17 February 2015      Ancho.     Views 14 321    
Category: Films, Movies / Stars




და აი ჩაიარა ვალენტინობის დღემ, რომელსაც ურიცხვი აუდიტორია ელოდა, რადგან ეს სიყვარულის დღე ფილმ "გრეის 50 ელფერის" პრემიერის თარიღად დაინიშნა! მათ შორის საქართველოშიც ურიცხვი ადამიანი დაესწრო პრემიერას კინოთეატრ ამირანსა და რუსთაველში. შეფასებები არაერთგვაროვანია, მრავალი აღაშფოთა მთავარი მამაკაცი პერსონაჟის კრისტიან გრეის ძალაუფლება და სექსუალურმა მისწრაფებებმა და ანასთეიშა სტილსის მიამიტობამ. მოკლედ, ყველაფერი ისე განმეორდა, როგორც წიგნის გამოცემას მოყვა. თუმცა კი რა თქმა უნდა ფილმი მხატვრულადაა გადაღებული და ის არ წარმოადგენს პორნოს! სექსუალური სცენების გადაღებებმა თეთრეულის არც თუ ისე თხელ ფენებს შორის ჩაიარა და სიმულაციას წარმოადგენს, ფილმს მიეკუთვნა 18+ ასაკობრივი ცენზი, თუმცა ბევრის წუწუნი, რომ წიგნისგან განსხვავებით ამოღებულია სექსის მრავალი სცენა უპირისპირდება იმ მაყურებელთა რეაქციას, რომელთაც წიგნი საერთოდაც წაკითხული არ აქვთ და ფილმში გადმოცემულმა მომენტებმა ისინი ისედაც შოკში ჩააგდო!




Fifty Shades of Grey (2015)
გრეის ორმოცდაათი ელფერი


მიამიტი ანასთეიშა ნერვიულად იწევს თმას, ისწორებს უბრალო ბლუზს და აბიჯებს გრეის იმპერიაში. ის ცოტახანში იმპერიის მეთაურის კრისტიანის ფეხქვეშ ექცევა. ის კრისტიანს გულუბრყვილო თვალებით უმზერს პარალელურად კი ტუჩს იკვნიტავს: ალბათ ყველა გოგონა ფიქრობს, როდესაც შენ წინ 27 წლის მილიარდელია, არ არის დაქორწინებული და შეყვარებულიც არ ჰყავს, დროის დაკარგვა არ ღირს, თუმცა გულუბრყვილო ანასთეიშას დაბალი თვითშეფასებით მათი რომანი მისთვის წარმოუდგებელი და საოცნებოა იმ დონემდე, რომ ეს მას აშინებს კიდეც. ასეთი რამ იშვიათად ხდება და სწორედ ასეთი უჩვეულო და სასურველი სამყარო წარმოგვიჩინა "გრეის 50-მა ელფერმა", დავარქვათ ამას ზღაპრული რომანი, თუმცა სულ მალევე იკვეთება გრეის სექსუალური პრიორიტეტები და ეს ჟანრი უფრო კოშმართანაა მიახლოებული!

50 Shades Of Grey - შეფასება50 Shades Of Grey - შეფასება
50 Shades Of Grey - შეფასება50 Shades Of Grey - შეფასება
50 Shades Of Grey - შეფასება50 Shades Of Grey - შეფასება


რომელი გოგონა არ იოცნებებს მამაკაცზე, რომელიც ყველაფრით უზრუნველყოფს მას ყველაფერი კონტროლის ქვეშ აქვს. მას მთელი რიგი ოცნებების შესრულება შეუძლია და მისი გავლენა და ძალაუფლება არ დაგტოვებს გულგრილს, ანასთეიშა მასში ბევრად მეტს ხედავს, ვიდრე მისი სოციალური იმიჯი და სექსუალური მისწრაფებებია. ვფიქრობთ, სულ მალე ფსიქოლოგიის კურსდამამთავრებლები დაიცავენ დისერტაციებს თემაზე: "კრისტიან გრეის პერსონაჟი და მისი გავლენა თანამედროვეობაზე".


ბოლო დროის ყველაზე პოპულარული ეროტიკული რომანი ერთგვარი სექსუალური რევოლუციის დასაბამი გახდა: ახსნა ტაბუ მთელ რიგ თემებს და იმოქმედა გარკვეული მასის აზროვნების ცვლილებაზეც. წიგნის პერსონაჟები სათამაშოებად იქცნენ, მათ შორის სექს-შოპებში დიდი პოპულარობა მოიპოვეს სექსუალურმა სათამაშოებმა, წიგნში აღწერილი და ფილმის საუნდტრეკი დისკების გაყიდვებმაც იმატა! საბავშვო ბოდეებიც კი გაჩნდა წარწერით "9 თვის წინ დედამ 'გრეის ორმოცდაათი ელფერი ' წაიკითხა".

4 წლის განმავლობაში 100 მილიონზე მეტი წიგნი გაიყიდა და რომანზე კინოვერსიის გადაღებაც დაიგეგმა. ფილმის თრეილერი გამოსვლისთანავე ნახვების რაოდენობით რეკოსრდსმენი გახდა ინტერნეტსივრცეში. მთავარმა გმირებმა დაკოტა ჯონსონმა და ჯეიმი დორნანმა კი გაიაზრეს რას ნიშნავს გაიღვიძო სუპერვარსკვლავად, თანაც ჯერ კიდევ ფილმის გამოსვლამდე!


50 Shades Of Grey - შეფასება
50 Shades Of Grey - შეფასება

ფილმის დიდ ეკრანზე ნახვა შეგიძლიათ კინოთეატრ რუსთაველსა და ამირანში,
ფილმში გამოყენებულ მუსიკას და საუნდტრეკებს კი იხილავთ პუბლიკაციაში: http://www.angel.ge/movies-soundtracks/116956-soundtracksforfiftyshadesofgrey.htmlhttp://www.angel.ge/movies-soundtracks/116956-soundtracksforfiftyshadesofgrey.html

www.new.kinoafisha.ge/movies/გრეის ორმოცდაათი ელფერი

რუსთაველი
16:45 - 9.5ლ
19:45 - 11.5ლ
22:30 - 11.5ლ

ამირანი
17:00 - 9.5ლ
19:45 - 11.5ლ
22:30 - 11.5ლ

50 Shades Of Grey - შეფასება

25 წლის დაკოტა ჯონსონი ცნობილი მსახიობების მელანი გრიფიტისა და დონ ჯონსონის ქალიშვილია, ანტონიო ბანდერასის გერი. მისი დებიუტი კინოში 9 წლის ასაკში შედგა ფილმში "ქალები წესების გარეშე". მთავარი როლები მას აქამდე არ განუსახიერებია, მხოლოდ ეპიზოდურები.

32 წლის ირლანდიელი ჯეიმი დორნანი 10 წელი იყო მოდელი ისეთი ბრენდებისა როგორებიცაა: Dior, Giorgio Armani და Calvin Klein. ნახევრადშიშველმა გადაიღო ქეით მოსთან და ევა მენდესთან ერთად. კინოინდუსტრიაში 10 წლის წინ შედგა ფეხი და წინა წელს ნომინირებული იყო ბაფტაზე სერიული მკვლელის როლით BBC-ის სერიალისთვის "კრახი."

ეს ორი ვერც კი წარმოიდგინდა იმ წარმატებას, რომელიც თავს დაატყდათ. ჯერ კიდევ გადაღებების დაწყებიდან გამოუჩნდა ფილმს გულშემატკივრები. ისინი შეიკრიბნენ ონლაინ ფორუმებზე და თითოეულ დეტალს არჩევდნენ, რაზეც კი ინფორმაციას გებულობდნენ.

50 Shades Of Grey - შეფასება
როგორ მიიღეს ყველაზე განხილვადი როლები

დაკოტა: "როდესაც წიგნს ვკითხულობდი, ძალიან მომწონდა ანასთეიშა, ის გულწრფელი და თავმდაბალია. 2 თვის განმავლობაში დავდიოდი მოსმენებზე, რამდენჯერმე წავიკითხე სცენები ხმამაღლა, ვხვდებოდი რეჟისორს. პროცესი იმდენად ხანგრძლივი გამოდგა, რომ როდესაც მითხრეს, რომ როლი ჩემი იყო, თვალებიდან ცრემლები წამომივიდა. მე ბედნიერი ვიყავი."

ჯეიმი: "მე კასტინგების პირველი ტალღა ვერ გადავლახე. ლონდონში ვიყავი, ვიდეო ჩავწერე და გავაგზავნე. რამდენიმე ხანში გავიგე, რომ როლზე ჩარლი ჰანემი აიყვანეს. ჩემთვის არც დაურეკავთ. რაც იმას ნიშნავს, რომ ვერ ვივარგე. შემდეგ ჩარლი პროექტიდან წავიდა თავისი გადატვირთული გრაფიკის გამო და მოსმენები ახლიდან დაიწყო. მე ლოს-ანჯელესში ჩავფრინდი და დაკოტასთან ერთად წავიკითხე სცენები. მას ეტყობოდა რომ უკვე გამოფიტული იყო."

დაკოტა: "თუ სწორად მახსოვს ჯეიმი ბოლოს შემოვიდა. ჩვენ გავიარეთ ინტერვიუს სცენა, მე უკვე იმდენჯერ მქონდა წაკითხული უკვე სიტყვებიც აღარ მესმოდა. ჯეიმი სულ ხუმრობდა, აქამდე ასე არავინ მოქცეულა. და იცით, ყველაფერი გამოვიდა. ამასთან, ჯეიმმა შეძლო გადმოეცა ის შეგრძნება, რომ მის გმირს საიდუმლო აქვს, რთული ისტორია."

ჯეიმი: "კრისტიანი ობოლია, მისი დედა ნარკომანი და მეძავი იყო. მე მესმის ადამიანების, რომლებმაც ადრეულ ასაკშივე განიცადეს დაკარგვა. მე 16 წლის ვიყავი, როდესაც დედა დავკარგე, 1 წლის შემდეგ კი ჩემი ოთხი მეგობარი დაიღუპა ავტოკატასტროფაში. ამან თავისი კვალი დატოვა ჩემს ცხოვრებაზე. ალბათ კამერაზეც აღიბეჭდა და მე როლი მიიღო. მოსმენის შემდეგ მითხრეს, რომ დამირეკავდნენ იმ დღეს, ზარი ღამის 2 საათზე შემოვიდა. ცოლს უკვე ეძინა, მე მას ყურში ჩავჩრჩულე: მე სიახლე მაქვს. ხვალ მოგიყვები."

50 Shades Of Grey - შეფასება
50 Shades Of Grey - შეფასება

ანასთეიშად და კრისტიანად გარდაქმნა

ჯეიმი: "კრისტიანი მამაკაცია, რომელიც თავის თავს ყოველთვის იდეალურ ფორმაში ამყოფებს. მე ბევრი ვარჯიში მომიწია სპორტდარბაზში. ჩემი ცოლი ორსულობის 30-ე კვირაზე იყო. გიჟური პერიოდი იდგა. რთულია უთხრა ფეხმძიმე ცოლს: საყვარელო აბა შენ იცი, წავედი მე სპორტდარბაზში, თუ შეტევა გექნება ესემესი მომწერე."

დაკოტა: "რადგანაც მე შიშველი მომიწევდა გადაღება, კარგ ფორმაში უნდა ვყოფილიყავი. ამიტომაც ბევრს ვარჯიშობდი, ჯანსაღ საკვებს ვჭამდი და იმდენი რაოდენობის ეპილაცია გავიკეთე, რომ არცერთ ქალს არ დაესიზმრებოდა."

50 Shades Of Grey - შეფასება50 Shades Of Grey - შეფასება

საწოლის სცენები

სექსის სცენები ფილმში საოცრად დინამიურია. ის არ ემსგავსება პორნოგრაფიას. მეტიც, ქმნიან რომანტიულ, იდეალიზირებულ წარმოდგენებს ინტიმურ სიახლოვეზე, ასეთივე სტილშია გადმოცემული სექსუალური-ძალადობის სცენები. გასეირნებები ვერტმფრენით, კოცნა ბუნებაში და ხედები გრეის აპარტამენტიდან ყველაფერს ამაღლებულად წარმოადგენს.

ჯეიმი: "როგორც მსახიობები, ჩვენ ხშირად კადრებში ვაკეთებთ უცნაურ რამეებს. მაგრამ როდესაც პირველად გასცა სიგნალი გადამღებმა ჯგუფმა, მე თავში გამიელვა ფიქრმა: "აქ საერთოდ რა ხდება, შენ ხომ უკვე მამა ხარ!"

დაკოტა: "საწოლის სცენების გადაღებისას გადასაღებ მოედანზე ძალიან ცოტა ადამიანი იყო. დედამ მითხრა, რომ მე უფლება მქონდა ეს მომეთხოვა. ცნობილ "წითელ ტკივილის ოთახს" 2 თვეზე მეტხანს სურათითაც არ მაჩვენებდნენ. როდესაც იქ მოვხვდი რეაგირება მოვახდინე, როგორც ანამ. ეს სხვა სამყარო იყო: ბორკილები, მათრახი..."

50 Shades Of Grey - შეფასება

ჯეიმი: "ზოგიერთი სცენა, რომელიც "წითელ ოთახში" გადავიღეთ ჩემთვის არაკომფორტული იყო. მე მომიწია დაკოტასათვის გამეკეთებინა ისეთი რამეები, რომლებსაც არასოდეს არცერთ ქალს არ გავუკეთებდი. სულ მინდოდა ის დამეცვა. მესმოდა, როგორი რთული იყო მისთვისაც. ისმოდა ჯგუფის შეძახილი "გადაღებულია" და ის მაინც შიშველი იწვა საწოლს მიჯაჭვული."

დაკოტა: "ჯეიმი იყო ერთადერთი, ვინც პლედს მაფარებდა დუბლებს შორის. ის ყოველთვის ცდილობდა, რომ მე რამე არ მტკენოდა. მაგრამ ერთხელ კისრის ტრამვა მივიღე, როდესაც ჯეიმის მოუწია რამდენჯერმე დავეგდე საწოლზე."

50 Shades Of Grey - შეფასება
50 Shades Of Grey - შეფასება

საფინალო შეფასება:

დაკოტა: "მე ვამაყობ ჩვენი ფილმით. მე მთელი ძალიხმევით შევეცადე ანას განსახიერება და ვცდილობდი ის როგორც ძლიერი ისე წარმომეჩინა. მე ვფიქრობ ის კრისტიანზეც ძლიერია. რასაც ის აკეთებს, მისი დამოუკიდებელი არჩევანია."

ჯეიმი: "პრემიერამდე უკვე მესმოდა ქუჩაში შეძახილები: შეხედეთ კრისტიან გრეი!" მე კი მათ ვპასუხობდი, არა მე ჯეიმი ვარ მსახიობი. ფილმის გამოსვლის შემდეგ მათი ემოცია გაცილებით გაიზარდა."




უმჯობესია ნახოთ: ანასთეიშას ზურმუხტისფერი თვალები საუკეთესოდ ერწყმის გრეის ნაცრისფერ კოსტუმებს.
ეს ხომ ფილმია, რომელზეც ყველა საუბრობს! დაფუძნებული წიგნზე, რომელმაც შეიძლება ითქვას, უდიდესი გავლენა მოახდინა მიმდინარე ეპოქაზე. თუ როგორ და რატომ, თავად გაიგებთ, როდესაც იხილავთ ამ კომპლექსურად რთული წყვილის ეროტიულ ურთიერთობებს, ჩასწვდებით მათ სურვილებს, ვნებას, ტრავმებს, იდეალებს და იმედს შემდგარი ურთიერთობისა.

მხოლოდ რჩევას მოგცემდით კინოთეატრში დიდ ეკრანზე დამსწრეებს: ნუ წახვალთ ფილმის სანახავად შეყვარებულთან ერთად, რომელთანაც რომანტიულ სტადიაში იმყოფებით და სექსის თემაზე საუბართან შორს ხართ. ფილმი განეკუთვნება ეროტიულ-რომანტიულ ჟანს და მრავალმა აღნიშნა უხერხულობის მომენტი კინოთეატრში, კარგად შეარჩიეთ თუ ვისთან ერთად უყურებთ ფილმს და გვერწმუნეთ, თუ კი აქამდე არ წაგიკითხავთ წიგნი, თქვენ აუცილებლად მოიძიებთ გრეის ტრილოგიას წიგნის მაღაზიებში რათა გაიგოთ, თუ როგორ გაგრძელდება მათი რომანი და უფრო დეტალურად გადაიკითხოთ პირველი ნაწილი, სადაც როგორც ყველა ამბობს, მეტად დეტალურადაა აღწერილი წყვილის ეროტიული ურთიერთობა და დამოკიდებულობა. ფილმის მეორე ნაწილზე მუშაობა კი სულ მალე დაიწყება!



თუ გეგმავთ ფილმის 50 Shades Of Grey ნახვას?


Category: Films, Movies / Stars
Tags:

Share it
Comments
« 1 2 »
Back to Top