;

2 December 2012      Nanuka.     Views 4125    
Category: Films, Movies

გამორჩეული მომენტები "ვამპირის დღიურებიდან"

ამჟამად "ვამპირის დღიურების" მე-4 სეზონი მიმდინარეობს. ამ ხუთშაბათს მაყურებელი რიგით მე-8 სერიას იხილავს. სერიალის ფანები მოუთმენლად ელიან მოვლენების განვითარებას, ვინაიდან სიუჟეტი ყოველკვირეულად იძაბება და ყოველ სერიას ახალი ინტრიგა მოაქვს. მანამ, სანამ ტელეარხი "CW" მორიგ სერიას შემოგვთავაზებდეს, ერთად გადავხედოთ ყველაზე დასამახსოვრებელსა და გამორჩეულ მომენტებს სერიალის ისტორიაში.

2x08 - დეიმონი ეუბნება ელენას, რომ უყვარს, მაგრამ შთააგონებს მას, რომ დაივიწყოს მისი სიტყვები. დეიმონის აზრით, იგი არ იმსახურებს ელენას: "რაც ახლა უნდა გითხრა, ალბათ ყველაზე ეგოისტური რამაა, რაც კი ცხოვრებაში მითქვამს. უბრალოდ უნდა ვთქვა ეს ერთხელ. შენ უნდა გაიგო ეს. მე შენ მიყვარხარ, ელენა. და მიყვარხარ იმიტომ, რომ არ შემიძლია შენ მიმართ ვიყო ეგოისტი, რატომ არ გესმის ეს. მე არ გიმსახურებ შენ, თუმცა ჩემი ძმა გიმსახურებს. ვისურვებდი, რომ არასდროს დაგვიწყებოდა ეს სიტყვები, მაგრამ დაგავიწყდება"



3x16 - დეიმონისა და სტეფანის დიალოგი. მე-3 სეზონის მე-16 სერიაში ერთ-ერთი ყველაზე ემოციური დიალოგი შედგა სალვატორებს შორის, რომელმაც დაამტკიცა, რომ მიუხედავად არაერთი უთანხმოებისა თუ ჩხუბისა, ძმებს ერთმანეთი ძალიან უყვართ და ნებისმიერ წამს მზად არიან გვერდში დაუდგნენ ერთმანეთს. ამ დროს სტეფანს რთული პერიოდი აქვს და კვლავ უჩნდება მიდრეკილება ადამიანების მოკვლისადმი, დეიმონი კი ეუბნება მას: "ნებისმიერ წამს, როდესაც ზედმეტად შეტოპავ, მე ვიქნები შენთან. ყოველ წამს, ყოველ დღეს. მანამ, სანამ აღარ დაგჭირდები". სტეფანი ეკითხება მას: "რატომ"?, ხოლო დეიმონი პასუხობს: "რადგან შენ ხარ ერთადერთი, ვინც მყავს ახლა".



გამორჩეული მომენტები "ვამპირის დღიურებიდან"გამორჩეული მომენტები "ვამპირის დღიურებიდან"

4x01 - სტეფანისა და ელენას დიალოგი ციხეში. მე-4 სეზონის 1-ელ სერიაში, ელენას ვამპირად გადაქცევის პირველი დღეა. სტეფანმა არ მიაღებინა მას სისხლი, რადგან ჰქონდა იმედი, რომ იგი ბონის დახმარებით ელენას ვამპირად გადაქცევის პროცესს ბოლომდე არ მიიყვანდა და კვლავ დაუბრუნებდა ადამიანობას, თუმცა იგი შეცდა. ელენა კვდება, რადგან სჭირდება სისხლი. ისინი დამწყვდეულები არიან და ელენა ნელ-ნელა ძალიან სუსტდება. სწორედ ამ დროს შედგება ელენასა და სტეფანს შორის ძალიან ემოციური დიალოგი.



3x20 - დეიმონისა და ალარიკის გამომშვიდობება. ალარიკი ერთადერთი ადამიანი იყო, რომელსაც დეიმონი ენდობოდა. იგი არჩევანის წინაშეა - ან უნდა გახდეს ვამპირებზე მონადირე ან მოკვდეს. ალარიკი სიკვდილს ამჯობინებს (ბონის ჩარევით, შემდგომში ეს არ მოხდება) და სწორედ ამიტომ დეიმონი მასთან გამოსამშვიდობებლად მიდის. ეს სცენა გადმოგვცემს იმ უსაზღვრო ტკივილს, რომელსაც ადამიანი მეგობრის დაკარგვისას განიცდის.




1x20 - ელენა უბიძგებს სტეფანს სიცოცხლისკენ. ამ სერიაში სტეფანი ამჟღავნებს იმ ტკივილს, რომელსაც მას საკუთარი წარსული ანიჭებს, ტკივილს, რომელიც მას ადამიანების მოკვლამ მოუტანა... სტეფანს სურს მოიკლას თავი, ელენა კი არწმუნებს მას, რომ იგი სწორედ ის ადამიანია, რომელმაც იხსნა მისი სიცოცხლე, რომელმაც აირჩია, რომ ყოფილიყო უკეთესი...




3x19 - ელენა კოცნის დეიმონს. სტეფანი ურჩევს ელენას, რომ გაემგზავროს დეიმონთან ერთად, რათა გაერკვეს თავის გრძნობებში. ელენა ვეღარ მოთოკავს თავს და დეიმონს აკოცებს. კოცნის სცენა გაფორმებულია "Florence & The Machine"-ს სიმღერით "Never Let Me Go", რაც მას მეტ სილამაზეს ანიჭებს.



4x07 - კლაუსისა და კეროლაინის დიალოგი. "მის მისტიკ ფოლსის" კონკურსზე კეროლაინი თანახმაა დრო გაატაროს კლაუსთან ერთად. კლაუსი მოიპოვებს კეროლაინის ძველ აპლიკაციას, რომლითაც იგი წინა წლის კონკურსში მონაწილეობდა და დაიწყებს მის გაშაყირებას. ეს ერთ-ერთი ყველაზე სახალისო და ლამაზი სცენაა ამ სერიაში.




1x10 - სტეფანისა და ელენას სექსი. ეს სცენა ერთ-ერთი ყველაზე გამორჩეულია სერიალის ისტორიაში, რადგან ამ დროს ელენამ იპოვა საკუთარ თავში ძალა, არ შეშინებოდა ვამპირის და მეტიც, ყვარებოდა ის, ისეთი როგორიც არის. იგი ამბობს: "თუ შენ წახვალ, წახვალ შენი თავის გამო, რადგან მე ვიცი, რაც მინდა. სტეფან, მე შენ მიყვარხარ".




2x16 - კეროლაინი მღერის მეთისთვის. ამ პერიოდში მეთი და კეროლაინი შეყვარებულები იყვნენ, თუმცა მათ ურთიერთობაში ბზარი იყო გაჩენილი. სწორედ ამიტომ, კეროლაინმა გადაწყვიტა სცენაზე ასულიყო და ყველას თანდასწრებით მეთისთვის ემღერა.




4x07 - დეიმონისა და ელენას სექსი. და ამ სეზონის უკანასკნელ სერიაში - ყველა დეიმონისა და ელენას ფანის ახდენილი ოცნება: მათი სექსი, რომელსაც ფანები 72 სერიის განმავლობაში ელოდნენ.



P.S 4 სეზონის განმავლობაში, მართლაც უამრავი გამორჩეული, დასამახსოვრებელი და ემოციური მომენტი ვნახეთ, რომლების ერთ სიახლეში გაერთიანება ძალიან რთულია. სწორედ ამიტომ, მაპატიეთ, თუ თქვენი საყვარელი მომენტი სტატიის მიღმა დარჩა. შემდეგში შემოგთავაზებთ საუკეთესო ეპიზოდებს რებეკას, ელაიჯას, კოლის, კეტრინის, ტაილერის და სხვა პერსონაჟების მონაწილეობით.


Category: Films, Movies
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

some articles are translated to English via google.com

ANGEL.GE ინსტაგრამზე - Instagram

Back to Top