4 September 2013      Cassie     Views 2 116    
Category: Films, Movies

Despair (short film)


Despair
- ფოტოგრაფ ალექს პრეიგერის მიერ გადაღებული მოკლე მეტრაჟიანი ფილმია, რომელშიც მონაწილეობას იღებს მსახიობი ბრაის დალას ჰოვარდი, ცნობილი რეჟისორი რონ ჰოვარდის ქალიშვილი. ფოტოგრაფის თანახმად ეს ფილმი არის მისი ნამუშევრების სენსორული ვერსია. ,,მე მსურდა მეჩვენებინა ერთ-ერთი ჩემი ნამუშევრის სამი ვარიანტი - აწმყოში, წარსულსა და მომავალში. სწორედ ეს არის ფილმის ჩანაფიქრი'' -ამბობს ალექსი.



,,სასოწარკვეთა'' ალქს პრეიგერის პირველი ფილმია. ფოტოგრაფს მისი შექმნა შთააგონა 1948 წელს გადაღებულმა ფილმმა ,,Ballet shoes''. ფილმი მოგვითხრობს ბალერინას შესახებ, რომელიც არჩევნის წინაშე დგება ცეკვასა და სიყვარულს შორის. იგი გადაწყვეტილებას ვერ იღებს და საბოლოოდ სიცოცხლეს თვითმკვლელობით ასრულებს. გარდა ამისა, ფილმის ერთ-ერთი სცენა გადაღებულია ცნობილი რეჟისორი ალფრედ ჰიჩკოკის ფილმი ,,ფანჯარა ეზოს მხარეს'' სტილში.


Despair (short film)



Despair (short film)

ფილმში მოქმედება მიმდინარეობს ლოს-ანჯელესში, გასული საუკუნის 60-იან წლებში. მშვენიერი ქალბატონი იდუმალებით მოცულ სატელეფონო ზარს იღებს, რომელიც მასში უზომო მწუხარებას იწვევს და ახალგაზრდა ქალი ტრაგიკულ დასასრულამდე მიჰყავს. მიუხედავად იმისა,რომ შინაარსი, ცოტა არ იყოს გაუგებარია, ფილმი მაინც ძალიან სასიამოვნო საყურებელია.

თვალში საცემია, პერსონაჟი ქალის ჩაცმულობა. ფოტოგრაფი, საკუთარ ნამუშევრებში, უპირატესობას ანიჭებს მკვეთრი ფერის მაკიაჟსა და ტანსაცმელს. ყურადღება გამახვილებულია წითელ ფეხსაცმელებზე, რომელიც გარკვეულ სიმბოლოს წარმოადგენს.

ფილმის პრეზენტაცია შედგა 2010 წელს ნიუ-ოირკში MOMA-ს გალერეაში. იგი წარდგენილი იყო ალექსის სხვა ნამუშევრებთან ერთად, რომლებიც ასევე გასული საუკუნის სტილში იყო შესრულებული.





Category: Films, Movies
Tags:

Share it
Comments
Back to Top