შემოდგომა-ზამთრის 5 ტრენდი ქართველი დიზაინერებისგან
რა უნდა ვატაროთ მომავალ
შემოდგომა-ზამთრის სეზონზე?


Mercedes Benz FW2018

თბილისის Mercedes Benz Fashion Week-ის მორიგმა სეზონმა წარმატებით ჩაიარა. ქართველმა დიზაინერებმა საზოგადოებას საკუთარი ახალი კოლექციები წარუდგინეს, რომლებიც მომავალი შემოდგომა-ზამთრის ჰიტი უნდა გახდეს. აღსანიშნავია, რომ მოდის კვირეულზე დამსწრე უცხოელ სტუმართა რიცხვი ყოველწლიურად იზრდება. ზოგიერთი კრიტიკოსი თუ ფოტოგრაფი უკვე რამდენიმე სეზონია რაც ჩამოდის და ყოველ ჯერზე უფრო მეტად კმაყოფილი მიემართება შინ. ქართული ბრენდების შესახებ აქტიურად იწერება მსოფლიო პრესაში, საერთაშორისო ჟურნალისტები რამდენიმე ფავორიტსაც გამოყოფენ. ვნახოთ რას გვთავაზობენ ქართველი დიზაინერები ცივი სეზონისთვის და რა ითვლება წელს მოდად:
რომი სტრიჯი საყვარელი კოსმეტიკის, ვარჯიშის და კარიერის შესახებ
პირველ სამოდელო კონტრაქტზე უარი განაცხადა, თუმცა მოგვიანებით გადაიფიქრა და მოდის ინდუსტრიის ერთ-ერთი საყვარელი გოგონა გახდა. შეეგებეთ რომი სტრიჯს, რომელსაც ქმედება მიმდინარე მოვლენების შესაბამისად უყვარს.


"ჩემი კარიერის მწვერვალი - როცა პირველ მოდის კვირეულს ვიხსენებ, ვაანალიზებ, რომ მაშინ ამ მოვლენის მნიშვნელობა არ მესმოდა. Louis Vuitton-ის და Prada-ს დეფილეებში ვიღებდი მონაწილეობას და არ ვნერვიულობდი, რადგანაც არ ვიცოდი რომ უნდა მენერვიულა. გამომივიდა. როგორც კი პოდიუმზე სიარულს იწყებ, უბრალოდ ფოკუსირებას მის ბოლოში ახდენ და სხვა დანარჩენი მნიშვნელობას კარგავს."
ფოტოები სამეფო ქორწილიდან: ჰარი და მეგანი
პრინცი ჰარის და მეგან მარკლის საქორწილო ცერემონია დიდ ბრიტანეთში ახლახანს დასრულდა. პატარძალს Givenchy-ს სადა კაბა ემოსა და რამდენიმე მეტრი სიგრძის ფატას ატარებდა. ქორწილს ბევრი ცნობილი სახე დაესწრო, მათ შორის დევიდ და ვიქტორია ბექჰემები, ჯონ ლენონი, ჯორჯ და ამალ კლუნები, ჯეიმს კორდენი, სერენა უილიამსი, ოპრა უინფრი და აშ.

მეგან მარკლი საკურთხეველთან ჰარის მამა, პრინცმა ჩარლზმა მიაცილა. ოჯახის წევრებიდან კი ქორწინებას მხოლოდ მეგანის დედა ესწრებოდა. უამრავი გულშემატკივრით გავსებული ხეივანი წყვილმა ეტლით ჩაიარა და სასახლისკენ გაემართა.


ვარსკვლავების ჩაცმულობა სამეფო ქორწილში
2018 წლის 19 მაისი დიდ ბრიტანეთში დიდი დღეა: პრინცი უილიამის უმცროს ძმას ამერიკელი გოგონა მოჰყავს ცოლად! ჰარი და მეგანის სიყვარული ამ წლის ერთ-ერთი ყველაზე ნახვადი და გარჩევადი თემაა. გარკვეული დაბრკოლებების მიუხედავად, ჰარიმ დედოფალი ელისაბედის თანხმობა მოიპოვა და საყვარელ ქალბატონს ბრიტანეთის სამეფო ოჯახში ცხოვრება შესთავაზა. ამისთვის მარკლს კარიერის დათმობაც კი დასჭირდა.

აღსანიშნავია, რომ მეგანის მამა ქორწილში ოპერაციის გამო არ იმყოფება და საკურთხეველთან მომავალ ჰერცოგინიას პრინცი ჩარლზი მიიყვანს.
როგორ გავიმეოროთ ტუჩის მაკიაჟის მთავარი ტრენდები
უკანასკნელი სეზონების განმავლობაში, ვიზაჟისტები დიდ ყურადღებას თვალებსა და კანს უთმობდნენ. როგორც ქნა, ტუჩები თამაშს დაუბრუნდა! წარმოგიდგენთ ხერხებს, ეფექტებსა და სილამაზის პროდუქტებს და მათი შექმნის საიდუმლოებებს.

5 საგაზაფხულო ტრენდი და
მათთვის საჭირო პროდუქტები
Liza Kiladzé Jewelry
ქართველი იუველირი გოგონა პარიზიდან
SITUATIONIST და პირადი ბრენდისთვის შექმნილი კოლექციით MBFW-ზე


სამკაულების დიზაინერმა ლიზა კილაძემ მისი ნამუშევრები თბილისის Mercedes-Benz Fashion Week-ის შოურუმში წარმოადგინა. გასულ ნოემბერს კი ბრენდ SITUATIONIST-თან კოლაბორაციის შედეგად მიიღო მონაწილეობა MBFW-ზე. პარიზში სწავლასთან პარალელურად მუშაობს სამკაულების დიზაინსა და პირადი ბრენდის კონცეპტზე. ამბობს, რომ იუველირია მისთვის ხელოვნებისა და დიზაინის ერთობაა. ცდილობს შექმნას ძლიერი აურისა და ხასიათის მატარებელი არასტანდარტული სამკაული, შთაგონებული უძველესი ცივილიზაციების მიერ შექმნილი სამკაულებით, მითოლოგიითა თუ Modern Art-ით.
ფრანკენშტეინის კაბა : 2018 წლის ყველაზე საშიში ტრენდი
ფრანკენშტეინის კაბას საშიშს უწოდებენ, რადგან ის სხვადასხვა კაბების ფრაგმენტებისგანაა აწყობილი, რომელთა ერთად წარმოდგენაც რთულია. ამ სახელისკენ მოდის რედაქტორებს მერი შელის რომანის გმირმა უბიძგა - ადამიანის მსგავსებამ გარდაცვლილი სხეულებისგან. თუ ლიტერატურაში გაცოცხლებული არსებები ურჩხულებად ითვლებიან, პოდიუმზე ყველაფერი მდიდრულია: ორი სამოსისგან შეკერილ კაბაზე მოდის მიმდევრებში უდიდესი მოთხოვნა ფიქსირდება.
ქართველი სტილისტი იტალიური გამოცემებისთვის
ქართველი სტილისტი მარიამ ნასყიდაშვილი, რომლის სთაილინგით წარმართული ფოტოსესია იტალიური Vogue-ს ოფიციალურ ვებ-გვერდზე გამოქვეყნდა. მარიამის ნამუშევრებმა ბოლო დროს არაერთი ჟურნალის ყურადღება მიიქცია, 22 წლის სტილისტი დღესდღეობით იტალიაში მოღვაწეობს და კვალიფიკაციის ამაღლების შემდეგ საქართველოში დაბრუნების გეგმებს აწყობს. მარიამი მილანის ერთ-ერთი წამყვანი უნივერსიტეტის Haute Future Fashion Academy-ის Fashion styling–ის ფაკულტეტის სტუდენტია, პარალელურად კი, ინტენსიურ კურსებს Nouva accademia di belle art-ში გადის. ამბობს, რომ ეს პირველი წარმატებული ნაბიჯი მისთვისაც მოულოდნელი და მეტად სასიხარულო იყო.
Mercedes Benz FW: მეხუთე დღე
თბილისის MERCEDES BENZ-ის მოდის კვირეულის დასკვნითმა მეხუთე დღემ ნაკლებად დატვირთულად, თუმცა ძალიან საინტერესოდ ჩაიარა. 7 მაისს კოლექციები თიკო პაქსაშვილმა, თაკო მექვაბიძემ, სალომე ღვინიაშვილმა და ბესარიონმა წარმოადგინეს.

MERCEDES BENZ FASHION WEEK FW 2018
მეხუთე დღის კოლექციები


რუსეთში მოღვაწე ქართველი დიზაინერის ბესარიონის ახალი კოლექცია აბრეშუმის ქსოვილებს ფართოდ მოიცავს და ქუდებისა და ვუალის დამატებით ერთგვარ ფრანგულ CHIC-ს ითავისებს. საყვარელი შავი ფერი ქართველმა დიზაინერმა შიგადაშიგ კაშკაშა ფერებით და ქალური აქსესუარებით გააფორმა. ბესარიონის შემოთავაზებით, შემოდგომას ნეონის ცისფერ ფერებში უნდა შევხვდეთ. ერთ-ერთი მთავარ ტრენდად კოსტიუმები ფართო მხრებით გამოიკვეთა. ბესარიონის ჩვენებამ მიმდინარე მოდის კვირეული დახურა.

კანის კინოფესტივალი 2018: წითელი ხალიჩის ჩაცმულობა
Met Gala-ს შემდეგ, ამერიკიდან ევროპაში გადავინაცვლოთ, სადაც რიგით 71-ე ლეგენდარული კინოფესტივალი გაიხსნა. წელს კანში ბევრი გახმაურებული პრემიერაა დაგეგმილი, მათ შორის "ვარსკვლავური ომების" ახალი ნაწილი.

ტრადიციულად, კანის კინოფესტივალი არამხოლოდ ხარისხიანი ფილმებით, არამედ გემოვნებიანი ჩაცმულობებითაც ხასიათდება. ამერიკელი და ევროპელი მსახიობები თუ მოდელები წითელი ხალიჩისთვის მონდომებით ემზადებიან.

8 მაისს გახსნის გრანდიოზული ცერემონია გაიმართა, სადაც ბევრი მშვენიერი სამოსი ვიხილეთ.
ბელა ჰადიდი და The Weeknd კოცნისას დააფიქსირეს
ბელა ჰადიდი კანის კინოფესტივალს უკვე მესამე წელია რაც სტუმრობს. სუპერმოდელი Met Gala-ს შემდეგ, პირდაპირ საფრანგეთის ლაჟვარდოვანი სანაპიროსკენ გაემართა და დიზაინერ ალექსანდრ ვანგთან (Alexander Wang) ერთად "მაგნუმის" პრეს-კონფერენციას დაესწრო.

საღამოს, პრეზენტაციის ფარგლებში ბრენდმა VIP წვეულება მოაწყო, სადაც ბელა მეგობრებთან ერთად იმყოფებოდა, რომელსაც ასევე აბელ ტესფაი, ანუ The Weeknd ესწრებოდა და ბელას მიუახლოვდა. სუპერმოდელმა ყოფილი შეყვარებული გულთბილად მიიღო, ჩაეხუტა, ესაუბრა და ბოლოს პაპარაცებმა მათი კოცნაც დააფიქსირეს, ყოფილმა წყვილმა წვეულება ერთად დატოვა.
Mercedes Benz FW: მეოთხე დღე
თბილისის MERCEDES BENZ-ის მოდის კვირეულის მეოთხე დღე ყველაზე დატვირთული აღმოჩნდა, დღის განმავლობაში ათამდე ჩვენებას სხვადასხვა ლოკაციამ უმასპინძლა.

MERCEDES BENZ FASHION WEEK FW 2018
მეოთხე დღის კოლექციები


ამასთან, სტილისტიკაც საკმაოდ მრავალფეროვანი და განსხვავებული აღმოჩნდა, Irma De Flore-მა ცეკვის თემატიკას მიმართა, Aka Nanita-მ ორიგინალური მონახაზი დადგა, გიორგი ქებურიამ სტუმრები "თბილისი გარდენსის" მშვენიერ ეზოში მიიპატიჟა, Dalood-მა სცენის გასაფორმებლად ფერადი საღებავებით მოხატული უზარმაზარი ზეწარი გამოიყენა, ხოლო გიორგი შაღაშვილმა დღე შთამბეჭდავად დააგვირგვინა.


Met Gala 2018: საუკეთესო მაკიაჟი და ვარცხნილობა
მაისის პირველი კვირა მსოფლიო მოდაში გრანდიოზული მოვლენით დაგვირგვინდა - მეტროპოლიტენის მუზეუმში კოსტიუმების გალა საღამო მოეწყო, სადაც თითქმის მთელი ჰოლივუდი შეიკრიბა. ღონისძიების თემა კათოლიკური წარმოსახვა გახდა, რომელიც მოდასთან უნდა გადაკვეთილიყო. ვარსკვლავებმა სამოსის გარდა, ყურადღება მაკიაჟსა და ვარცხნილობაზეც მნიშვნელოვნად გაამახვილეს.
როგორ ეცვათ ვარსკვლავებს Met Gala-ს After Party-ზე
მასშტაბურმა და გახმაურებულმა Met Gala-მ ამჯერადაც სრული ეპატაჟურობით ჩაიარა. 2018 წლის თემა რელიგია გახლდათ და ვარსკვლავებმა ანა ვინტურის მიერ შემოთავაზებულ დავალებას თავი საუცხოოდ გაართვეს. წითელი ხალიჩის მერე, ტრადიციულად ყველანი წვეულებაზე, ე.წ After Party-ზე მიემართებიან, რისთვისაც მეორე შედარებით მოხერხებულ სამოსს არჩევენ.
MBFW სტუმრების ჩაცმულობა: დღე 2-5
Mercedes-Benz მოდის კვირეულზე დიზაინერებმა FW18-19 წლის კოლექციები წარმოადგინეს, მოდის კვირეულს მრავალი უცხოელი სტუმარი, ბაიერი და პრესის წარმომადგენელი დაესწრო, ფოტოგრაფების ობიექტივში კი პოდიუმთან ერთად აქტიურად ხვდებოდა სტუმრების ჩაცმულობა.

Mercedes-Benz Fashion Week TBILISI
MAY 4-7 2018, STREET STYLE
DAY 2-5

სტუმრებს მართლაც გამოარჩევდათ ჩაცმულობა. განსაკუთრებული სიხშირით Balenciaga, OFF WHITE, SUPREME და მთავარი ტრენდი: სიგარეტი დაფიქსირდა :/ ასევე უხვად შენიშნავდით ქართველი დიზაინერების სამოსს, რომელთაც უცხოელი სტუმრებიც უკვე კარგად ცნობდნენ. რამდენიმე სტუმარს, მაგალითად კი დალი ჩიტალაძეს პატივი ხვდა ალექსანდრ არუტიუნოვის ჩვენებაზე წინა დღეს წარმოდგენილი ქუდი მოერგო. ჩვენებებისთვის მთავარ ლოკაციას თბილისის ცირკის შენობა წარმოადგენდა. EDITORIAL.GE გთავაზობთ ჩვენი ფოტოგრაფის ანა ბაციკაძის მიერ დაფიქსირებულ სტუმრების ჩაცმულობას MBFW თბილისიდან.