;

10 July 2012      Hermione...♥     Views 3923    
Category: Films, Movies



სტივენ კინგის რომანის მიხედვით გადაღებული ფილმი, "მწვანე ბილიკი", დიდ ეკრანებზე 1999 წელს გამოვიდა, მაგრამ მის მიმართ ინტერესი დღემდე არ ცხრება. ფილმმა ოსკარის 4 ნომინაცია დაიმსახურა და IMDb-ს ყველაზე რეიტინგული ფილმების სიაში 71-ე ადგილზეა. დღემდე დაობენ იმის შესახებ, თუ რა გახდა ფილმის ასეთი წარმატების მიზეზი. კრიტიკოსთა ნაწილის აზრით, "მწვანე ბილიკის" წარმატების საიდუმლო იმაში მდგომარეობს, რომ იგი სტივენ კინგის ერთ-ერთი ყველაზე ცნობილი ნაწარმოების მიხედვითაა შექმნილი, სხვები კი ამბობენ, რომ ფილმის წარმატებაში გადამწყვეტი როლი რეჟისორმა ფრენკ დარაბონტმა და ტომ ჰენქსის შეუდარებელმა თამაშმა შეასრულა. მიუხედავად აზრთა სხვადასხვაობისა, არავინ უარყოფს, რომ "მწვანე ბილიკი" არის ფილმი, რომელმაც გულგრილი არავინ დატოვა.

მწვანე ბილიკი-ფილმი, რომელმაც გულგრილი არავინ დატოვა

ფილმის სიუჟეტი ასეთია: პოლ ეჯკომბი ციხის ზედამხედველია სიკვდილმისჯილთა ბლოკში. მას უამრავი ბოროტმოქმედი უნახავს. ერთ დღესაც მის ბლოკში გონებაჩამორჩენილ შავკანიან გოლიათს, ჯონ კოფის მიიყვანენ, რომელსაც სიკვდილით დასჯა მცირეწლოვანი გოგონების მკვლელობის გამო მიუსაჯეს. აღსანიშნავია, რომ ეჯკომბი არ ჰგავს სხვა ციხის ზედამხედველებს და პატიმრების მიმართ განსაკუთრებული ლოიალურობით გამოირჩევა. თუმცა მას არასოდეს სმენია მსგავსი სისასტიკით ჩადენილი მკვლელობის შესახებ, რომლისთვისაც ჯონ კოფი დააპატიმრეს. ეჯკომბი თავიდან თავს არიდებდა ჯონ კოფის, მაგრამ მოგვიანებით იგი ხვდება, რომ ჯონი განსაკუთრებილი, მაგიური ძალის პატრონია. მას შეუძლია სხვადასხვა დაავადებების განკურნება და ადამიანების სიცოცხლის გადარჩენაც კი. ეჯკომბი თავის კოლეგებთან ერთად ჯონს ერთი ღამით ციხიდანაც კი გააპარებს, რათა მან განკურნოს ციხის უფროსის კიბოთი დაავადებული მეუღლე. რაც დრო გადის, პოლს სულ უფრო და უფრო ეპარება ეჭვი ჯონის დანაშაულში. მოგვიანებით აღმოჩნდება, რომ იგი მართლაც უდანაშაულო იყო. გულუბრყვილო გოლიათი გოგონების გადარჩენას ცდილობდა, მაგრამ ეს უკვე გვიანი აღმოჩნდა-ჯონი დანაშაულის ადგილას ორი გვამით ხელში იპოვეს.
მწვანე ბილიკი-ფილმი, რომელმაც გულგრილი არავინ დატოვამწვანე ბილიკი-ფილმი, რომელმაც გულგრილი არავინ დატოვამწვანე ბილიკი-ფილმი, რომელმაც გულგრილი არავინ დატოვა
მწვანე ბილიკი-ფილმი, რომელმაც გულგრილი არავინ დატოვამწვანე ბილიკი-ფილმი, რომელმაც გულგრილი არავინ დატოვამწვანე ბილიკი-ფილმი, რომელმაც გულგრილი არავინ დატოვა
"მწვანე ბილიკი" შეულამაზებლად ასახავს ციხის ცხოვრებას, სიკვდილმისჯილი პატიმრებისა და მათი ზედამხედველის ემოციურ მდგომარეობას, რომელიც არანაკლებ განიცდის მსჯავრდებულთა ბედს. მასში მძაფრი ადამიანური განცდებითაა აღწერიალი სიკვდილმისჯილთა ბოლო დღე, მათი სინანული და კიდევ ერთი შანსის დაუოკებელი სურვილი. მაყურებელში განსაკუთრებულ ემოციას მაინც სიკვდილით დასჯის რამდენიმე დეტალური სცენა იწვევს. პარადოქსულად მოგეჩვენებათ, მაგრამ "მწვანე ბილიკი" გვასწავლის სიკეთესა და ჰუმანურობას ყველაზე შემზარავი და არაადამიანური სცენების დახმარებით. იგი გვარწმუნებს, რომ ადამიანი არ არის ღმერთი, რომ სხვები განსაჯოს ან მით უმეტეს, მათ სიცოცხლე მოუსწრაფოს. მისი ნახვის შემდეგ მიხვდებით, რომ შემზარავი მკვლელის სახელის მიღმა, შესაძლოა უდანაშაულო, მეტიც-მზრუნველი და გულუბრყვილო ადამიანი იდგეს, რომელიც უბრალოდ ცუდ დროს ცუდ ადგილას აღმოჩნდა. ასევე დარწმუნდებით, რომ ყველაზე სასტიკი დამნაშავის სიკვდილით დასჯაც კი არ არის მართებული, რადგან ამით ჩვენ მათზე არანაკლებ შემზარავ დანაშაულს ჩავდივართ წინასწარ, სასამართლოს მიერ დაგეგმილი მკვლელობის საჯაროდ აღსრულებით.

მწვანე ბილიკი-ფილმი, რომელმაც გულგრილი არავინ დატოვა
მწვანე ბილიკი-ფილმი, რომელმაც გულგრილი არავინ დატოვა
მწვანე ბილიკი-ფილმი, რომელმაც გულგრილი არავინ დატოვა
მწვანე ბილიკი-ფილმი, რომელმაც გულგრილი არავინ დატოვა


Category: Films, Movies
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top