;

6 January 2012      Nanuka.     1 Comments     Views 7166    
Category: Take Care

პროდუქტები უკეთესი ძილისთვის
ალბათ ბევრ თქვენგანს ჰქონია შემთხვევა, როდესაც დაწოლილა და ვერაფრით დაუძინია ან
ეს პრობლემა ყოველ დღე აწუხებს. არსებობს პროდუქტები, რომელთა მიღება თქვენს
ძილს მშვიდსა და უშფოთველს გახდის და დაგეხმარებათ უძილობასთან გამკლავებაში.

1. მივიღოთ ამინომჟავებით გამდიდრებული პროდუქტები


ერთ-ერთი პროდუქტი, რომელიც დიდი რაოდენობით ამინომჟავას შეიცავს რძეა, ამიტომ
ერთი ჭიქა თბილი რძის დალევა ყოველ დღე უძილობასთან გამკლავებაში დაგეხმარებათ.
ამინომჟავებს შეიცავს აგრეთვე იოგურტი, ბანანი, ალუბალი, შვრია და თხილი.

პროდუქტები უკეთესი ძილისთვის

მშვიდი ძილისათვის მნიშვნელოვანი კომპონენტია აგრეთვე მაგნიუმის შემცველი
პროდუქტების მიღება, როგორებიცაა თხილი, ნუში და სხვა. კარგი იქნება, თუ
ზოგჯერ მიიღებთ B6 და B12 ვიტამინს, რომლებიც მზესუმზირის მარცველბსა
და ზეთის შემცველ პროდუქტებში შედის.

2. მივიღოთ დიეტური ნახშირწყლებით გამდიდრებული პროდუქტები

დიეტური ნახშირწყლების მიღება სისხლში ძილისთვის საჭირო ჰორმონებს ანვითარებს.
დაწოლამდე რამდენიმე საათით ადრე ძალიან კარგია თუ მიიღებთ ხორბლეულსა, ერთ ჭიქა
რძესთან ერთად, კრეკერებსა და იოგურტს ან თუნდაც ერთ ნაჭერ პურს ყველთან ერთად.

3. მოერიდეთ ცხარე საკვებს


უძილობის ერთ-ერთი გამომწვევი მიზეზია გულძმარვა, რომელიც ხშირად ძილის წინ
იწყება. გულძმარვის დაწყებას ხელს უწყობს ცხარე საკვები, რაც ფხიზლად ყოფნისკენ
გვიბიძგებს. ამიტომ ეცადეთ, რომ საკვები მიიღოთ დაძინებამდე მინიმუმ 4 საათით
ადრე. ამასთან მოერიდეთ კოფეინის შემცველ პროდუქტებს, განსაკუთრებით ყავას,
რომელიც ტვინს აფხიზლებს, ნაცვლად იმისა, რომ მან დაისვენოს.

4. სწრაფი კვების პროდუქტები ძილს უშლის ხელს

ყველამ კარგად ვიცით, რომ სწრაფი კვების ობიექტები ხალხში გადაჭარბებული სიმსუქნის
მიზეზია, მაგრამ ამას გარდა სპეციალისტებმა დაადგინეს ისიც, რომ ჰამბურგერი თუ
ფრი ადამიანს უცბად დაძინების საშუალებას არ აძლევს. ამიტომ გვიან ნუ გამოიკვებებით
სწრაფი კვების პროდუქტებით და შეცვალეთ იგი უფრო ჯანმრთელი იოგურტით, ბანანითა
თუ კრეკერებით.

5. მოერიდეთ ალკოჰოლს

ცნობილი ფაქტია, რომ ალკოჰოლის მიღებისას ადამიანის ორგანიზმი დუნდება და
ის ადვილად იძინებს, თუმცა მას ბევრი ნეგატიური მხარე ახლავს. სწორედ ალკოჰოლია
მიზეზი ძილის შემდგომი თავის ტკივილისა და ნაკლებად მშვიდი ძილის.

6. მიიღეთ მცენარეული პროდუქტები


მცენარეულ პროდუქტებს უნარი აქვთ დაასვენონ ადამიანის ტვინი და მშვიდად დაძინების
საშუალება მისცეს მას. ლიმონიანი ჩაი და ჩაი გვირილის ნაყენით არაჩვეულებრივია თქვენი
ორგანიზმისა და უშფოთველი ძილისათვის. დაწოლამდე 1-2 სათით ადრე ლიმონიანი ჩაი
ინსომანიასთან საბრძოლველად ძალიან კარგი საშუალებაა.
პროდუქტები უკეთესი ძილისთვის

სწორი კვება ერთ-ერთი მნიშნველოვანი კომპონენტია მშვიდი ძილისათვის. კარგი
დიეტა არამარტო დაბალკალორიული საჭმლის მიღებას ნიშნავს, არამედ საჭმლის,
რომელიც მშვიდ ძილში დაგეხმარებათ. ენერგიისა და სტიმულისათვის იძინეთ
მშვიდად, მიიღეთ ჩამოთვლილი პროდუქტები და უარი თქვით იმ პროდუქტებზე,
რომლებიც საზიანოა თქვენი ჯანმრთელობისათვის. თუ გაწუხებთ უძილობა,
მოცემული რჩევები დაგეხმარებათ უკან მოიტოვოთ შემაწუხებელი ღამეები და
გაიღვიძოთ აქტიურად, ენერგიულად და შემართებით.


Category: Take Care
Tags:

Share it
Comments

  • m_a_n_ch_o თქვა:
    26 April 2012 12:32 - ID: 1,
    ეჰ, lol
    რძე და თაფლი ? wassat მირჩევნია გავათენო lol



Welcome to ANGEL.GE

at our web page you can see the latest top newses about fashion world, street styles, trends, street styles, films, quotes and many other interesting things...

ANGEL.GE ინსტაგრამზე - Instagram

Back to Top