17 December 2013      Hermione...♥     Views 2 317    
Category: Stars / Fun, Interesting

ელენ პეიჯის გამონათქვამებიელენ პეიჯის გამონათქვამებიელენ პეიჯის გამონათქვამები
უმშვენიერესი ოსკარის ნომინანტი კანადელი მსახიობი, ელენ პეიჯი ყველასაგან განსხვავებული სახეა თანამედროვე კინოინდუსტრიაში. 26 წლის პეიჯი უარს ამბობს ტიპური ჰოლივუდის ვარსკვლავი გოგონას იმიჯის მორგებაზე, ხშირად მონაწილეობს ვიწრო სეგმენტზე გათვლილ არტჰაუზის ფილმებში და შავი იუმორითაც გამოირჩევა. მსახიობის თქმით, უდიდეს სიამოვნებას კონკრეტული როლის შესრულებისას იღებს, მისით მიღწეული წარმატება და კი პოპულარობა კი მეორეხარისხოვანია. ელენს ასევე არაერთხელ აღუნიშნავს, რომ ფემინისტია და ეს მის ქმედებებშიც აშკარად გამოიხატება - არასოდეს თანხმდება სტერეოტიპებზე დაყრდნობით შექმნილი სულელი და სუსტი გოგონების როლებს და ღიად აკრიტიკებს სექსისტური შეხედულებების მქონე პიროვნებებს. პეიჯის ინტერვიუებში ყოველთვის იკვეთება მისი ინდივიდუალიზმი, არატრადიციული მსოფლმხედველობა, მაღალი ინტელექტის დონე და საკუთარი პროფესიისადმი სერიოზული მიდგომა. მოდით, თვალი გადავავლოთ მსახიობის გამონათქვამებს.
ელენ პეიჯის გამონათქვამებიელენ პეიჯის გამონათქვამები
-ყველას ჰგონია, რომ გოგონებს უნდა უყვარდეთ მძინარე მზეთუნახავი, მაგრამ ვის და რატომ უნდა მოუნდეს სუსტი და ბედისწერაზე მინდობილი პრინცესას ადგილას ყოფნა, როდესაც შეგიძლია ალადინის ადგილზე ყოფნასა და მის თავბრუდამხვევ თავგადასავლებში გაბმაზე იოცნებო?

-არასოდეს არაფერი მინდოდა ჰოლივუდისგან, რადგანაც მიმაჩნია, რომ შენი ფილმებით გარკვეული სათქმელი უნდა გადმოსცე, ამერიკული კინოინდუსტრია კი იშვიათად თუ გაძლევს ამის საშუალებას.

ელენ პეიჯის გამონათქვამებიელენ პეიჯის გამონათქვამები
-არ მინდა, რომ ჩემს საქმიანობაზე დამოკიდებული გავხდე. სიამოვნებას მანიჭებს ჩემი პროფესიით მოღვაწეობა, მაგრამ არ მსურს, რომ მის გარეშე თავი ცუდად ვიგრძნო.

-კარიერა კანადაში დავიწყე, სადაც ყოველთვის დაბალბიუჯეტიან ფილმებს იღებენ და იქიდან მოყოლებული, მნიშვნელოვანია არა მაღალი ჰონორარი, არამედ საინტერესო სცენარი და არტისტული თვითშეგნების სრული გამოხატულება.

ელენ პეიჯის გამონათქვამებიელენ პეიჯის გამონათქვამები
-ვბრაზდები, როდესაც ფილმის დაბალ შემოსავალს თითქმის სულ ქალ მსახიობებს აბრალებენ, მამაკაცებს კი არასოდეს.

-როგორი ხარისხიანი შესრულებაც არ უნდა შემოგვთავაზონ, უსიამოვნო გრძნობას მგვრის იმ მსახიობების ყურება, რომლებიც მკვათრად განსხვავებული აქცენტით გამოირჩევიან.

ელენ პეიჯის გამონათქვამებიელენ პეიჯის გამონათქვამები
-მე მიყვარს მეტსახელები, რადგანაც მათი მეშვეობით თავს ნაკლებად მარტო ვგრძნობ.

-მიყვარს იმ როლების შესრულება, რომლებსაც მთელი შენი არსება უნდა მიუძღვნა. არ აქვს მნიშვნელობა, ეს ემოციური მიზეზებით იქნება გამოწვეული თუ კასკადიორის ამპლუაში მომიწევს თავის გამოცდა.

ელენ პეიჯის გამონათქვამებიელენ პეიჯის გამონათქვამები
-ნერვებს მიშლის იმ ფილმების არსებობაც კი, სადაც მამაკაცები საკუთარ ბედს თავად განაგებენ, ქალები კი უბრალო დეკორაციებად გვევლინებიან.

-სამწუხაროდ უნდა ვთქვა, რომ სექსიზმის ჩამოყალიბებაში დიდი როლი მიუძღვის ჩარჩოებში მოქცეულ, ტრადიციულ დედა-შვილურ ურთიერთობებს.

ელენ პეიჯის გამონათქვამებიელენ პეიჯის გამონათქვამები
-10 წლის ვიყავი, როცა მსახიობობა დავიწყე. მას შემდეგ უამრავი ფილმის სცენარი წამიკითხავს და მინდა გითხრათ, რომ მათი 90% ნამდვილი ნაგავია.

-თინეიჯერობის ხანა რომ 70-იან წლებში გამეტარებინა, ჩემზე ბედნიერი არავინ იქნებოდა.

ელენ პეიჯის გამონათქვამებიელენ პეიჯის გამონათქვამები
-მე ერთი უბრალო კანადელი ქალაბიჭა ვარ, რომელსაც გულწრფელი და მებრძოლი სულის პატრონი გმირების განსახიერება უყვარს.

-კარგ კომედიას არასოდეს აკლია ტრაგედიის გარკვეული დოზა. დიდი ინტერესით შევისწავლე ის პარადოქსი, რაც კომედიას ხარისხიანს ხდის.

ელენ პეიჯის გამონათქვამებიელენ პეიჯის გამონათქვამები
-როდესაც რაიმეს მიმართ ძლიერი გრძნობები გამაჩნია, იმ თემაზე გაჩუმება არ შემიძლია.

-ჩვენ ვიზრდებით და პიროვნებებად ვყალიბდებით ისეთ საზოგადოებაში, სადაც ყველა გვეუბნება თუ რა უნდა გავაკეთოთ და ვერ აცნობიერებენ, რომ საკუთარ თავთან მარტო დარჩენა და დამოუკიდებელი არჩევანის გაკეთება უფრო წაგვადგება.

ელენ პეიჯის გამონათქვამებიელენ პეიჯის გამონათქვამები
-მიუხედავად ჩემი ფიცხი ხასიათისა, თავს მეამბოხედ არ მივიჩნევ.

-არ მიყვარს საკუთარი ფილმების ყურება და პრემიერებზე, ხალხით გავსებულ კინოთეატრებში თავს უხერხულად ვგრძნობ ხოლმე.

ელენ პეიჯის გამონათქვამებიელენ პეიჯის გამონათქვამები
-ბავშვობიდანვე დიდ სიამოვნებას მანიჭებდა სხვადასხვა ისტორიების მოყოლა.

-თავს იღბლიანად ვგრძნობ, რადგანაც ჩემს ასაკში ფინანსურად დამოუკიდებელი ვარ, შემიძლია შევქმნა რაც მსურს, უარი ვთქვა უამრავ ბიუროკრატიულ პროცესზე და დრო წერას დავუთმო.

ელენ პეიჯის გამონათქვამებიელენ პეიჯის გამონათქვამებიელენ პეიჯის გამონათქვამები

Category: Stars / Fun, Interesting
Tags:

Share it
Comments
Back to Top