;
25 ოქტომბერი 2013      Hermione...♥     20 კომენტარი     ნანახია 2886-ჯერ    
კატეგორიაში: ვარსკვლავები, ფოტო კრებულები / ფოტოსესიები

Joseph Gordon-Levitt/ჯოზეფ გორდონ-ლევიტი
Joseph Gordon-Levitt Joseph Gordon-Levitt Joseph Gordon-Levitt
ყველასათვის ცნობილი და ბევრისთვის საყვარელი ოქროს გლობუსის ორგზის ნომინანტი ამერიკელი მსახიობი, ჯოზეფ გორდონ-ლევიტი 1981 წლის 17 თებერვალს მოევლინა ქვეყანას. ჯომ განსაკუთრებული არტისტული მონაცემები ადრეულ ასაკში გამოავლინა , 11 წლისას კი უკვე ლეგენდარული რობერტ რედფორდის რეჟისორობით შექმნილ სურათში მონაწილეობის პატივი ხვდა წილად. მას შემდეგ გორდონ-ლევიტმა არაერთი შთამბეჭდავი პერსონაჟის დაუვიწყარი შესრულება აჩუქა მაყურებელს როგორც დამოუკიდებელ, ისე მსხვილ და მაღალბიუჯეტიან ჰოლივუდურ პროექტებში მონაწილეობის შედეგად. მრავალფეროვანი როლების, ფენომენალური ტალანტისა და ვირტუოზული გარდასახვის უნარის წყალობით ჯოზეფ გორდონ-ლევიტი თანამედროვე ჰოლივუდში მოღვაწე ერთ-ერთ ყველაზე სანიმუშო არტისტად ითვლება.
Joseph Gordon-Levitt Joseph Gordon-Levitt
✔ საინტერესო ფაქტები

სრული სახელი: ჯოზეფ ლეონარდ გორდონ-ლევიტი
მეტსახელები: ჯო, ჯოი, JGL, Regular Joe
დაბადების თარიღი: 1981 წლის 17 თებერვალი
დაბადების ადგილი: ლოს-ანჯელესი, კალიფორნია, აშშ
პროფესია: მსახიობი, რეჟისორი, სცენარისტი

Joseph Gordon-Levitt Joseph Gordon-Levitt
* ჯოზეფის მშობლები, ჯეინ გორდონი და დენის ლევიტი კალიფორნიაში მშვიდობისა და თავისუფლების პარტიის აქტივისტები იყვნენ. უჭერდნენ რა მხარს ქალთა სტატუსის გაზრდას, მათ გადაწყვიტეს შვილებისათვის ორმაგი გვარი (გორდონ-ლევიტი) მიეცათ, რათა დედისეული მხარის უფლებები არ შელახულიყო.

* ვარსკვლავის უფროსი ძმა, დენ გორდონ-ლევიტი, 2010 წელს, უბედური შემთხვევის შედეგად 36 წლის ასაკში გარდაიცვალა.

* კალიფორნიაში მდებარე ვან ნუისის სკოლის წარმატებით დამთავრების შემდეგ, ჯოზეფმა სწავლა კოლუმბიის უნივერსიტეტში გააგრძელა, სადაც ფრანგულ ენასა და ლიტერატურას დაეუფლა.

* ჯოს ბაბუა, მაიკლ გორდონი, ფართოდ ცნობილი რეჟისორი იყო, რომელსაც ეკუთვნის კლასიკად ქცეული ნამუშევრები სირანო დე ბერჟერაკი (Cyrano de Bergerac) და ბალიშთან საუბარი (Pillow Talk).
Joseph Gordon-Levitt Joseph Gordon-Levitt
Joseph Gordon-Levitt Joseph Gordon-Levitt
* ჯოზეფმა სამსახიობო კარიერა 6 წლისამ, სარეკლამო რგოლებში მონაწილეობით დაიწყო და როგორც თავად ამბობს, თავისი ცხოვრების ეს პერიოდი არასასიამოვნოდ ახსენდება, რადგანაც მეტად არაბუნებრივად უწევდა ქცევა.

* ხშირად ამსგავსებენ ა.წ. გარდაცვლილ ჰიტ ლეჯერს, რომელთან ერთადაც მან ითამაშა ახალგაზრდულ კომედიაში სახელწოდებით 10 მიზეზი, რის გამოც მძულხარ (10 Things I Hate About You).

* რაც არ უნდა უცნაურად ჟღერდეს, ლეჯერის გარეგნობის გარდა, ჯოზეფის ვიზუალი კიანუ რივზის ფიზიკურ მონაცემებთანაც არაერთხელ შეუდარებიათ.

* გორდონ-ლევიტის საყვარელი მსახიობები კრისტიან ბეილი, გარი ოლდმენი და დენიელ დეი-ლუისი არიან. პირველ ორთან ერთად მან ითამაშა კრისტოფერ ნოლანის ბნელი რაინდის აღზევებაში (The Dark Knight Rises), უკანასკნელთან ერთად მუშაობის პატივი კი ჯოზეფს სტივენ სპილბერგის გახმაურებულ ისტორიულ დრამაში სახელწოდებით ლინკოლნი (Lincoln) ხვდა წილად, სადაც მან აბრაამ ლინკოლნის ვაჟის, რობერტის როლი შეასრულა.
Joseph Gordon-Levitt Joseph Gordon-Levitt
* ადამიანები, რომლებსაც ჯოზეფთან ერთად სხვადასხვა პროექტებზე მუშაობა მოუწიათ, მას ახასიათებენ, როგორც საოცრად ნიჭიერ, შრომისმოყვარე, კრეატიულ და ერთ-ერთ ყველაზე სათნო და გულღია პიროვნებას, ვინც კი ოდესმე შეხვედრიათ.

* მეგობრობს ლეონარდო დიკაპრიოსთან, ენ ჰეტეუეისთან, ზოი დეშანელთან, ემილი ბლანტთან, ჩენინგ ტატუმთან და მიშელ ტრახტენბერგთან.

* კინოკრიტიკოსები ჯოზეფის განსაკუთრებულ უპირატესობად ურთულესი როლების განსაკუთრებული ძალისხმევის გარეშე შესრულებას მიიჩნევენ, რაც მის თამაშს ერთდროულად ბუნებრივსა და ელეგანტურს ხდის.

* უკრავს გიტარასა და დრამებზე.
Joseph Gordon-Levitt Joseph Gordon-Levitt
* ფილმ იდუმალი კანის (Mysterious Skin) გადაღებებისას ლურჯ ლინზებს ატარებდა.

* ჯოზეფი კომპანია hitRECord-ის დამფუძნებელია, რომელიც მსოფლიო მასშტაბით სხვადასხვა დარგში მოღვაწე არტისტებს აერთიანებს და კრეატიული იდეების განხორციელების საშუალებას აძლევს.
Joseph Gordon-Levitt Joseph Gordon-Levitt
* ავტორია საბავშვო წიგნისა პაწაწინა ისტორიების პაწაწინა წიგნი (The Tiny Book of Tiny Stories).

* აქვს თამბლერის, თვითერისა და ინსტაგრამის ექაუნთები, რომელთა მეშვეობითაც საზოგადოებას თავის შემოქმედებით ცხოვრებას უზიარებს და არც ფანებთან აქტიურ კონტაქტს იზარებს.
Joseph Gordon-Levitt Joseph Gordon-Levitt
* ფილმ ჩინებული დევნის (Premium Rush), გადაღებებისას, რომელშიც მსახიობი ნიუ-იორკში კურიერად მომუშავე პროფესიონალი ველოსიპედისტის როლს ასრულებს, ჯო ერთ-ერთი ილეთის შესრულებისას ისე მძიმედ დაშავდა, რომ მისთვის 31 ნაკერის დადება გახდა საჭირო.

* ჯო აღიარებს, რომ ლედი გაგას დიდი თაყვანისმცემელია.

* არც იმას მალავს, რომ გუგლის მეშვეობით ხშირად ამოწმებს თავისზე დაწერილ სტატიებს. მისი თქმით, ეს ეხმარება უკეთ შეიცნოს საზოგადოების აზრი და მომავალში მათ უფრო მისაღები პროექტები შესთავაზოს.

* ჯოზეფს საფუძვლიანი ფიზიკური გარდასახვა დასჭირდა ფილმებისთვის ჰეშერი (Hesher) და ლუპერი (Looper) ამ უკანასკნელში ვარსკვლავი ბრიუს უილისის პერსონაჟის ახალაზრდა ვარიანტს თამაშობს.

ჰეშერი

Joseph Gordon-Levitt

Joseph Gordon-Levitt


ლუპერი

Joseph Gordon-Levitt Joseph Gordon-Levitt Joseph Gordon-Levitt Joseph Gordon-Levitt

***

Joseph Gordon-Levitt

Joseph Gordon-Levitt


* მსახიობის თქმით, დასაწყისი (ნოლანის ფილმის მიხედვით, მეთოდი, რომლის მეშვეობითაც სხვათა გონებაში რაიმეს ჩანერგვაა შესაძლებელი), რომ რეალური იყოს და მას ამის შესაძლებლობა ჰქონდეს, ხალხს კრეატიული შემოქმედების სურვილს ჩაუნერგავდა.
Joseph Gordon-Levitt
Joseph Gordon-Levitt
Joseph Gordon-Levitt

* სიამოვნებით ითანამშრომლებდა ტიმ ბარტონთან.
Joseph Gordon-Levitt Joseph Gordon-Levitt
* ვარსკვლავის თქმით, ძმები კოენების მიერ შექმნილი ფილმები მუდამ დადებით განწყობას უქმნის.

* ერთ-ერთ უკანასკნელ ინტერვიუში ჯომ განაცხადა, რომ მიუზიკლში მონაწილეობის დიდი სურვილი აქვს და უკვე შეუდგა კიდეც შესაფერისი პროექტის ძებნას.
Joseph Gordon-Levitt Joseph Gordon-Levitt Joseph Gordon-Levitt
* ოქროს გლობუსის ნომინაციები მიიღო ფილმებისთვის 500 დღე სამერთან ერთად (500) Days of Summer და 50/50.

(500) Days of Summer

Joseph Gordon-Levitt Joseph Gordon-Levitt Joseph Gordon-Levitt

50/50

Joseph Gordon-Levitt Joseph Gordon-Levitt


* 2013 წელს დიდ ეკრანებზე ჯოზეფის პირველი სრულმეტრაჟიანი სარეჟისორო ნამუშევარი, დონ ჯონი (Don Jon) გამოვიდა, რომელშიც ვარსკვლავს პარტნიორობას სკარლეტ იოჰანსონი და ჯულიანა მური უწევენ. ფილმი კომედიურ-სატირული ჟანრისაა და საკმაოდ დადებითი შეფასებები მიიღო.
Joseph Gordon-Levitt Joseph Gordon-Levitt

***
Joseph Gordon-Levitt

Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt


✔ ფოტოკრებული

Joseph Gordon-Levitt

Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt
Joseph Gordon-Levitt

Joseph Gordon-Levitt

Joseph Gordon-Levitt
Joseph Gordon-Levitt

Joseph Gordon-Levitt

კატეგორია: ვარსკვლავები, ფოტო კრებულები / ფოტოსესიები
Tags:

20


  • Hermione...♥ თქვა:
    27 ოქტომბერი 2013 22:14 - ID: 20,
    loseyourself,
    დიდი მადლობა, ჩემო კარგო ♥

  • -Diana- თქვა:
    27 ოქტომბერი 2013 20:28 - ID: 19,
    - ძალიან, ძალიან, ძალიან მიყვარს ჯოზეფი ♥ უსაყვარლესი და უნიჭიერესი მსახიობია, უდიდეს სიამოვნებას მგვრის მისი ფილმების ყურება ♥

  • loseyourself თქვა:
    27 ოქტომბერი 2013 17:27 - ID: 18,
    კარგი სიახლეა ძააან და ჯოსეფი ძალიან ძალიან საყვარელია და სიმპატიური

  • Hermione...♥ თქვა:
    26 ოქტომბერი 2013 20:26 - ID: 17,
    elga,
    კარგი რაა, მადლობა შენ ♥ ახალი ფილმი მეც ძალიან მაინტერესებს, თრეილერები ჩასაბჟირებელი აქვს და თან მგონი ვინც უყურა, თითქმის ყველას მოეწონა. "ჰეშერში" ყველაზე მეტად ის მომენტები მიყვარს, როდესაც აუზში ხტებიან და კიდევ ბებიის პანაშვიდზე სიტყვით რომ გამოდის, იმდენჯერ გადავახვიეეე... :)
    tata ۰۪۫۰,
    მადლობა, თათა ♥ აჰაა, ემბერთანაც მეგობრობს და სხვათა შორის, ეს ფოტო მომწონს ძალიან.

  • anna... თქვა:
    26 ოქტომბერი 2013 17:38 - ID: 16,
    ძალიან საყვარელი და ნიჭერი ბიჭია love

  • tata ۰۪۫۰ თქვა:
    26 ოქტომბერი 2013 15:21 - ID: 15,
    რა საყვარელია, მიყვარს ეს ბიჭი love ისე ჯოზეფი ემბერთანაც მეგობრობს :) <3 თიკა ძალიან კარგი ნიუსია love

  • elga თქვა:
    26 ოქტომბერი 2013 13:29 - ID: 14,
    როგორ მიყვარს ჩემი შტერუკა ისეთი საყვარელი მხიარული და ეშმაკური თვალები აქვს ძნელია თავი არ შეგაყვაროს .
    მისი ფილმოგრაფიაც შთამბეჭდავია როგორც თვიტონ. სკარლეტის და ჯოზეფის ახალი ფილმი მაინტერესეს.
    ვაიმე "ჰეშერი" რო ვნახე ჯოზეფით იმდენად მოვიხიბლე რო Dღემდე მოხიბლული ვარ როგორი სიმპატიურია მანდ.
    ჰიტს მართლა მაგრად გავს.
    არაჩვეულებრივი ნიუსია კიდევ ერთხელ მადლობა

  • Hermione...♥ თქვა:
    25 ოქტომბერი 2013 18:26 - ID: 13,
    tatule-anushke,
    კარგი, შევეცდები რამდენიმე დღეში დავდო winked

  • demetria თქვა:
    25 ოქტომბერი 2013 13:06 - ID: 12,
    ratomRac ar momowns es biWi ragachnaeriaa

  • tatule-anushke თქვა:
    25 ოქტომბერი 2013 12:09 - ID: 11,
    დიდად მასიამოვნებ თუ მის ფილმოგრაფიასაც დადებ feel

  • Hermione...♥ თქვა:
    25 ოქტომბერი 2013 12:03 - ID: 10,
    MARAUDER,
    lika97,
    ELE-elene,
    ძალიან დიდი მადლობა, მიხარია, რომ სიახლეც მოგწონთ და ჯოც ♥♥♥ ნოლანის "ბნელი რაინდის აღზევება" გრანდიოზული და არანაკლებ ხარისხიანი ნამუშევარია არაჩვეულებრივად დაკომპლექტებული ქასთით, მაგრამ მაინც ვფიქრობ, რომ მსგავს ფილმებში მსახიობები მეორეხარისხოვან ფუნქციას ასრულებენ, ძირითადი დატვირთვა კი სცენარზე, საუნდტრეკებსა და ვიზუალურ ეფექტებზეა. ჯოზეფში, როგორც არტისტში, ყველაზე მეტად იმას ვაფასებ, რომ რიგითი, მოკლე სეგმენტზე გათვლილი ფილმები შეუძლია თავისი შესრულებით კინემატოგრაფიის უშესანიშნავეს ნიმუშებად აქციოს. თუნდაც "იდუმალი კანი" და "ჰეშერი" ავიღოთ, ჯოს შესრულება რომ არა, პირველი ორი ისტორიის წარუმატებელი სინთეზი იქნებოდა, რომელიც მთელ რიგ პრობლემებს გადაუჭრელად ტოვებს და არც რეალობას ასახავს ადეკვატურად, მეორე კი რაღაც უაზრო სიზმარს დაემსგავსებოდა, რომელსაც მაყურებელი გაღვიძებისთანავე დაივიწყებს. სწორედ ჯოზეფის პროფესიონალიზმის წყალობით გამოვიდა ერთი ემოციურად დატვირთული LGBT ფილმი, რომელმაც ყველაზე ჯიუტი ჰომოფობებიც კი დააფიქრა, მეორე კი შავი იუმორითა გაჟღენთილი დაუვიწყარი სანახაობა.

  • Ggvantsa თქვა:
    25 ოქტომბერი 2013 01:39 - ID: 9,
    მაინც რა ბავშვური სახე აქვს winked

  • ELE-elene თქვა:
    24 ოქტომბერი 2013 23:30 - ID: 8,
    ვაიმეე, როგორ მიყვარს ჯოზეფი love როგორც ყოველთვის, შესანიშნავი სიახლეა...მეც დიდი ხანია არ შემოვსულვარ და მესიამოვნა ასეთი ნიუსი :))))

  • lika97 თქვა:
    24 ოქტომბერი 2013 23:18 - ID: 7,
    ვგიჟდები მე ჯოზეფზე ! რაღაც არანორმალურად ნიჭიერი ადამიანია, ყოველმხრივ love მისი ლაივ-შესრულებები მაოცებს ! ბევრი "მომღერალი" რომელიც დღეს პოპულარობით სარგებლობს შოუბიზნესში ვერც კი შეედრება მას ))) უსაყვარლესი, ძალიან სიმპატიურია და უზომოდ კეთილი და თბილი ადამიანის შთაბეჭდილებას ტოვებს love მის სამსახიობო მონაცემებზე აღარ დავიწყებ ლაპარაკს, მართლა ბრმა უნდა იყო, რომ ვერ დაინახო რა დონის მსახიობია ! "დონ ჯონს" ველოდები love ძალიან კარგი სიახლეა love ფავორიტებშია !

  • MARAUDER თქვა:
    24 ოქტომბერი 2013 22:54 - ID: 6,
    პირველად "ბნელი რაინდის აღზევებაში" ვნახე და მის მერე მომწონს <3
    კაინუს ბევრად ჯობია...
    თიკა, მენატრებოდა შენი სტატიები და ძალიან გამიხარდა ამ ნიუსის დანახვა <3

  • Hermione...♥ თქვა:
    24 ოქტომბერი 2013 22:05 - ID: 5,
    Johnny depp,
    Lolipop..,
    უღრმესი მადლობა! მინდა გითხრათ, რომ მეც ძალიან მაკლდით ♥ კი, ჰიტი და ჯო ახლო მეგობრები იყვნენ.

  • Lolipop.. თქვა:
    24 ოქტომბერი 2013 21:53 - ID: 4,
    როგოორ მიიიყვარსსსსს ♥ ♥ ♥
    უნიჭიერესი მსახიობია და ამასთანავე ძალიან სასიამოვნო ადამიანის შთაბეჭდილებას ტოვებს რა კარგიია ♥
    ჰიტ ლეჯერს მომენტებში ძალიან მაგრად გავს, თან ძალიან კარგი მეგობრებიი ყოფილან როგორც მე ვიცი..

    ძალიან კარგი ნიუსია love

  • Johnny depp თქვა:
    24 ოქტომბერი 2013 21:35 - ID: 3,
    ციტატა: Hermione...♥

    ვიამე არ შემიძლია არ ავღნიშნო როგორ მაკლია შენი
    ყველაფერი საიტზე!დანაკლისიხარ და განივიცდი რო
    ვეღარ იცლი ( ნუ ვერც მე ვიცლი ) , ესეგი სტატია
    არის ისეთი ერთ ნიჭიერ და ყველაფრით კაარგ გოგოს
    რომ შეეფერება ისეთოი, იცნობთ ხო ? თიკა ქვია:დ

    რა კარგი ბიჭია <3მინდა მეტი ინფორმაცია მასსზე .

  • Hermione...♥ თქვა:
    24 ოქტომბერი 2013 21:23 - ID: 2,
    ჩემი პატარა ბარტყი ♥ ყველაზე მეტად მიყვარს, უძლიერესი მსახიობია, იმდენად ნიჭიერი, რომ ნამდვილი ფლეგმა უნდა იყო, მისმა შესრულებამ რომ არ აღგაფრთოვანოს. ამასთანავე, შესანიშნავი კარიერა აქვს, ყოველთვის განსხვავებულ, არაორდინალურ ფილმებში თამაშობს და ეს არა მხოლოდ მის მრავალფეროვან შემოქმედებაზე, არამედ მისი ხასიათის საკმაოდ საინტერესო ასპექტზეც მიგვანიშნებს. მისი ინტერვიუების მოსმენაც ყოველთვის სასიამოვნოა, ძალიან კეთილი და თბილი პიროვნებაა, არც ინტელექტი აკლია და თანაც ზოგზოგიერთებისგან განსხვავებით, თავში საერთოდ არ აქვს ავარდნილი. ასევე, არ შემიძლია არ აღვნიშნო ჯოს ფიზიკური მხარეც - უსაყვარლესი და უსიმპატიურესია და ღმერთმა დაიფაროს კიანუ რივზობისგან!
    P.S. სურვილის შემთხვევაში, სიამოვნებით გაგაცნობთ ჯოს ფილმოგრაფიასა და გამონათქვამებს!!!

  • NiNi_N თქვა:
    24 ოქტომბერი 2013 21:23 - ID: 1,
    ჩემი ბიჭი love ძაან ძაან მიყვარს
    ჰიტ ლეჯერს მართლაც გავს და კაინუსაც წააგავს ცოტათი.
    მცირედი, მაგრამ მაინც არის მათ შორის რაღაც საერთო, ვიზუალურად!

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
გთხოვთ გაიაროთ რეგისტრაცია. რეგისტრაციის დასაწყებად დააჭირეთ ამ ბმულს: რეგისტრაციის დაწყება



მოგესალმებით angel.ge-ზე

საიტი, სადაც გაეცნობით სიახლეებს სელებრითების შესახებ, მოდისა, და ხელოვნების სფეროდან. ექსკლუზიური მასალები ცნობილი ქართველი ადამიანების და მნიშვნელოვანი ღონისძიებების შესახებ. გვადევნეთ თვალი და მოგვყევით @wwwangelge ინსტაგრამსა და ფეისბუქზე



ANGEL.GE ინსტაგრამზე - Instagram

Instagram
  • ანუკი არეშიძის დღიური
    "ყველას უნდა მთის წვერზე ცხოვრობდეს, მაგრამ ის კი არ იციან, რომ ბედნიერება სწორედ ის არის თუ როგორ ადიხარ მთის ციცაბო ფერდობზე."
  • თაკო ჩხეიძის დღიური
    რას ფიქრობს მოდის სფეროს აქტიური წარმომადგენელი მოდაზე, რასთან ასოცირდება მისთვის ჟურნალი Nargis და ვინ არის მისთვის ყველაზე საინტერესო პიროვნება...
  • სოფი ვილის დღიური
    დღიურის მთავარი თემა მუსიკაა. სოფი ვილის დღიური - ახალგაზრდა მუსიკოსის შესახებ საინტერესო დეტალებს გაგაცნობთ.
  • გიორგი ცაგარელის დღიური
    რადიკალურად ობიექტურიც და სუბიექტურიც, უზრდელობამდე პირდაპირი და ემოციური- ასე დაახასიათა მუსიკოსმა საკუთარი პიროვნება.
Back to Top