;

18 January 2013      Nanuka.     Views 8053    
Category: Films, Movies

"The Originals"
სერიალის სიუჟეტი
სპოილერები ჯული პლეკის ინტერვიუდან

ჯული პლეკი, როგორც "ვამპირის დღიურების" აღმასრულებელი პროდიუსერი უკვე მთელმა მსოფლიომ გაიცნო. როგორც ჩანს, იგი გაჩერებას არ აპირებს და "ვამპირის დღიურების" ფანებს დიდ სიურპრიზს უმზადებს. კერძოდ, 25 აპრილს მისი თაოსნობით გამოდის ახალი სერიალი - "The Originals", რომელიც არის "ვამპირის დღიურების" სპინ-ოფი, ამავე სერიალის მსახიობების - ჯოზეფ მორგანისა (კლაუსი) და ფიბი ტონკინის (ჰეილი) მონაწილეობით.

"The Originals" - ახალი სერიალი ჯული პლეკისგან

სიუჟეტი


ორიგინალების ოჯახის წევრი - კლაუსი, ბრუნდება ქალაქ ნიუ ორლეანის ფრანგულ კვარტალში - ქალაქში, რომლის აშენებასაც საუკუნეების წინ თავად შეუწყო ხელი. იგი ბრუნდება, რათა შეუერთდეს თავის სასტიკ პროტეჟეს - მარსელს. სერიალში ჰეილის როლით გვევლინება აგრეთვე ფიბი ტონკინი - მაქცია, რომელიც "ვამპირის დღიურების" მე-4 სეზონში გავიცანით.
"The Originals" - ახალი სერიალი ჯული პლეკისგან

სპოილერები ჯული პლეკის ინტერვიუდან


-სპინ ოფის იდეა უკვე დიდი ხანია არსებობს. რამ გადაგაწყვეტინათ, რომ ის 25 აპრილს განხორციელდეს?

ეს ნამდვილად ისაა, რის შესახებაც ორი წლის განმავლობაში ვსაუბრობდით, ვცდილობდით გაგვეკეთებინა წინა წელს, თუმცა მაშინ ძალიან ბევრი საქმე იყო ძალიან ცოტა დროში. ამ წელს მოგვეცა შესაძლებლობა გამოვიყენოთ ბევრად მეტი დრო იმის დაზუსტებაში, აქვთ თუ არა ჩვენს მსახიობებს ინტერესი, მოვყვეთ მათი პერსონაჟების ისტორია უფრო ღრმად. ეს ყველაფერი საბოლოოდ გადაწყდა მაშინ, როდესაც მივხვდით, რომ არ მოგვიწევს მოვწყდეთ ჩვენს ყველაზე მნიშვნელოვან "ვამპირის დღიურებს" და პირიქით განვავითაროთ ამ სერიალის პერსონაჟების ისტორია.

-რა ცნობებს მოგვაწვდით 25 აპრილის სერიასთან დაკავშირებით?

-იდეა მდგომარეობს იმაში, რომ მისტიკ ფოლსში მიმდინარე მთელი რიგი მოვლენები აიძულებს კლაუსს გაემგზავროს ნიუ ორლეანში, რათა ამოხსნას საიდუმლო. ის შეიტყობს, რომ ვიღაც-ვიღაცები აპირებენ მის საწინააღმდეგოდ მოქმედებას. სწორედ ამიტომ, იგი ეშურება ნიუ ორლეანისკენ რათა შეიტყოს კერძოდ ვინ კრავს პირს მის წინააღმდეგ და რას აპირებენ ისინი. და ამ საიდუმლოს კლაუსი აბრუნებს იმ ქალაქში, რომლის აშენებაშიც საუკუნეების წინ თავად მიიღო მონაწილეობა. ის უმეგობრდება ვამპირს - მარსელს, რომელიც შემქმნელია ქალაქის მთელი რიგი წესებისა და ლიდერია მთელი ზებუნებრივი საზოგადეობისა. მას, გარკვეულწილად ძალაუფლება გადააქვს კლაუსის ხელში და ეუბნება: "შენ მასწავლე ყველაფერი, რაც კი ვიცი". ანუ, კლაუსის პროტეჟე ზებუნებრივი საზოგადოების "მეფეა" ნიუ ორლეანში და კლაუსიც ნელ-ნელა უახლოვდება მას.

-ჩაატარეთ თუ არა ქასთინგი მარსელის როლისთვის?


-არა. ქასთინგს ვიწყებთ 1 ან 2 კვირაში.

-როგორ აღწერდით მას?


-წვეულება მისი სიცოცხლეა. ის არის სასტიკი და საშიში როკ-ვარსკვლავი. ის არის იმ სახის ვამპირი, რომელსაც შეუძლია მაქსიმალური სიამოვნება მიიღოს ფრანგული კვარტალის ცხოვრებიდან.

-ფანებს აინტერესებთ ვინ შეაჩერებს კლაუსს და როგორ ჩაერთვება ამ ყველაფერში ჰეილი.

-ეს დიდი საიდუმლოების ნაწილია. მე ვიტყვი, რომ ვერავინ ივარაუდებს ამ ყველაფერს და ჰეილის მოქმედებები ყველასთვის დიდი სიურპრიზი იქნება.

-იქნება თუ არა როლი ელაიჯასთვის (დანიელ გილსი) სპინ-ოფში?

ჯული პლეკის სამყაროში (იცინის), ყოველთვის არის როლი ელაიჯასთვის. ეს იმაზეა დამოკიდებული, რამდენად არის დანიელ გილსის სამყაროში ინტერესი ჯული პლეკთან მუშაობის მიმართ. მაგრამ, მე ვიმედოვნებ, რომ პასუხი იქნება "კი".

-და რას გვეტყვით რებეკაზე (კლერ ჰოლტი)? იგი ბრუნდება ახალ სერიაში, თუმცა კლაუსსა და მას მაინც და მაინც კარგი ურთიერთობა არ აქვთ.

ამ მომენტისთვის, ის მართლაც ძალიან გაბრაზებულია კლაუსზე და მათ ურთიერთობას კიდევ მრავალი ბარიერის გადალახავა მოუწევს უახლოეს 5 ეპიზოდში. მე ვფიქრობ, რომ ის კიდევ ერთი პერსონაჟია, რომელიც დიდი განძია ორივე შოუსთვის. მისი მონაწილეობა ახალ შოუში დამოკიდებულია რებეკას მომავალზე, კლერის მომავალზე რებეკასთან მიმართებაში და ყველა იმ მოვლენაზე, რაც ჯერ არ განგვიხილავს.

"The Originals" - ახალი სერიალი ჯული პლეკისგან

"ვამპირის დღიურების" ფანებს წინ მართლაც ძალიან საინტერესო სერიალი ელით. "The Originals" საშუალებას მოგვცემს უფრო ღრმად გავიცნოთ ორიგინალების ოჯახი და გავხდეთ ახალი, ძალიან საინტერესო თავგადასავალის მონაწილენი.





Category: Films, Movies
Tags:

Share it
Comments

« 1 2 »


Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top