24 January 2015      slimshady     Views 1 708    
Category: Music / Stars



ლეიდი გაგამ ბოლო წარმატებული სოლო ალბომი - Artpop 2013 წელს გამოუშვა და მას შემდეგ გაგა შოუბიზნესში აღარ აქტიურობდა, თუმცა 2015 წლისთვის ახალ ალბომს დაგვპირდა. ბრიტანელი პოპ მომღერლის - ადელის მესამე ალბომს კი ფანები 2012 წლიდან ელოდებიან, ახლა კი უკვე დანამდვილებით ვიცით, რომ მისი გრანდიოზული დაბრუნებაც 2015 წელს შედგება. ცოტა ხნის წინ კი ლეიდი გაგამ მისი და ადელის სელფი გამოაქვეყნა ინსტაგრამზე, რაც გახარებულმა ფანებმა მათი თანამშრომლობის დასაწყისად მიიჩნიეს და ორი პოპ ვარსკვლავისგან ახალ სიმღერას ელიან!

გაგამ სელფს ასეთი წარწერა დაურთო, რაც თითქოს ქმნის შთაბეჭდილებას, რომ გოგონები უბრალოდ ერთ საღამო ატარებენ ერთად.... "Nothing like a Wednesday night bro-down with the beautiful Adele."

გაგას სელფი მოჰყვა ფოტოების ნაკადს, სადაც აშკარად ჩანს, რომ ის
პროდიუსერ RedOne-თან ახალ სიმღერებზე მუშაობს საკუთარ სახლში - ლოს ანჯელესში.





ადელიც თავის მხრივ საკუთარ ალბომზე მუშაობს.გავრცელდა ხმა, რომ ის ჯეიმს ბონდის ახალი ფილმისთვის Spectre-ისთვის საუნდტრეკს წერს. არც ადელის და არც ლეიდი გაგას ალბომების ზუსტი გამოსვლის თარიღი ჯერჯერობით ცნობილი არ არის. ჩვენ კი იმედი ვიქონიოთ რომ მათი დუეტი ნამდვილად შედგება.

მათი თანამშრომლობა გასაკვირი არ არის, რადგანაც მომღერლები დიდი ხნის მეგობრები არიან. გასული წლის ოქტომბერში გაგამ ინსტაგრამზე გამოაქვეყნა სურათი ყვავილების თაიგულისა ადელისგან, რომელსაც თან წერილი მოჰყვა. ის ბოდიშს იხდიდა გაგას კონცერტებს რომ ვერ დაესწრო. გაგამ კი თავის მხრივ ინსტაგრამზე სურათს ასეთი წარწერა გაუკეთა:

"What a doll. Sending me flowers, such a classy girl Adele
and a phenomenal mother well miss laughing with you!"




Category: Music / Stars
Tags:

Share it
Comments
Back to Top