ მის მოსასმენად იკრიფებოდა, თამთას ხომ წარუშლელი შთაბეჭდილების მოხდება შეუძლია საზოგადოებაზე.


„ ყოველთვის ვცდილობდი, თუნდაც ბარში, მემღერა ის, რაც მიხდება. მემღერა ის, რაც მომწონს და არა ის, რაც საჭიროა და რაც პუბლიკას უნდა. შემეძლო მემღერა ისეთ ადგილებში, სადაც უფრო მეტი შემოსავალი მექნებოდა და მემღერა ის, რაც რესტორნებშია საჭირო. რეტრო ტემბრი მაქვს, შესაბამისად ასეთივე რეპერტუარიც. 30-იანი წლების ჯაზი, ფრანგული, ესპანური მუსიკა… ინოლასაც ვმღეროდი. ბარში ინოლას არავინ მღერის. უკვირდათ და თან მოსწონდათ. „

როდესაც მის სიმღერებს უსმენ ცხოვრება ძალიან ლამაზად გეჩვენება, როდესაც ესაუბრები კი მშვიდდები და დიდი ინტერესით უსმენ მის ისტორიას. მართლაც არაჩვეულბრივი პიროვნებაა, როგორც გარეგნულად ასევე შინაგანად, მისგან ის ემოცია , ის განწყობა და ის იმედი მოდის, რომელიც დღეს ძალიან ბევრ ადამიანს აკლია. როცა მღერის სულ სხვანაირია, თავს ყველაზე ბედნიერად ადამიანად მიიჩნევს, როდესაც მღერის..



სულ სხვანაირი ადამიანი ვარ როცა ვმღერი, ყველა მეუბნება ამას, ჩემი მეუღლეც მეუბნება, ჩემი პედაგოგიც. სცენაზე რომ გამოდიხარ, სულ სხვანაირი ხარ და იცვლებიო

თამთას გული დაკავებულია, მომღერალის რჩეული მუსიკოსი პაატა დეისაძეა. ერთმანეთი პეროვსკაიაზე ნახეს, უკეთ გაიცნეს ერთმანეთი და მათ შორის ყველაზე წრფელი გრძნობა გაჩნდა, რომელსაც სიყვარული ჰქვია.

ჩემი მეუღლეა პიანისტი პაატა დეისაძე.მას დამთავრებული აქვს თბილისის კონსერვატორია და ასპირანტურა გერმანიაში. ჩვენ ერთმანეთი სამსახურმა დაგვაკავშირა. თუ არ ვცდები, 2004-ში ერთ-ერთ ბარში ერთად დავიწყეთ მუშაობა და მას შემდეგ ერთად ვართ.



ვარსკვლავური ცხოვრება : თამთა ცხვიტავა


წლები გავიდა. ცხოვრება შეიცვალა. ეს ახალგაზრდა მომღერალიც თავისებურად გაიზარდა და წლებთან ერთად ბევრი რამ შეცვალა. უფრო თამამი, თავდაჯერებული და მიმზიდველი გახდა. თამთა განვლილი გზის შემდეგ შესაძლოა თამამად მივიჩნიოთ კარგ მაგალითად. მან ყველაფერს საკუთარი შრომით მიაღწია, შეძლო და ყველას დაუმტკიცა კიდევ ერთხელ , რომ " ოცნებები ხდება " - მისი ლამაზი და ნათელი ოცნებაც ხომ ახდა, ალბათ თვითონაც ვერ წარმოიდგენდა, რომ შესაძლოა ერთ დღეს ცხოვრება რადიკალურად განსხვავებული და ნათელი გახდეს.
რჩევა : პროფესიონალიზმი და ინდივიდუალურობა - ჩემი აზრით, ეს არის წარმატების საწინდარი

პროექტს წარმოგიდგენთ : DAVID JONES - ჩანთების მრავალფეროვანი არჩევანი.
facebook.com/DAVIDJONESTBILISI / თბილისი, პეკინის 6

ვარსკვლავური ცხოვრება : თამთა ცხვიტავა


საბა ვაჩიბერიძე WWW.ANGEL.GE-ისთვის.

პროექტის შესახებ შემოთავაზებები და იდეები მოგვწერეთ მეილზე : [email protected]


Category: Georgians » for ANGEL.ge
Tags: DAVID JONES tbilisi, ვარსკვლავური ცხოვრება, angel.ge-სთვის, ინტერვიუ, თამთა ცხვიტავა

Share it
Comments

« 1 2 3 4 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top